¹ Kunyakaran ku Yesu kono ka Dauda, kono ki Ibrahim. ² Ibrahim iyi piwaban Ishaku, Ishaku piwababn u Yakubu, Yakubu iyi piwaban u Yahuza na kobinuyi. ³ Yahuza iyi piwaban u Farisa na Zera u Tamar. Farisa iyi piwaban u Hasruna, Hasruna piwaban u Aram. ⁴ aram iyi piwaban u Aminadab, Aminadab piwababn u Nashon, iyi piwaban u Salmon. ⁵ Salmon iyi piwaban u Bo'aza u Rahab, Boa'aza iyi piwaban u Obida u Rut. Obida iyi piwaban u Yesse. ⁶ Yesse iyi piwaban u pigomo Dauda. Pigomo Dauda piwaban Sulaimanu kapiyenu Uriya. ⁷ Sulaimanu iyi piwaban u Rehoboam, Rehoboam iyi piwaban u Abija, Abija ayi piwaban u Asa. ⁸ Asa ayi piwaban u Yehoshafat, Yehoshafat iyi piwaban u Yoram, Yoram iyi piwaban u Uziya. ⁹ Uziya iyi piwaban u Yotam, Yotam iyi piwaban u Ahaz, Ahaz piwaban u Hezekiya. ¹⁰ Hezekiya iyi piwaban Manassa, Manassa mayi piwaban u Amon, Amon anayi piwaban u Yosiya. ¹¹ Yosiya iyi piwaban u yekoniya na kobina na ten akapakanna amakpokso yeni makana amayinzyi mu Babila. ¹² Nama duru makpokso yeni makana amayinzyi mu Babila, Yekoniya iyi piwaban u Sheyaltiyel, sheyaltiyel piwaban u Zarubabel. ¹³ Zarubabel iyi piwaban u Abihudu, abihudu piwaban u Eliyakim, sannan Akimu ayi piwaban u Azuru. ¹⁴ Azuru ayi piwaban u Saduku. Saduku iyi piwaban u akimu, Akimu piwaban u aliyudu. ¹⁵ Aliyudu piwaban u Ali'azara, Ali'azara ayi piwaban u Matana, Matana mayi piwaban u Yakubu. ¹⁶ Yakubu iyi piwaban u Isufu pirumu Maryamu unna ima waba Yeshi, kanna anagu Almasihu. ¹⁷ Mazyaki Ibrahim makana u Dauda ama yisha pituru akanas kenna. Akapakami ama kpokso yeni makana u Babila kusana pituru akanas, akapakami na ama kpokso yeni makana u Babila, makana ku Almasihu kusana pituru akanas. ¹⁸ Ga kenna mawaba ma Yesu mayi piwaban uyi Maryamu ima coko aya kuneru na Isufu a doto ma yishi irunga ama zuga Maryamu na mashiti mu Ruhu uKashiri pigomo. Pirumu Maryamu. ¹⁹ Isufu, piyumatini ima maniyi mado Maryami ugbur. Ima dene uShawara uma biskyayi udakarami. ²⁰ Ima ya mamiikza al'amura ami, malaika makashiri ma-ma cirayi anamura, agu, "Isufu kono ka Dauda, zu potya usahd uma zya Maryamu yangabu. Ukusu uyi unyong uyangabu aukusu uwor ku Ruhu i pigomo nama zugami. ²¹ Idama waba kono, pidama Yisha rizagi ni kani agu Yesu domin kadama gaska ayar akani unyong ibang iyeni." ²² Mummu muwanzagana kene domin a kurgani ukusunna amamaru barea akono kapikuni uKashiri agu, ²³ "Ita kajinna kanama shiti awaba kono anama yesah kani agu Immanuel", magu "Kashiri kayi nawur". ²⁴ Isufu ima coko anamura inama yisha kenna malaika maKashiri ma-ma baryani, Isufu ima zya piyani. ²⁵ Isufu inima murini nayi saina ima waba. Ima yesa kani agu Yesu.