¹ Ayu Farisa na uSadukiyawa ama wana ama gisayi agu, ibari yani kpakam kayi uzo. ² Ima rete yeni agu, "akapakam nama rog ma'ma wana, igu, anadene kadar kavus. Sa uzo shenzye.' ³ Igu rikata, idama wana kapaka zavura ukyaru, sagawuzo uni ushenge aduru biga, iyo kenna ana dene abarya kenna uyo uyi, iyogotonni kenna katikam kade uteu nakapa. ⁴ Kapaka kamakari na yana coksso aya ka gben kapa, ba kadon kapa na da saganya sheki inusa." Azya mi kene she Yesu ma woro mani. ⁵ U almajirai ama tumu a ciri urabku uri, ama wuruna mazya manunaru. ⁶ Yesu ima barya yeni "rakurgin a gundu kumina yin na uyisti na a Farisawa na Sadukiyawa." ⁷ U almajirai ama zonzo a barya na kobini anagu, "ba maza yende manunaru shi." ⁸ Yesu ima yo namura munu imagu, "yini zama shiri amade ma Kashiri, niyan deni isuberbene anaci ayin agu ba maza yende manunaru mawurshi? ⁹ Yin ima wurunu na ma mingi manunaru mayiki shi nama duska ayar idubu kishi na nabende nawar nima konoshashi? ¹⁰ Ba manunaru kushere kushere mayar idubi nas, na nabende nawar ni ma zyashi? ¹¹ A deninni na isusknanni mayogotya agu azan anabere a manunaru nainyini abereshi? Tallanin kumina a rakurga nauyisti Farisawa na Saduliyawa." ¹² Ama shi yogotya magu ibashini matara kumina nayisti uyi a manunaru nagki detin ma magasa maFarisawa na uSadukiyawa. ¹³ Akapakanna Yesu imatumu usuku Kaisariya Fillibi, ima ribi Almajirai, agu, "Ayashillaci anagu migi kono ka wan?" ¹⁴ Amagu "adong akuma gu Yahaya piyu Baptisma, adong agu Iliya, kudezye kuna gu Irmiya, ko pidong ana bawa. " ¹⁵ Ima gu yeni agu, 'Yin ina kuma agu wan shi?" ¹⁶ Saminu Bitrus igu "Pu piyi Almasihu kono ka shiri kagara" ¹⁷ Yesu ima reteyi agu "piyu nibarka, Saminu konoki Nusa, azan inama na manyo ma baranbu, shena picunang uzo Kashiri. ¹⁸ In pirin mabere bu agu pigi Bitrus, uzo katari kankana ina suga kigda a kidene rong na' nas ana suskanani. ¹⁹ Ina dobu magbanna muzo. Ukusu na a shishin kajhas kenna kana shishin kuri uzo, ukusum napi soskon kajhas kenna muyi kuri uzo." ²⁰ Yesu imagu Almajirai asu barya pidong agu ayi Almasihu. ²¹ Kapakanna Yesu ima cigha mabashi Almajirai agu idama wuri Urushalima ishezen kidere na kam ayi cara magbaku, na ma gbaku mu Firistoci na amagasan attaura, amawu nayi, a cokonyayi a katuk ka katar. ²² Bitrus ima jagayi a pituga agu "ini danguranbu, Kashiri, ini damawan zagani napu" ²³ Yesu ima tumburga a barya u Bitrus, "riti akaci kanang shetan, pupi wani ujina umaciri manang, piza bu rikobina makusu mam mayi ma Kashiri, shena makusu mayashillaci." ²⁴ Yesu ima barya kalimajirai "piyi mani ma zoboro mi izu piri ama mani mariciniyi amazya ugiciye unang azoboro mi. ²⁵ Piyi mani magaska rici niyi idama biza nini. Piyi bizyi rivataru niyi abarumi idama zugayi. ²⁶ Ikugu ugbakum na piyar izugi inna izugi marentu duniya ibizyi rivataru riyi? Iyan na piyar idama suskanya mado umaiko rivataru riyishi? ²⁷ Kono ka piyar kana tumu unyong ushiru u picu na malaiku maiyi. Ashi bisa kopishe uyar ugbaku utuma na piyar iyisan. ²⁸ Ribin mbashini adong anyazhazyi mina adama dakani makeh she ayita kono ka piyar kasu jara mawana."