अध्याय 14
1
बा बेरा गालील प्रदेशक शासक हेरोद येशूको चर्चा सुनी।
2
बा अपन कर्मचारिनसे कहि, “बा बप्तिस्मा-देनबारो यूहन्ना हए। बा मरके जिन्दा भव हए। जहेमारे शाक्तिमे जा काम उनसे हुइरहो हए।”
3
काहेकी हेरोद अपन भैया, फिलिपकी बैयर हेरोदियासके कारण यूहन्नाके पकडके बाँधके कारागारमे डारदै रहए।
4
यूहन्ना हेरोदसे अइसे करके कहिरहए, “तुमए बिनके बैयरके रुपमे धरन उचित नैयाँ।”
5
जहेमारे हेरोद उनके मारनके इच्छा करीरहए, पर जनतासे बा डरात् रहए, काहेकी बे उनके अगमवक्ता बतात् रहएँ।
6
तव जब हेरोदको जन्म दिन अओ, तव हेरोदियासकी लौणीया बिनके बीचमे नाचके हेरोदके खुशी करीरहए।
7
बहेमारे बिनसे कहि तए जो मागैगो बहे देन कसम खाएके प्रतिज्ञा करीरहए।
8
"पर बाकी अइया सिखाई रहए, ऊइसी कहि, ""बप्तिस्मा-देनबारो यूहन्नाको मुण मोके जहे थारियामे देओ।"
9
तव राजा शोकीत् भव ताहुँ फिर अपन कसम और पहुँननके कारण हुवाँ हुकुम दै,
10
और बा कारागारमे यूहन्नाको मुण कटान लगाई।
11
और उनको मुण थरियामे ल्याएके बा लौणियाके दै। तव बा अपन अइयाके ठिन ल्याई।
12
तव पिछु यूहन्नाके चेला आएके उनको मरी शरीर लैजाएके गाणीँ। और बे जाएके येशूके खबर दैं।
13
जब येशू जा बात सुनी बा नैयाँमे चढ्के हुवाँसे अलग एकान्त ठाउँमे गव। जा सुनके पिछु भीड सहेरसे पैदर बाके पिछु गए।
14
किनारे पुगे तव भारी भीड देखके बा बिनके दया करी, और बा बिमारीनके अच्छो करी।
15
सन्झा हुइगव तव चेला अइसे कहत बाके ठिन आए, “जा निर्जल ठाउँ हए, और दिन ढरकगव। भीडके बिदा देओ, और जे गाउँ-गाउँमे जाएके अपन तही खानबारी चिज किनए।”
16
तव येशू बिनसे कहि, “बिनके जानके जरुरी नैयाँ। तुम बिनके खानके देओ।”
17
बे बासे कहिँ, “हियाँ हमरसंग पाँच रोटी और दुई मछ्री इकल्लो हए।”
18
तव येशू बिनसे कहि, “बे मिर ठिन ल्याओ।”
19
येशू भीडके चौरमे बैठनके आज्ञा दै, और बे पाँच रोटी और दुई मछ्री लैके स्वर्ग घेन देखके परमेश्वरके धन्यवाद दै, और रोटी तोरके चेलनके दै, और चेला आदमीनके दईं।
20
बे सब खाएके अघाइ गए, और उब्रे खुद्रा बे बाह्र डालैया भरके उठाइँ।
21
बैयर और लौणा लौणिया बाहेक लागभाग: पाँच हजार लोग रहँए।
22
बा भीडके बिदा देतपेति चेला नैयाँमे चढके बासे पहिले बोपार जान लागे।
23
भीडके बिदा करके पिछु बा इकल्लो प्रार्थना करन् डाँगामे चढो। सन्झा हुइगव बा इक्ल्लो हुवाँ रहए।
24
तव नैयाँ हुवाँसे बा समय किनारेसे समुन्द्रसे बहुत दुर पुगीगै रहए। और हबा उल्टा चलत रहए बहेमारे नैयाँ लणुराके चपेटमे पणिरहए।
25
सुबेरे तीन बजेघेन बा समुन्द्रके उपर नेगत बिनके ठिन अओ।
26
जब चेला बाके समुन्द्रके उपर नेगत् देखिँ, तव डराएके बे कहिँ, “जा त भुत हए !” और बे जोणसे चिल्लाने।
27
तव येशू झट बिनसे अइसे कहि, “साहस करओ, मए हौं, मतडराबौ।”
28
पत्रुस बा के जवाफ दै औ कहि '" प्रभु तुमहिँ हौ ,कहेसे मोके पानीमे आनके आज्ञा देबाओ ”
29
"येशू कहि, “आएजा" पत्रुस नैयाँसे उत्रो येशूके ठिन जानके ताहिँ पानी उपर नेगन लागो। "
30
तव आँधी जोणसे चली देखके बा डराएगओ, और जब डुबनलागो तव बा चिल्लाएके कहि, “हे प्रभु, मोके बचाएले।”
31
तव येशू झट हात पसारके बिनके पकणलै, और उनसे कहि, “ए अल्पबिश्वासी काहे संखा करो ?”
32
जब येशू औ पत्रुस नैयाँमे गए तव आँधी थमिगै।
33
नैयाँमे होनबारे बाके दण्डवत् करीं, और कहिँ, “नेहत्य तुम परमेश्वरके पुत्र हौ ।”
34
बापार पुगके पिछु बा गनेसरेतको इलाकामे आएपुगो।
35
जब बा ठाउँके आदमी बाके चिनी तव बिनके इलाकामे खबर पठाइँ, और आदमी रोगीनके सब बाके ठिन ल्याइँ।
36
बे बाको कुर्ताको कुन्छ इकल्लो छुन पमाएँ करके बासे बिन्ती करीँ, और जित्तो छुईं बे अच्छे भए।