¹ Yesu yenna almajirai ayi ama patana Urshalima ama tumu Betafaji usuku katari ku Zaitun. ² Yesu ikunu almajirai aya ba, Agu yeni agu, "Rinyin kudoh kun kuyi kazono kayin, idama zuga kizyenku na kono ka kina, kishishin, ibinni a yendemi muni. ³ Piyi dama berya aukai umuni, igu Kashiri ka mani muni. Piyami idama kunidi na muni mina mina." ⁴ A disan mummu ado makurganya anapci a annabi ami igu kene, ⁵ "Barin kono ki sihiyona, yita, pigomo umu ngwu ijara ma wanupu, ideu tawali'u, uzo kuzhenku kiyi aholakimi." ⁶ Almajirai ami a woroni aka dene kene na Yesu iku yeni. ⁷ Yeni ama yende kizhenku kimi na kono ka kina, adene makusu mami. ⁸ Kudezye kwa yashillaci kuma nomosha makusu uzo ujina. Yesu ijarami adong, aka cizye ana ama nomosha ujina. ⁹ Ayashillaci ami ama konusura, ara amasu zonzo na ara mazob kacini, a cokonya a migh yene asu kuma gu, "Hossana u kono ka Dauda! a piyide libarka idama wana a rizagi reshiri, Hossana ga Kashiri!" ¹⁰ Kapa Yesu ima rinya Urshalima rizhagha rima kura kudo kumi anagu, "Awan unwu shi?" ¹¹ Ayashillaci ashere, "piyanwu a Yesu, iyi annabi, iciri u nazaret u Galili." ¹² Yeshi ma rinya kudagha kuka gisa Kashiri, ima zob ayanu aya pizya unyong kudagha kumi. Ima rinderi itebur yayu canji ikorgo na mazomi maya zyizyi na tantabara. ¹³ Ima gu yeni agu, "Ini nyakaran, adama yasa karari kanang agu karari ka gisa, yin iguddun kani kugar kwagasan ikorgo." ¹⁴ Adumu yenna na gundari a wanuyi a kudagha kumi kuka gisa ka shiri igarganzya yeni. ¹⁵ Mafiristoci magbakazyi na abasan a attaura ama yita ukusu mamaki na Yesu idisan, a potya nono nasu cokonzya amigh anani unyong kudagha kira shiri asu kuma gu, "Hossana ga kono ka Dauda," yeni ata poti manigi. ¹⁶ Agi agu, "pipok ukusu na ayashillaci amira akuma?" ¹⁷ Yesu igu yeni agu, "Idotu ma karanta, 'anono nishen na nan na shezye mawazyi, denu yabo'?" Yesu ima biskya yeni awori ubaithanya aka mura kuri. ¹⁸ Kaci kama wurka rikata isu jara maguru unyonfg kudo kumi, ima poti gbom. ¹⁹ Ima yita kaci ka kudos aku wazu jina, ikana ka cikani ba ma zuga kadamana she ava. Ima kuni agu, "kuzu gurumi adene nono har madara mu ya. " Akapakami kaci kaku sherena kumi kama rogo. ²⁰ Almajirai ami ama yita kene a potu mamaki agu, "a denini na kaci kushereng ka rogi na wou shi?" ²¹ Yesu ima gu yeni agu, "ribin, baide ubangaskiya bama disha kasasa, azan ukusu na deni kusherenku uren nayin idama iya ma dene, ka kungru kama idama iya magu kani aga ragtha aka jigi kumana," mu dama wanzagana kene. ²² Ko iyan ni dama gisa unyong addua, imba idugi nasugum idama zuga," ²³ Kapa na yesu ima rinya unyong kudagha kwashiri, ma firistoci magbakazyi na magbaku mayashillaci, ma wana ama zugi ana pa naima su basha abere shiri, agi agu, "au iko ushe na pi disha ukusungwu mi?" ²⁴ Yesu ima gu "mima ndama ribini abere ayidah, ba idama baryami, mi ma ndama barini iyiri uko umi nandisu kusungwu mi. ²⁵ U baftisma u Yahaya ucirin kishi?. uzo ba kayashillaci?" Ama bergura a zya kumina kudha usu yeni, "iina kiku au curo zo, idama gidi di agu, ai yan deni kigabidi ma dumya mayi? ²⁶ Ba ki kugu au ciri ya yashillaci, ki pog usah'd wa yashillaci abarana kiyo Yohanna iya pikuni wa shiri. ²⁷ Yene ama gu Yeshi agu, "ki yo yidi." Yi igu yeni agu, "mima ndama barya mini uiko umi nan disha ukusungwu mi. ²⁸ Ai ni masu migza gyan? Pidong ide nono na ba, ima kanu kono ka zoni, agu kani agu, 'kono ka tumzana kakab ukyaru'. ²⁹ Kono kami kama guyi agu kadama tumzana kan kagu kadama tumzana kani, kankama sakanya kumina ku kani, a kana. ³⁰ Piyami ima kana akaci na kono kariba kabarani a beredha, kono ka kagu, picu nang, ndama kan ana kana kani. ³¹ Ka she unyong nono nanna ka zoboron kumina ku picu?" Yeni agu, "kanka zoni." Yesu igu yeni agu, "Ribin nbashi ni, asheshen aka gandu na mgudan adama zanzyi ni a rinya u mulki wa shiri. ³² Yahayi wani aujinu ma muki igabi ni madumya nayi, asheshen aka gandu na mugadang mu dumya mayi yin ima yita kene agabini magaskanta maini a tuba ne yeni. ³³ Rakurgin apotya ma manzu misali. Ama de pidong ide kakab. Ima bizza a kakab kami. A disha kakab kami kipengu, a kogo na dinyi nama pamra nono na inabi a kakab kami, ima suga kaci ka zyingari abarau cuga. Ado ujina wa kabi saga amanzu akabi azug kawoson. Ima wori ama manzu mayinzyi. ³⁴ Kapa kama kpyezye mi nabi kama wana, ikunu adong adere aguy aka sheri u anfanu ka kab kami. ³⁵ Akabi ami aka puru adere ami na kuni, a kpaba piyu dah, a wuna piyu dah, aruza piyin dahu mi ana tari. ³⁶ Piyu kakab ipa kum aya manzu adere a piri a yelli a zoni, akabi ami adene yeni name kenna adeni arara azoni. ³⁷ Kacini, ka muramu piyu kakab kami, ipa kun kono kayi asuku ma agu adama ka dene kono kanang matini. ³⁸ A kabiami ama yita kani, asada bergura agu a kono ka kayi pirini u gade, wanin kiwuna kani are ugado u kakab. ³⁹ Azya kani arika a pituga pidah, a wuna kani. ⁴⁰ Nna piyu kakab itumi idama dene a tumzanan ami nni? ⁴¹ Agi agu, idama wunza a cogonon atumzanan ami, au jinu yi macaza ado kakab kami ana sheshe magori ka manzu akabi, aya dama bya akapa na inabi mi yani." ⁴² Yesu igu yeni agu, "idotu ma karanta au nassi 'katari kanna asugi agabani, kani ka taka piri kudezye kumi ama dugan aku suga kumi. Muramu amu wor kuashiri, au kusu na dama sasaranami ana yizyi a wur'? ⁴³ Nbashini abara kene, adama sheru mulki wa shiri ai cari yin a dakanya adong abiga, ara na dama ciri ani mi. ⁴⁴ Piyi jigi zo katari ka idama disha mako, piyan na katari kajigi uyi kuma idama wankura." ⁴⁵ Magbaku mu firistoci na ufarisawa ama potya kene ayogotya agu a yeni nayi sherin. ⁴⁶ Ama gbene mapuri, a potu sa'hd wa yashillaci, sabo nang ayashillaci ami konusuran, ama dumya agu yi a pikuni wa shiri.