¹ परमेश्‍वरके सेवक और येशू ख्रीष्टके प्रेरित पावल परमेश्‍वरसे चुनेभए आदमीनको विश्‍वासके सुरुवात करन और सत्यताको ज्ञानके सुरु करन जौन भक्तिसे सहमत होतहए ² अनन्त जीवनको बादामे ,सत्य परमेश्‍वर समयके सबए युगसे पहिले प्रतिज्ञा करीहए । ³ ठिक समयमे हमर मुक्तिदाता परमेश्‍वरको आदेशजैसो मोके प्रचार करन सौँपोभौ सन्देशसे बा अपन वचन प्रस्ट करी । ⁴ एकए विश्‍वासमे भौ मिर साँच्चो बालका तीतसके परमेश्‍वर पिता और हमर मुक्तिदाता येशू ख्रीष्टसे अनुग्रह औ शान्ति । ⁵ तुम जो चिज अभेतक पुरा ना भव हएँ बाकी व्यवस्था करौ और मएँ तुमके बताऔ जैसो सबए सहरमे एल्डर बनाँऔ कहिके मएँ तुमके क्रेटमे छोड़ो। ^{6 7} एल्डर पवित्र, एकए बैयरको लोगा,6 एल्डर एक बैयरको लोग और दोषरहित और अइसो आदमी होबए, जौनक लौणा-लौणिया विश्वासी होमए, और चरित्रहिन और अनाज्ञाकरी नाए होमए| 7 काहेकी परमेश्वरको कारिन्दा भव के करण बिशपचाहिँ दोषरहित और होन पणत हए| बे हठी और झट दिकन बारे नाए होमए, और मतवाला,और झगडालु और धनको लोभी नाए होन पणत् हए ⁸ पर पाहुना सेवा करनबारे भलाईको प्रेमी, अपनएके वशमे धरन बारे, इमान्दार, पवित्र और संगमी होन पडत् हए । ⁹ बिनके सिखओ विश्वासयोग्य वचनमे बे बलियो हुइके बैठन पडत् हए, ताकि बिनको पक्का सिध्दान्तअनुसार शिक्षा देन सिकओ और बे बातको खण्डन करके झुटा साबित करन सिखँए . ¹⁰ काहेकी बहुत आदमी औरके अधीनमे ना वैठन बारे, बकवादी और छली होतहएँ, और बिषेश करके खातनाबाले त अइसी होतहए, ¹¹ यिनको मुख बन्द करन पणैगो, काहेकी बे निजि लाभके ताहिँ सारा परिवारके खलबल्याए देतहएँ | अइसो शिक्षा बिनके ना देन रहए । ¹² "बे मैसे एक जनै बिनके अगमवक्ता कहि रहए, " क्रेटके आदमी सबदिन झुट बोल्नबारे, दुष्ट जनवार और अल्छी घिचुवा हँए।” ¹³ जा गवाही सच्चो हए| जहेमारे बिनके करेसे हप्काओ, ताकि बे विश्वासमे पक्का होमए,। ¹⁴ और सत्यताके इन्कार करके आदमीनके आज्ञा और यहूदी दन्त्यकथामे ध्यान मत लगओ| ¹⁵ सुध्दनके सब चीज सुध्द हए, पर असुध्द और अविश्वासनके चाहिँ कोइ बात फिर सुध्द नैयाँ, पर बिनको मन और विवेक समेत भ्रष्ट भव हए। ¹⁶ तुम परमेश्वरके चिने हौँ करके कहन त कहत् हौ, पर बे अपन कामसे बोके इन्कार करत् हौ| बे घिणना और अनाज्ञाकारी हँए, और कोइ फिर असल कामको ताहिँ योग्यके होतए नैयाँ।