¹ Muwana kenna Yesu ima duru abere, ima biskya u Galili awana ozuh uteu u Yahudiya, a karapkan ka kumana ku urdun. ² Ayashillaci agbaku ama zoboroyi, igarganya yeni akati kam. ³ UFarisawa uma wanu yi asu kotoroyi, aguyi agu, "mudugan kene agu piyer i zobto piyini uyi koishe irapu nideni?" ⁴ Yesu ima shere abere agu "idotto ma karanta, agu yi piyi ma nafsari yeni ama ciga a piyarimi na piyini? ⁵ Yi piyi ma nafsa yeni imagu "don u dalili unghu, piyer idama biskya picu na pina a parkura na piyeni yeni uba awana piyu dhe.' ⁶ Yeni azan ayaba a nipum nidha. Kene ukusu na Kashiri ka parkhan pidong izu taza. ⁷ Yen aguyi agu, "iyan ideni Musa imagu ayer adug ata gada ama biski irunga azoptoyi?" ⁸ Igu yeni agu, "madakari manasugu nayin madeni Musa idumyini agu biskin ayinayin. Kazono azan kene. ⁹ Nbashini piyi biskin piyinuyi azan mazugiyi na manomo na pirumi pidong, arunga piyini umanzu, ideni irapu ima nomo na piyini u pidong piyini. Piyi rungan piyinumi na a biskan, iya irapu imma nomzono na piyinumi. ¹⁰ Almajirai agu Yesu, "Nna muyi kene ka piyer na piyinuyi, mudugan muni mayishi irunga." ¹¹ Yesu igu yeni agu, "azan naduk na dama shere mamakasa mamma, sai ayanna adumun yeni agu asher. ¹² Ade acu ami na awaban yeni. Ade ayana ayashillaci aguddun yeni acu ide aya guddun aci ayeni acu don kigomo kiuzoh piyi idama iya ma shere mamagasama, ishere" ¹³ Ayende yi nono na cun cun agu itarki kacara anaci anani, a gisa Kashiri. Almajirai a gyana yeni. ¹⁴ Yesu igu yeni agu, "Jikin nono na cun cun izu nyaza nani mawana umi, kigomo kiuzoh a kiyeni." ¹⁵ I tarkya icara uzoh unani, ashi biskya katimam. ¹⁶ Pidong piyer iwana u Yesu agu, "Pimagasan, ushe ujaru umatini na ndama yisha azuga nivataru niza uteu?" ¹⁷ Yesu iguyi agu, iyan ideni pisu ripshimi ukusuyi umatini? ukusu udha uyi umatini, inna pimani ma rinya uyong nivataru, pizu yisha ukusuna anyazyimi. ¹⁸ Piyami iguyi agu, "ukusushe na nyazyimi? Yesu igu "zu wunza, kazu nomzono na ayini a yarimi, kazu dakara, kazu barya ukusuna piyobu, ¹⁹ doh picu mu na pinaumu kicubra kiyeni amani aya patazyibu na rici nimu." ²⁰ Kasambi kami kagu, "mman yisha ukusunwu naduk, iyan na ngbene?" ²¹ Yesu iguyi agu, "npamani mawana piyi kuri, ka zhizhi ukusu na pide naduk, atusa aya caza, pidama wana pikarma uzo ashi gura zoboromi." ²² Na kasambi kami ka poton ukusu na Yesu ibaran ka guru kani kasugu kawanti kani, kamayi pikarmami. ²³ Yesu igu Almajirai ayi agu, "kene nbashini, mudama gono piyi pikarma iringyi kigomo kiuzoh. ²⁴ Ngurimi abarini, mudama piri magu kurakumi kuringyi unyong ka no ka nilura. Na pikarma ra iringyi kigomo kiuzoh. ²⁵ Na almajirai ami apoton kene, kasasa wana yeni agu, "wan idama zuga magaska?" ²⁶ Yesu iyita yeni agu yeni agu, "ka yer mudama wanzagana muni mi, ka Kashiri mudama wanzagana." ²⁷ Bitrus ima guyi agu, "yita, kijikan ko iyan azoborobu. Iyanna kidama zuga?" ²⁸ Yesu igu yeni agu, "kene nbashini yinna izoboronmi, auwab upas, kadhar kamna kono ka piyer ka dama zomo a katege kama dukshi kicubru. Kiyi idama zomo a tege kam na aya pituru akaba, asu yisha matya ma kibiga pituru akaba kisraila." ²⁹ Piyi da biskin narari, na kobini arumi na ayeni na picu na pina, na nono ko nakab, abara nizagi ninang, ina zuga upiri ne ituru pituru, ida zuga azuga nivataru niza uteu. ³⁰ A yayi azoni adama wana aya kacini, ayayi akacini ada wana aya zoni.