¹ Yesu ima cira katuk kami a kazomo a pituga piu teku. ² Ka duniya kama konusura aghatkyayi, itoro unyong kugirgi, kaduniya ka ngyazhanzhanha a pituga. ³ Yesui bashya yeni nkusu mudun. Agu "pikabi iciri maka bizza idug. ⁴ Ni bizzan idong idug ijigi aujina nanin na gaba. ⁵ Idon idug ijigi uzo natara ba mazuga mayingzhyi a cizzana kumina sabona mayingzyi magbaki mani. ⁶ Na rigmi mu taskan ini kolluzura sabonang mu zamuni naya-aya nakam, mu rogo. ⁷ Idong ijigi untong masab, masab makumza ajogshini. ⁸ Idong ijigi a mayingzyi madugan, adenu saba, idong i ribu dari-udari, idong usitting-usittin, idong kuma utalatin-utalatin. ⁹ Piyide kuto kuma poti, i potya. ¹⁰ Almajirai ayi atumu agu, yan ideni na pi berbenuyeni a misalai? ¹¹ I guddu yeni agu, "Yin kam, adumunni agu iygoti asiri akigomo kiuzo, amma yeni adugshyani yeni. ¹² Magu piyide na ana pira yimi nakam, piyi zade, ko ukusu ni de a shere uyi. ¹³ Ukusu deni na nberbenu yeni a misalai, magu ko yena yita adama yogotyani ko a kizani adama potyani, ana yogotyani kuma. ¹⁴ Nibin uyeni na kurganan anabci Ishaya agu idama potya, ama idama yogotini, idama yita ama bama yogotya, ¹⁵ Magu nasugu na yashillaci naman gbargurga sgmasaza ato ayeni, agusaza ayizhi magu yena zi yita ko azi potya kadama, ayogotya kuma har a tuburga umi ngarganya yeni. ¹⁶ Libarka niwani kayizhi ayin magu ana zhin-zhini, na ato ayin magu ana pok. ¹⁷ Ribin, nbashini anabawa na aya matini adun amamani mayita ukusu nayin iyitan bamayita, amamani ma potya ukusu nayin ipoton bama potuni. ¹⁸ "Potin uma'anu misali mu pikabi ina bizza idug iyi. ¹⁹ Kapana pidong ipoton abera Kashiri ba ma yogotya, piyu kucok iwani ama cidda ukusuna bizzan a kasugu kayi, idug inghi jigi aujina kenan. ²⁰ Inghi jigi anatari kuma, iniyi inna nde piyer ipoton abera Kashiri, i shere akasugu kabok. ²¹ Ba ma de kacing, bama shiri, har inde ukunci na utsani uwani abarana berami, idama ciri. ²² Imi jigi unyong masab, yi iyi piyi poton aberami, ana wana aza u amfani. ²³ Inna a bizzan a mayingzyi madugan manimayi piyi pok aberami, a yogotya, ribin yi ina denumfani adene libarka, pidong iribu dari, pidong usittin, pidong kuma utalatini. ²⁴ Iyende yeni misali mamanzu agu, "Adama dunturya kigomo ki Kashiri na piyi gmizhi idug idugan a kakab kayi. ²⁵ Akapana na kaduniya ka pushin mura, piyu kucok ika bira udon ugi ubakti aworoyi. ²⁶ Na macira makibira kimi adene, ishing-shing, ugi umi ucira. ²⁷ Adera piyu girumi a tumu agu, "picu gira, abu mana bizzan bu idug ikur aka kab kamu? To, adeninni na kamura kaciri? ²⁸ I guddu yeni "pidong u kucok idisan utumumi, aderemi agu, pi mani magu ki ka ciddazami a konoshya? ²⁹ Ama igu, babu, zi kazhin akamami akapani mani ma kaskha kanura. ³⁰ Biskin yeni akumza akati kadha har katuk kama cizhe, a kapa ka macezhe ndama barya aya macezhe acing macezhe kanura a konoshya, ashishizhi nadami a tikshya, alkamami kuma ikonoshya a kami kanang. ³¹ Ipa dug yeni misali nimanzu, agu "kigomo ki Kashiri kiyinya pigbangaran piumastad, pinna pidon ibiri a ka kab kayi. ³² Pini pi piri amayi nacin aigbangaran imi, ama npi kumzan, pina pira kudezhe kumi anava, har awana kaci, har nanin nama suga awoaanpaga mumi." ³³ Ipa dug yeni misali, agu "kigomo ki Kashiri kiyi nya uyisti unna pidong uyini izan akpatara a mudu atar ana gobo malikama, ngobo mumi murinukura a bugu abarau yist umi'. ³⁴ Yesu ima barya ayashillaci a konoson misalai, ibaranyi yeni kadamana sai misalai. ³⁵ Mummu agu akurgani ukusunna anabi Ishaya a baran agu "Ndama beru yin a misalai ndama barini ukusu nisan tun kacing kaduniya. ³⁶ I biskya utarumi a woroyi ugira. Almajirai ayi awanuyi agu, "baridi umaana ugi a kakab." ³⁷ I guddu yeni agu "piyi ngyallan idug ivur yi iya kono ka piyer. ³⁸ Ka kab kami kayi uduniya, idug ivur iyi nonna Kigomo ki Kashiri, ugi umi kuma uyi nonna pirogo pimi. ³⁹ Magabci mamma na yallan mani mayi ibilis. Ka pa ka ma cezhe kami maduru mu duniya, acezhami ayi malaiku. ⁴⁰ Nya kenna ana konoshya ugi a tikya kenna mu dama wana a madara muduniya. ⁴¹ Kono ka piyer kadam kunu malaika makani ma konoshya ayana gasa kaduniya ka yishi ibang, na aya cogono, a cidda yeni a kigomo kiyi. ⁴² Aro yeni unyong ura upobo, mi na yena da shibana na makaza mabang. ⁴³ Kapakami na aya matini ada ballya nya nami a kigomo ki picu yeni. Pide ato ama poti, ipotya. ⁴⁴ "Kigomo ki Kashiri uzo kiyinya udukiya upukun a kakab,unna pidong izugi, apa puki, amatakaranha mayi aworoyi aka zhi-zhi naduk ukusu ni de, ashe-she ka kab kami. ⁴⁵ "Kene kuma kigomo kiuzo kiyinya pikarma, piyi gbene ilu'alu'ai ivur. ⁴⁶ Ni zugi u lu'ulu'u udha muvur nakam ika zhi-zhi ukusu nide naduk, ashe-shuni." ⁴⁷ Har ukyaru, kigomo kiuzo kiyi nya utaru na runi unyong uteku unu puru isani ibaktazyi. ⁴⁸ Na unu kuri, adaska a tara anijinjiwa, atezhe isani vussa a dishya ana bende, iza vussa kuma a nikya. ⁴⁹ Kenna mu dama wana a madara mu duniya malaiku madama cira, aciddi rogo unyong aya matini. ⁵⁰ Aro yeni unyong ura uvugru, kati na yena da shibana na makaza ma bang. ⁵¹ Iyogoton mummu? Yena gu I. ⁵² Igu yenagu, "To duk pimakasan wu taura iwani limajiri a kigomo ki Kashiri uzo, iyinya picu gira, iyiri u dukiya upas na ugus a kiceke kiyi." ⁵³ Na Yesu ima duru ma kuma kene, ibiskya ka tikami. ⁵⁴ Na Yesu ima duru ma kuma kene, ibiskya kati kami. Ni tumi a kudo kuyeni, imakasa yeni a kudong kuyeni, ayisha kasasa, agu, "Nki na piyangwu izugi u hikima idug uru na kabhata kanka? ⁵⁵ Azan kono ka kupinta cizan Maryamu iyi pina? Azan a kobini ayi Yakubu, Yusufu, na Saminu na kuma Yahuza? ⁵⁶ A kobini a yeni azan nawur na yenayi naduk? Nki na piyangwu izugi ukusungwu? ⁵⁷ Yena ciri abaniyi Yesu igu yeni agu, "Ai anabi ana zuga ni kicubru sai a kudo kuwani." ⁵⁸ I yisan yi mu'ajizai mugbaki kuri abara maza dumi mayeni.