¹ Yesu ima bera ayashillaci aka konusurana almajirai ayi. ² Agu, "A nyakaran na mafarisawa azomzhi a kakomi ka Musa, ³ Nama gu kene, ukusu nagu yishin, iyisha azoboro nateng. Izu makasa utuma uyeni, ana yishani ukusu nna yena bashya. ⁴ I yeni ana shishi makusu mazhib, magon maciga, a tarkya yeni maper. Ba piyu yeni ina zabka kibo kide ma zabka makusu mami. ⁵ Utumun na yeni ayisha agu aya shillaci a dukara yeni. A tuzza ajuhu a yeni agbakazhi a pandhara mariga mayeni. ⁶ Ana mani mazomo a kati ka kutanga kenna kowan idama yita yeni, ⁷ nazomi na dugan a kudangha ku Kashiri, na kusumazu a kati kapizya piyeni, agu atakanagu yeni agu 'Pimakasan' ⁸ Bashe a yerkini agu, 'Pimakasan ba iyi ayangba dha na pimakasan, niikobina niyin nide. ⁹ Izu yerkya pidong agu "picuyin" a uya, picu ude nayin ide, iyu uzo. ¹⁰ Azuna yhashini agu amakasan, pimakasan uyin ande, Kashiri. ¹¹ Piyi gbaki uyong uyin, idama wana piyu tumu uyin. ¹² Piyi zakpan nichi niyi uzo adama toddoyo kajhas, piyi zhen nuci niyi azan kadamna adama gudduyi kadamna ¹³ Kidere kiyin a ngyakaran na ma farisawa, a cogonon! I gusan aya shillaci karong ka maringyi uzashiri. Iringyanni i biskanni aya mani maringyi aringya. ¹⁴ Kidere kiyin a ngyakaran na ufarisawa, iwunza akanya. ¹⁵ Kidere kiyin ngyakaram na ma farisawa aya kiciparu! Ina jhara unyong iteku na uzo mayingzyi mazuga piyude idama shere Kashiri, nna izugi, ina guddu yi kono kura na kenna yin iyi. ¹⁶ Kidere kiyin, adumu, yin inagu, kowan ishirin na uhaikali bandong. Piyishirin na uzinariya uhaikali mashiri mashishinyi. ¹⁷ Yin nadangrha nadumu, ishe ipiri amagbaki, uzinariya ba uhaikali unna asarkake uzinariya umi? ¹⁸ Yinma, kowan ishiri na ubagadi, azan kadan ama, piyi shirin a ubaiko unna atarkan anici, mashiri mami mana puruyi. ¹⁹ Yin adumu! Wan ipiri ama gbaki, ubaiko umi ba ubagadinna a tarkan Kashiri ubaiko umi? ²⁰ Abara magu, piyi shirin na ubagadi, ishirin na ukusu tarkanmi. ²¹ Piyi shirin na uhaikali ishirin na uni na piyi yi unyong uwuni. ²² Piyi shirin na uzo shiri, ishirin na kazomi ka Kashiri na piyi zomi mi uzo. ²³ Kidere kiyin, uFarisawa na ngyakaran, aya kiciparu! Ina cidda uzakka wipene, kijin ulamsir, agura nikya ukusu piri a uzibu, mayya ma Kashiri, ujinkai na uBangaskiya. Ukusu na amani agu yishin, ba ma nikya kudeze kumi. ²⁴ Adumu, ina rogonya kudhedhe kucun, amirya kurakumi. ²⁵ Kidere kiyin, mafarisawa na agyakaran, aya kiciparu! Ina gusku kacini ka karanni na ka kiceke, unyong uyin ukuri na kucok. ²⁶ Pigi pidumu ubafarise! Zonza gusku unyong karanni na kiceke madene kacini kami ka vurka. ²⁷ Kidere kiyin agyakaran na mafarisawa, aya kiciparu! Iyina mashek manna sokoton mani mayinzyi mabok, mavus mayiya ana yizhi, unyong ayi kazik kamakubu ma mayaza na kuyitu (Izhiri) isakazhi. ²⁸ Kenna yin iyi angyan mu ya shillaci aya matini, unyong uyin ayi kiciparu na utumu kucok. ²⁹ Kidere kiyin a ngyakaran na mafarisawa, aya kiciparu! In suga mashek manabawa ayisha maziga a mashek maya matini. ³⁰ Inagu, kinama yimi akapa kacitii kina ma mukyidi amaniskshi manyo makunzun a Kashiri. ³¹ Isaganan acayin aguyi nonna ya mawunza a kunzun a Kashiri. ³² Jharin a kurganya ukusu na aciti amacingiya. ³³ Iyogo, nonna mazenge, Nni nayin idama subta maringyi ura? ³⁴ Yita, nkuni ayu kun uKashiri, na ayade iduntu na a gyakaran. Idama wunza adon a sagarya yeni. A gmillazya adong unyong kudhang ku Kashiri kayin, azoboro yeni kudo-kudo. ³⁵ Nama dene kene, nagyo ma aya matini manna yin ima nikshya a uya maguri uyin, macingyi a mangyo ma Habila piyu matini makanu Zakariya kono ka Barakiya, unna yin ima wuna a Kacaci ku Haikali na ubagadi. ³⁶ Kenna muyi, nbashini, mummu mudama toro ka ayu uya unghu. ³⁷ Urshalima, urshalima, pu piwunzan akunzun a Kashiri, aruza ayana kuni yeni anatari! Kiwar na ndama mani ma konoshya bu kenna kukuru kuna konoshya non na kuni unyong abib akuni, pigabbu. ³⁸ A biskan bu marari nawana kubangti. ³⁹ Midei mbashini, idama pa yitini mi, sai katuk ni guran agu, "Libarka nikuri kapiyi wani a nizagi Kashiri.