1
हमर मुक्तिदाता परमेश्वर और हमर आशा ख्रीष्ट येशूको आज्ञा अनुसार ख्रीष्ट येशूको प्रेरित पावलसे,
2
बिश्वासमे मिर सच्चो बालक तिमोथीके:* परमेश्वर पिता और हमर प्रभु ख्रीष्ट येशूसे अनुग्रह, कृपा और शान्ति मिलाए|
3
मए माकेडोनिया जातपेति तुमसे कहो कता तुम एफिससमे बैठओ, और झुटा शिक्षा सिखान बारे आदमीनसे उइसो मत करौ कहिके कडा आज्ञा दैसकत हौ ।
4
नत बे कथा और ना निभटनबारी वंशावली घेन ना लागएँ, जौन विश्वाससे आनबारो परमेश्वरको योजनाके सहायता करनके सट्टा विवाद(लडाई) करबत हए ।
5
पर हमर आज्ञाको लक्ष्य प्रेम हए, जो शुध्द ह्रदय, असल विवेक और निष्कपट विश्वाससे आतहए ।
6
कोइ-कोइ आदमी जे सबसे बराएके बिगरतुकी बातमे अलमलाए रहेहँए ।
7
बे व्यवस्थाके शिक्षक होनके इच्छा कर्तहँए, पर अपनए काहि बात अथवा अपनए किटान करके कहि बात अपनए बे ना बुझत हएँ ।
8
हम जनत हएँ कि अगर कोइ उचित रुपसे व्यवस्था पालन करेहए तौ व्यवस्था असल हए ।
9
हम जा फिर जन्तहँए कि व्यवस्था असल आदमीनके ताहिँ ना हए, पर व्यवस्था भगं कर्नबारेके अनाज्ञाकारिताके ताहिँ भक्तिहीन और पापीनके, अपवित्र और दूषितनके, पितृघातनके ताहिँ, ज्यानमारा नके ताहिँ,
10
व्यभिचारीनके ताहिँ, पुरुषगामीनके ताहिँ, अपहरणकारीनके ताहिँ, झुट बोल्नबारेके ताहिँ, झुटी गवाही देनबारेके ताहिँ, और सत्य सिध्दान्तके बिरुध्दमे भए और अइसीयए बातनके ताहिँ हए।
11
जा मोके सुम्पो परमधन्य परमेश्वर महिमित सुसमाचार जैसो हए ।
12
मोके सामर्थ देनबारो ख्रीष्ट येशू हमर प्रभूके मए धन्यबाद देतहौ, काहेकी अपन सेवामे नियुक्त करके बा मोके विश्वासयोग्य मानी ।
13
अग्गु मए निन्दा करनबारो, खेदो सतानबारो, और एक मारनबारो आदमी रहौँ । पर मए जा अन्जान और विश्वासी ना होनके कारणसे मए कृपा पओ ।
14
ख्रीष्ट येशूमे भव विश्वास और प्रेमके साथ मिर ताहिँ हमर प्रभुको अनुग्रह प्रशस्त मात्रामे उतारके आओ।
15
जा वचन हरप्रकारसे ग्रहणयोग्य हए, कि पापीनके उध्दार करन येशू ख्रीष्ट संसारमे आओ, और पापी मैसे मए सबसे मुख्य हौँ ।
16
पर जहे कारणके ताहीँ मोके अग्गु दया करी ताकीअन्नत जीवनके ताहीँ बा के उपर विश्वास करनबारेनके एक उदाहरनके रुपमे मए सबसे तुच्छ आदमीमे ख्रीष्ट येशू अपन सारा धैर्यता प्रकट करन सिकए ।
17
अब युग-युगके राजा, अविनासी और अदृश्य एकमात्र परमेश्वरके आदर और महिमा सदासर्वदा होबए । आमेन ।
18
मेरो लौणा तिमोथी, मए तुमके जा आज्ञा देतहौ, कि तुमरो सम्बन्धमे अग्गु कहो अगमवाणी अनुसार बिनसे प्रेरण पाएके विश्वास और असल विवेक कायम करत तुम असल लडाई लडन सिकओ ।
19
विश्वास और स्वच्छ विवेक कायम करओ । कोइ- कोइ आदमी विवेकके इन्कार करके अपन विश्वासमे नष्ट भए हँएँ ।
20
बिन मैसे हुमेनियस और अलेक्जेन्डर जैसे आदमीनके मए शैतानके हातमे सुम्पओ हौ , ताकी बिनके निन्दा करन ना पड्त हए कहिके सिकँएँ ।