¹ Yesu ima ringya ku jirgi ku mani a rapkya kana a ubigu uyi. Aita yendi pidong uyar na kupentu kudah kuman kyeyi igmoshi a kuye. ² Yesu i yitan ribinniyeni niyimi, igu piyu kupentu kukiti agu, "yisha rizhaghah. A guskunbu ibang imu". ³ Adong s nyakaran amagu anaci ayeni, agu piyamuru ai rapu nai disha" ⁴ Yesu iyo kumina kuyeni igu iyan deni nayin mingza ukusu makari a nasugu nayin. ⁵ Mushe mupiri au bagha, a gurabu agu a guskunbu ibang na agurabu coko aworobu ujaru mu? ⁶ Amani magu yogotin agu kono ka piyar kadama iya maveske ibang uyangwu. "Igu piyu kupentu kukiti, "coko, a zya kugmoshi kumu a worobu ugira." ⁷ Piyami i coko a woroyi ugira. ⁸ Ayashillaci amiutaru amayita rizhagha riwana yeni, ado Kashiri kucubru, a pirya mazob makani kama do ayashillaci uiko. ⁹ Yesu ima kana kazono, ayita Matiyu izomi asu yisu utuma uma sheshe kagandu. Igu yi agu "Zoboro mi". I coko azobori. ¹⁰ Apana Yesu ma su re maninaru ugira, asheshen aka gandu na aya di ibang atumu agbaki, a zomzono na dugu yeni na almajirai ayi. ¹¹ Ufarisawa uma yita kene unugu almajirai ayi "iyan deni na pibasan uyin irye maninaru na asheshen aka gandu na ayi bang?" ¹² Yesu ima potya kene igu aya gara, ba mani mayeni na piyu gan, aya za gassa amani piyu gan. ¹³ Idama yogotya kumina kunku, mi dai ujinkai azan uhadaya nan mani, ntumi ma mayasah aya adalci agu atub ba abara kayi ibang. ¹⁴ Almajirai a Yahaya ama wanuyi, agu "Abarai yan nawur na uFarisawa kina disha azumi, akai akai, amma naka Almajiran basu yi?". ¹⁵ Yesu igu yeni agu "Aya manang mu buki adama potya macaza, ku ango kuyi nayeni? Ai kapa kajara mawana na dama zya aya ku ango. A kapakami na dama disha azumi." ¹⁶ Ba piyi dama tarkya kuriga kupass uzo kuriga kugus, ai kuriga kunni ku dama gmanta a biskya kudeni kuzondon ma gmanta mani madama pira mazoni. ¹⁷ Ayashillaci, a disan ani mani ma inabi a salkuna igussa. Ba deni kene, isalkuni mi idama butazama, inabi mi idama tellu zura isal kuni mi inacuzura. Karabu kami, adama dene inabi ai sal kuma i passa. Na duk i bamba ba ka kusu kan kadama naguzura." ¹⁸ Yesu ima su berbene uyene kudong ku shugaba kutumu ado Yesu cicubru kiyi agu, "mina mina na pijinnu nang ikini, "wana ama tarkya kacara kamu aku yaza kumi, kadama garga." ¹⁹ Yesu ima coko azoboro yi yenna almajirai ayi. ²⁰ Pidong uyini ita tum, iman dene kiwa pituru aka ba manyo masu cizzayi nacab. ²¹ Ima zoboro aku wazu kuyesu, areba pino pikugo doyi. Imagu a kasugu kayi, "kona ina rebi kugodo kuyi ndama garga." ²² Yesu ima kubarga ayita yi agu, "pijinnu nang, shiranya ni pum nimu, ubangaskiyu mu ugarganibu," ²³ Yesu ima ka tumu aka rari ka ku shugaba kwa yashillaci, ima yita aya na sheruma, asu yogro nakham. ²⁴ Yeshi gu, dugin kaci, ai kono kami ka azan ka kithazyi. Mmura na kayimi, ". Adishayi kichere kika yag. ²⁵ Kapana ama cidda ayashillaci uya, ima rinya a puru kacara ka kani kajinni kami ka coko. ²⁶ Abere amaka zaga koinki au yankiu mi ²⁷ Yesu ima kotto kazono na cin adong adumu aba a zobori asu zhabha amigh asu kuma gu "Kat kono ka Dauda, potyan shishi." ²⁸ Yeshi ma rinya kadong kariri adumu ami aba azobori yashi gun yeni agu, idumun ndu iko uma dene kene?" Yeni agigu, "I, Ubangiji." ²⁹ Yesu ima rebe ayizyi yeni, igu, "mu wani ni kene na uzyi ma dumi mayin". ³⁰ Ayizyi ayeni ata gbantazana, Yeshi ta duk yeni u gargadi ushiru agu, "Azu dumya pidong i potya ketepu kumi." ³¹ Yeni ama cira atargha katepu kumi ko iki a mayingzhi mami. ³² Adumu ami aba ama woro ani ayende pidong uturi ide piya jhas. ³³ Ama jidda piya jhas umi, pituri umi iberya kasasa ka wana ayashillaci ami amayi akati kam. ³⁴ Yeni agu, "kat, adotu ma yita idugi mummu unyong Israila!" Ayu Farisawa agu, "I cidda ayajhas au iko ipugomo wa ya jhas!" ³⁵ Yesu ima mangarya nbiga naduk nbiga mugbakazyi na mazomi na cincin, asu basha a madagha mayeni ma gisa Kashiri. Asu basha kigomo kyashiri, asu garganzya ko kishi kigbana na maza gara mayashillaci. ³⁶ Ima yita ayashillaci a gbaki, i potyan shishi mu yeni, abara na yeni ama shezu kidere amaru yonkurga ana bere ashiri ayishi ne magam maza pizani. ³⁷ Ima gu nilimajirai niyi agu, "atumzana ayi na cun, kibaba kimi kigbaki! ³⁸ Denin kumina a gisa Kashiri ka kibaba kimi sagi nura atumzanan unyong kibaba kuyi."