लिउ १
1
चावा येसुला वतुप मिजि ताङ ना दगे चावा कन्ज्यकि रेवा नेसुर चावा येसुकि प्रेरित पावल ।
2
ङिङ्ज्येबु पेजा तिमपथिलाः पापा चावा कन्ज्यक ताङ थार्वा तेरुप् चावा येसु कि काटिन ताङ लोदिमु ।
3
ङेकि नुप ङिन ख्योरुङला नाम्लाङ ङे संवाला नासाम तोगिन हतुप्ला चावा कन्ज्यकला थुचिछे तेर्क्यु ,तिकि यक ङे पागावा तिवि क्याबु दगेराङ ङा रिक्पा लेमुकि किउइ ।
4
ख्यरे मिक्च्युर नासाम ताङ्नि ङा ख्योरुङ्ला डेतुप् छोल्गु तेमे ङा गा कि थुसित ।
5
गमाला ख्यरे माम बोबु लोइसताङ मामा युनिसला हतुप ख्यरे मोवा कि नासाम तागिन ति मोवा ख्योरुङ्लाङ वे सिरुप् ताम ङा मोवा किउइ।
6
दिकि किसाला ङे ख्यरे खाला लाक्पा ज्याङ्नि ख्योरुङ्ला ङेतुप् चावा कन्ज्यक कि ङेत्पाला लोङराङ मे बारुप दगेराङ जो ।
7
चावा कन्ज्यककि ओरुङ्ला जिवा किरुप थु बिन्दुप् मिन च्याम्बा ताङ ङार तेमे खाला ङेन्दुप् वे ।
8
तेमे अरे चावा ठक्ला किदुक तेरुप् ङछा माकि , तेमे ङे ठक्ला साङ ,ङा पावल ख्यो कि उबु मि मिराचिक हिन , हिन्सिनाङ चावा कन्ज्यककि ङार नेसुर दुक्पालाङ लेन ल्यामु स्येत ।
9
सिकि ओरुङ्ला चेङिला काताङनि थार्वा बिन्सुङ , दाक्पि लाका नेसुर मिन तेमे ख्योकि किरुप् नावा ताङ काटिन नेसुर ति ओरुङ्लस चावा येसुकि तुज्ये कि गमा सिना तङ्ला बिन्दुप् वे ।
10
हिन्सिनसङ चावा कन्ज्यककि थार्वा चावा येसुकि ओङ्दाङकि क्ष्या तेन्दुप् वे , सिकि स्याप्ला सिदुप् जो , लेनलेमु नेसुर नाम्लाङ मिसिन्बु मिजि खसुङ् ।
11
तिकि किसाला लेन श्येतुप् प्रेरित ताङ लेपिन डप् ज्यितुप् गाल्सुङ ।
12
दिकि किसाला ङा दुक्पाला श्योरुप् वे , हिन्सिनाङ ङा ङछा मिकिउइ खाङ सिसिन ङा ख्योला ङोसेक्यु तेमे मोवा किउइ , तेमे ङा मोवा लाबु वे ख्योकि ङे बिन्दुप् तेरिक ताम्ला ति ङिमा साग लेमु क्यानि ज्याङ तेर्क्यु ।
13
चावा येसुला वतुप् च्याम्बा ताङ मोवाला ङा नेसुर कोदु हुतुङ सुङ तिवा ल्हादिमु ल्यामु श्येत ।
14
चिनक चिनक ल्यामु ताम तिवा चावा कन्ज्यककि ख्योरुङ्ला बिन्दुप् वे , तिला ओरे नाङ्ला देतुप् थुच्येन नेसुर नाम्लाङ बानि ज्यग ।
15
ख्योरुङ्ला दि क्ष्या वे ,एियाला वतुप तिवा तेरिक ङा नेसुर येम्सु क्यानि गालुप् वेः दि पोङ्जा ला फुगेलस ताङ हमोगेनस श्योर्क्यु ।
16
चावा कन्ज्यककि ओनेसिफरस कि खाङ्बाला काटिन बिन्दुप वसित , खाङ्सिसिन तिकि ङाला ङार बिन्सुङ् , ङे च्याताक तिवि ङछा माक्या ।
17
तेमे चोला ति रोम्ला लेसुङ तिकि दुक्पा क्यानि ङाला छाल्नि ङेता क्यासुङ ।
18
ति ङोमाला चावा कन्ज्यककि तिला काटिन बिन्दुप वसित् तेमे ख्योङ ला लेमु क्यानि क्ष्या वे , एफिससला तिकि ङाला नाबा तेरिग्ला र क्याबु वे ।