लिउ २
1
खिरेकि दि श्ये सिरुप् ङा सेमक्यु कि ङ्येकि खिराङ तिवा ला ओडिसियाला वतुप् ताङ ङे च्याङा माथोङ्बु ज्यिबा खेर्किला चो बोबु दुक्पा क्याबु वाइ ।
2
ङा सेमक्यु कि खिरेकि ङिङ्ज्ये दक्पुचिक तानि टानि दाक्पि सेम्ला सेम्सो हुङ्सित तेमे युल्वाकि तरिक हुतुङकि गिज्या ङ्येतुप क्यानि खिरेकि कन्ज्यककि क्ष्यामेतुप तेमे चावाला क्ष्या ङेदु थुसित ।
3
येन्देन ताङ रिक्पा तेरिक गुज्या तिवा खोला वानि वाइ ।
4
ङा दि सिउकि जुनाक किरुप तामकि सिसाङ खिराङ्ला जुनाक मिकिसित ।
5
ङा खिराङ तानि उङ्बुला मेसिनाङ ङा खिराङ तानि थुला वे ङा खिरे (सुव्यबश्था ) ताङ चावाला खिरे क्योङ्बु मोवा थोङनि ङाला गालाबु वे ।
6
खिरेकि चावा येसुला च्येनक ङेतुप वे , ल्यामु थु दगे ।
7
खिराङला लापुप् दउेराङ क्यानि खोला क्योङ्बु क्यानि मारि चु खोला ल्यामु डोसित् मोवाला (स्थापित ) च्युङ्सित तेमे आला आला थुचिच्छे बिन ।
8
सेम बिन्ना सिसाङ खराङला मिजिकि तङिकि तावा ताङ दि जाम्बुलिङला कालेन तानि च्युङनि दिक्पा मेतुप् ताङ माकेङ्बु जुनाक नेसुर ताङ गिपाला माश्योर दि चावा दगेराङ ।
9
खाङ सिसिन चावाला कन्ज्यककि तेरिक उ्बुला स्यासा देक्यु ।
10
खीराङ खोला ल्यामु क्यानि केङु वे, तिराङ तेरिक ठिम ताङ ओङकि पिर्च्युङ वे ।
11
तिराङ खिरे खाला ग्यालुप वे चिन खतना मिजि लाक्पि मिन हिन्सिनाङ दिक्पा वतुप लाकाकि चावा नेसुर क्याबु खतना हिन ।
12
खिराङ खोवा तानि बप्तिस्माला श्यबु वे तेमे खोला श्येतुप तिवा नेसुर सेन्बा लोङ्गुप कन्ज्यककि ङारला मोवा मेसुर खिराङ्ला खोकि सेन्बु जोबु वे ।
13
दजोला खिराङ दाक्पि उङ्बु ताङ खतना मिन्दुप श्येप वे कन्ज्यककि खिराङ्ला चावा सेन्बु जोसुङ तेमे अरे तेरिक गिपा तिवाला ताङ्देन क्यासुङ ।
14
खोकि अरे खाला ग्यापु छ्यावा टिबु ङेवा तिवाला ताङ बिनि तेरिक माच्युङ्बा मेङ्गुप ठिम तिवाला मिन सिनि सिक्यासुङ ख्योकि दि तेरिकला स्यार्नि ङ्याङ्सिङ्ला काल्सुङ ।
15
खोकि ठिम किरुप तिवा ताङ ओङकि मितिवाला शाश्त्र जोसुङ ते खिरेखाला ङ्याङससिङकि ग्याल्सुङ तेमे खोकि खिराङला ग्यालु (जुलुस ) तिवाला दाक्पि चाला ल्यामु दगे तमासा क्यनि बिन ।
16
तिकि किसाला ताङ सिलास खिराङ्ला सापसाचे ताङ थुङ्गुप साचे ताङ (चाड) कि ङिमा मिन्सिन (औसि) मिन्सन ङा स्वपकि कला ङेवा ग्याक चित ।
17
दि वानि तिङ्ला हुङ्गुप ताम तिवि रिप्च्याङ क्या हिन तजोला हुतुङ्राङ ति चावा वे ।
18
अरेकि छ्यारुप थोङ्गुप वे सिनि निन्दुप् ज्यापु छ्या देदिन देवाचेनकि (पुजा ) क्यानि खीरे मितिविकि खिराङ्ला जुनाक क्यानि खिरे ङेतुप छ्याकतक मोश्योरसित खिरेकि दिक्पा सेम्गि खिराङ्ला (आत्ङककारि )जोबु वे ।
19
तिविकि चावा मिन्सिन उङ्बुकि गो तानि खेप्तङमा माल्हाबा फाजेकराङ देत गो नेसुर तेरिक उङ्बुकि (पोषण ) ङेनि थिचे तिवा ताङ (ग्रन्थि) तिवा नेसुर क्ष्याजिक थिनि नक । तेमे उङ्बि कन्ज्यककि विन्दुप दगेराङ छाकिन किउइ ।
20
दोजो दि जाम्बुलिङ्ला (आधारभुत सिदान्त ) तिवाला खिराङ चावा तानि राङ श्याप वे सिनि खाङसिनि खिराङ सदि जाम्बुलिङ्ला च्याक बिनि थार्क्यु ।
21
माजिम सोमाला मारेगा
22
दि ताम तिवा (सम्बान्सित ) मितिवि ठिम तिवा ताङ येन्देन तिवा हिन । दि ताम तिवा याङ थगिन थगिन ना गाल्नि डिउइ ।
23
दि ठिम तिवाला मि दाक्पि राङ जोबु मिन्दुप लाका मिन्दुप ज्यापु ताङ उङ्बि दुक्पा तरुप लाकाला रिगु किरुप येन्देनकि ताम दतुप दगेराङ थोगु हिन्सिनाङ तिजराङ काबुला खुगुप दि ताम तिवा (मुलायक) मेत ।