¹ Abulus na Timoti adere kashiri, makana ka ya matini unyong Almasihu Yesu ayufilibi na aya tumzana aikilisiya na ayuhidima. ² Alheri akashiri picuwur na Yesu Almasihu, mukura uyin. ³ Nna guda kashiri akapana mminganni, ⁴ Kokashi kapa nna gisa kashiri abaruyin ade kasugu kabok. ⁵ Ngudazana maparki micara nayin amajagshi abera kashiri, tun katuk kazoni mawanukyaru. ⁶ Nyo piyi cingyi utuma uvur uyin idama mangarya akatuk ka Almasihu Yesu. ⁷ Mudugan umi agu ntakana minzini kene, naduk uyin, magu iyi unyong kasugu kanang, naduk uyin aijaminang analiheri akashiri, amashi-shi manang na makare mubishara. ⁸ A kashiri kayi ushaida unang kenna ndeni kasugu uyin naduk, na idug ima mani manna Almasihu Yesu imani. ⁹ Kagisa kanang kayi, mamani mayin magbakana na mayo. ¹⁰ Magu icanka ukusu dugan, awana aya matini, azade irapu maka zaga akatuk ka'almasihu, ¹¹ Ide usakamako utumuyin umatini unazugsana ualmasihu Yesu, munmu amagu udaukaka na uyabo ukashiri. ¹² Akwani nmaningu iyokotin ukusungwu wanzaganan nami umukanabera kashiri. ¹³ Har muwana kene agu ayokoton agu mashi-shi manang a sabona Almasihu. ¹⁴ Akwani nakam unyong kashiri amazuga ma shigruga ama shi-shi manang apirya macira mabashi abera kashiri. bausahd. ¹⁵ Adong ayu waazi wabera kashiri amanigi ni kotoru, adong kuma a kumina kudugan. ¹⁶ Ayella yisha ungyong ukauna, yenayo agu ayenden mi na agu nmente ubishara. ¹⁷ Ayelli ayaushela wabera kashiri a ma mani maci azan akasugu kadha, ama mani mayeni nshezha kidere utami. ¹⁸ Iyan itakan? ko nni, ko nibin, ayishi ushela u almasihu, kasugu ka bokomi a mummu, I, ndama yisha rizhagha, ¹⁹ magu mummu muda wana ujina u magarga manang, aka gisa kayin na ma muki ma Yesu Almasihu. ²⁰ Magu nsuksa, adeni kasugu, ndama potyami ugbor konacin, ndama shigruga ade kasugu kashiiri ma ka kana kamangarin, ado kashiri kicibru a nipum ninang na manang na make manang. ²¹ Magu umi, nivataru a Almasihu, make auriba. ²² Nmuwani magu ngara nysha utumu kashiri udugan, nbizhi ukusunna ndama zya. ²³ Naduk iyini ba idaskan kuminakunang, ukusunna nmani agu ariti azomo na kashiri, mumi mu piri au vura. ²⁴ magu ngara muni mupiri abaruyin. ²⁵ Ndumun ndama zomo nayin ubangaskiya uyin udenimi nzhaghanha. ²⁶ magu izugi udalili uma rerene u almasihu umi mariti manang uyin. ²⁷ Zomin kazom kadugan, magu ko nwan mayitini, ban zamimi, npotya agu ishigrugan, kumina kude, aya kidere nadug uyin abara aubangaskiya umi na ubishara una dene. ²⁸ Bama pok usahd waya cogono,mummu muda daska yeni makizhi, yin kuma agaskini, mummu amu ciri ka kashiri. ²⁹ Adenini matini, magu azan madumi na Almasihu nazhik ni dama dene har idama shezhe kidere abaruyi. ³⁰ ashezhe kidere kinna iyitan nsu shezhe mawana ukyaru.