1
एल्डरसे, चुनि भई मिहिला और बिनके लैणा लैणियनके जौनके मै सच्चो प्रेम करत हौ, और मै इकल्लो नाए, पर सत्याके चिनन् बारे सबै फिर बिनके प्रेम करत है ।
2
जैन सत्या हमर भितर है और हर समय हमर सँग रहए ,बहे के खातिर तुमके प्रेम करत हए ।
3
परमेश्वर पिता और पिताको पुत्र येशु ख्रिष्टसे अनुग्रह, कृपा और शान्ती हमर सँग सत्यता और प्रेम रह बैगो ।
4
अइसिए तुमर लैणा लैणिया मैसे कोई कोईनके मए पितासे पाओ भओ आज्ञाके जैसो नेगत पएके गजबै अनन्दीत् हौ ।
5
अब हे महिला मै तुमके एक नयँ अज्ञा ना लिखो है, पर बहे लिखो है,जो सुरुसे हमर सँग है- हम एक दुसरेसे प्रेम करै कहेकी मै तुमसे बिनती करत हौ ।
6
बाको इच्छा जैसो चल्नो ही प्रेम है । तुमके सुरुसे सुनोभओ आज्ञा जहे है, कि तुम प्रेम के अनुकरन करै ।
7
काहेकि भरम मे डारन बारे बहुत जा संसारमे आएगए है। जैन येशु ख्रिष्ट शरीरमे आओ हए कहेके स्विकार ना करत है। जहे छलि और ख्रीष्ट बिरोधी हए ।
8
होसियार रहीओ, जौन बातके तहीं तुम काम कररहे हओ, बा के गुमान नापणए पर पुरो इनाम पान बारो बनओ ।
9
ख्रिष्टके सिद्धान्तमे अटल ना रहन बारो, बाक सिमासे बाहिर जान बारो आदमीनके संग प्रमेश्वर ना है। पर बक सीद्धान्तमे अटल रहन बारेक सँग पिता और पुत्र दोनो होत है ।
10
यदी तुमर जैने कोइ जा सिद्धान्त ना लाई है तै बाके अपन घरमे स्वगत मतकरओ ।
11
काहेकि बक अभिबादन करन बारो, बक खराब कामके सँग सह भागी होत है ।
12
मै तुमर ताही बहुतसी बात लिखन चाहत है। पर कागज और मसीसे लिखन ना चाहत हौ । पर हमर अनन्त पुरो होबै, कहेके तुमर जैने आएके और आमने सामने बात चित करन ताहीं आसा करत हओ ।
13
चुनी भई तुमर बहिनियाँ के लौणा लौणीया तुमके अभिवादन करत हए ।