¹ भैया तुम, हमर प्रभु येशू ख्रीष्टको आग्मनके बारेमे और बाके भेटन हम एकसाथ इकठ्ठा होनके बारेमे हम तुमसे बिन्ती कर्तहए, ² कि कोइ अगमवाणी और वचन औ कोइ पत्र प्रभुको दिन नजिक आओ हए करके बतामए तव, बे हमसे आए हँए करके तुमरो मन हल्दी नडगमगा -बए औ तुम मतघबणैओ। ³ कोइ फिर कोइ किसिमसे तुमके धोखा नाएदेबए। कहेकी पहिले विद्रोह नाए भए तक पापको आदमी, और सर्वनाशको लौणा प्रकट नाए भएतक बो दिन ⁴ आबैगोनए। येशु ईश्वर कहो भव सब औ पूजे चीझनको बिरोध करेहए और बोसे अपनएके उचाे बनाएहए, हियाँ ताकि अपनए परमेश्‍वार- रय घोषणा करेहए परमेश्‍वारको मन्दिरमे बा बैठैगो। ⁵ का तुमके याद नैयाँ, मए तुमरे संग रहत मए जा बात तुमसे कहो रहौ? ⁶ येशु अपन समयमे प्रकट होबए करके कौन बात बाके हबए तक रोकेहए, जा तुम जन्तहौ। ⁷ कहेकी अधर्मको रहस्य अग्गुसे काम कर रहोहए। हबए तक जौनबाके रोकरहो हए, बा नाएहटन तक बा रोकिरैहए। ⁸ 8 तव बो पापको आदमी प्रकट हुइहए, जौनके प्रभु येशू अपन मुहूको साससे नाश करेहए, और बाको आगमनको प्रकाशसे बाके नाश करेहए| ⁹ 9 शैतानको काम बमोजिम पापको आदमी सारा शक्ति और छलपूर्ण चिन्ह और चमत्कारसहित, ¹⁰ और नाश होनबारे छलमे पणन समस्त दुष्टतासहित अबैगो, कहेकी बे सत्यके प्रेम कर्न और उइसी बाँचन इन्कार करीँ | ¹¹ जहेमारे बे झुटा बातमे विश्‍वास करए कर्के परमेश्‍वार बिनके उपर एक शक्तिशाली भ्रम पठाबैगो, ¹² ताकि सत्य उपर विश्‍वास नाएकरए, पर अधर्मिकतामे आनन्द मनानबारे सब दोषी ठ्हिरए। ¹³ प्रभु प्रेम करे भैयनके, तुमरे ताहिँ हम परमेश्‍वारमे सबदिन धन्यबाद चढनके बाध्य हए, कहेकी सुरुय से पवित्र आत्मासे पवित्र बनानबरो कामसे और सत्यता उपरको विश्‍वाससे बाँच्‍नके ताहीँ परमेश्‍वार तुमके चुनिहए। ¹⁴ जहेके ताहिँ हमर सुसमाचारसे हमर प्रभु येशू ख्रीष्टको महिमा प्राप्त कर्न बा तुमके बुलाई हए। ¹⁵ जहेमारे भैया ओ, मजबुत हुइके खणा होबओ, और चहु मुहुको वचनसे होबए, चहु हमर चिठ्ठीसे होबए: तुम जो शिक्षा पाएहौ बिनके रोके -रखओ। ¹⁶ अब हमके प्रेम कर्नबारो और अनुग्रहसे अनन्तको सान्‍ति और उत्तम आशा देनबारो हमर पितासे, ¹⁷ तुमरे ह्रदयके सान्‍ति देबए और हरेक अच्छाे काम और वचनमे तुमके अटल कराबए।