¹ Muni muyi u farko a bere a Kashiri Yesu Almasihu, kono Kashiri. ² Kenna a nyakaran unÿong Littafi Mai Tsarki annabi Ishaya. Yita, in kunnubu u manzo unan. Ka zonokamu piyer idama napsu jina. ³ Rimÿgh ni Yesu a Karimi, nima gu shirya ũjina Kashiri a napsa muni. ⁴ Yahaya itumi a yisha u baptisma uṇyong magara a yisha abere a Kashiri a tuba. Magusku mi bang. ⁵ Na duk mayinzɦi ma u yahudiya na ayar a Urshalima yeni a tumi uyi a yisan yeni u baptisma a kumana ku urdun yenya su bashi ibang iyeni. ⁶ Yahaya i yezhi na makusu ma ugur uka rakumi. I shishin kukpa aka muru, manunaru maiyi mayi mamamra na matu. ⁷ Ibasha a bere a shiri. "Pi don idama tumu kã cini i pirmi au iko. Unna idama iya mi mabini araka ayi. ⁸ Minna yishi u baptisma na manamashir. Pidon idama tumu kã cini kanang idama yisha u Baptisma na u Ruhu mai Tsarki". ⁹ Ima yimi ana tuk ami Yesu ima tumu u Nazarat u Galili. Yahaya ima yisha yi u Baptisma aku mana ku urdun. ¹⁰ Yesu i ma cira a marmashir. Uzo uma gbanta u Ruhu umma toro uzo uyyi ayine kabatturu. ¹¹ Nimÿh ni ma tumu awor uzo agu "Ã pigi kono kanna mani. Kasugu kanang ka pok urentu umu". ¹² U ruhu uma zyayi makana karimi. Inyi mayi unyonh karimi atuk ituru inas. ¹³ Shaitan isu ghasa yi imayi unyong karimi na manara malaika mama yisa u hidima. ¹⁴ Nama duru ma yahaya, Yesu imma rinya mayinzhi mu Galili asu yisha u wa'azi bishara. ¹⁵ Imma ku kapa ka dayi, " u mulki u Kashiri una pati, tubun ashere abere a Kashiri". ¹⁶ Imma su waso uparu u kamana ku Galili inyi ma yita Saminu na Andarawus, kobina asu ruza kãrhạrhạg ka ku nara ki sani au teku yeni abotoron isani. ¹⁷ Yesu igu "wanin a zoboromi , indama guddini anaran ashillaci". ¹⁸ Yeni ta biski kãrhạkrhạg na wow a zoboroyi. ¹⁹ Yesu ima jatya na cun a yita Yakubu konno ka Zabadi na Yahaya kobina; asu napsa nãrhạkrhạk unyong ku jirgi ku marmasir. ²⁰ Inyi ma yarke yeni, yenya biskya picu yani Zabadi unyong ku jirgi na ayu tuma, yeni a zoboroyi. ²¹ Na yeni ama riŋya Kafanahum, katuk ka sabar, Yesu ima riŋya kuden ku ka shiri asu makasa. ²² Ama potya kasasa uma makasa, ina makasa na iko zena nyakara. ²³ Ama zomi unyong kudeɲga ade pidon ide uruhu u makari. ²⁴ Imma dene igum na ushiru, ikuma gu "inna gu idamami na pigi Yesu Banazarat? Wana awuri di? In yobu a pigi kono ka kashiru. ²⁵ Imma yganga Ruhu u makari agu "Kiza a cira unyong u kadura. ²⁶ u Ruhu peker yi. U Ruhu u za dugan uni umma dene igun uni uma cira unyong nipum niyi. ²⁷ Aya ma zomzhi amma potya u mamaki asu rifshi nikobina "iyan i wani ma makasa mapas na iko? Umartar u Ruhu u makari uni usu yisha yi matini. ²⁸ Muni u labari umma zoboro u kauye u Galilee. ²⁹ Yeni ama biksha kudan ku Kashiri a kana u gira u Saminu na Andrawus akuma yi na Yakubu na Yahaya. ³⁰ Piyasku u saminu inomon ba maboton asu gonono. Amma bara Yesu abere ayi. ³¹ Imma tumu a puru icara i piyasku a zabky mazah poton madara, i yisha utuma. ³² Moron immÿgy muma jigi, yeni ama yende yi aya za boton na aya fama na aya jes. ³³ Ayaa ka zomi ama kossura a koron. ³⁴ Ima gargana ayaza poton na kam ŋa ÿa ḍe kigbana ki baktazi a gurumi a ciddaza aya jas ashishi, ima dumya yi aya jas ima dumya yi agu nijennu ni beri. ³⁵ Ima coko rikata, katuk ka dotoyi, ima woroyi a ti na ba pidon, kuri na kuri ima dene adu'a. ³⁶ Saminu na'adong ayi nayi asu gbeneyi. ³⁷ Ama zuga yi ama guyi gu kowan igbeneyi. ³⁸ Ima gu " kida woridi a kadong katege makana au manzu biga don abere a Kashiri kuri. Muni mudeni mitumi nnaka." ³⁹ Ima woroyi mayinzyi mu Galili, asu basha abere unyong kudeǧha asu ciddaza aya jas. ⁴⁰ Kidon ki kpakti kima tumi uyi asu gisayi a tuturga aguyi, "nna pidumun pi garganya mi". ⁴¹ Yesu ima kumburga uyi a daska kacara a rebeyi agu" ndumun. Garga." ⁴² Akapakami kpacti kima garga a zuga maguskura. ⁴³ Yesu ima nyani kin agu ki workini. ⁴⁴ Ima gu kini agu "kisu barya pidon, asadi ka ku Firist aka dene hadaya kaman kene na Musa ima do umurni abara au sheda. ⁴⁵ Ima cira a sadda bara kowan. Abaza abere ami koki, Yesu imma yiyayi ujaru unyong ugari. Imma woroyi akati na bã pidong. Aya shillachi ama wana uyi awor koinki.