¹ A migi kaci ki inabi ka ribin, picu unang kuwa iyi pikobi umi. ² Ina zya duk kipaga unyong unang kinki dakanzya kini nono, kinki dakanzya nono kuwa ina napsa kini domin kini kipiri mado nono. ³ Imaru napsana sabona abere na inyishini. ⁴ Zomzonin unyong unang, mi kuma unyong uyin. Kenna kipaga kina suskanya kini mado nono uta kini sai dai kizomi unyong i kaci kam, ai kene yinma idama suskanya ni, sai i zomzyi unyong unang. ⁵ Migi inyi kaci ki inabi, yin iyi mpaga. Piyar i zomi unyong unang, migi kuma unyong uyi, ina dakanzya nono na kam, gama in ba iyi nami ba, idama suskanya ni kadangma. ⁶ Piyar kuma ungwu i zomon yi unyong unang, adama ro yi kamar na kipaga, irogo, kuma a kosha mpaga mumi a to a ura, mu rey ura. ⁷ Inna i zomon unyong unang, abere anang kuma azomo unyong uyin, i gisa duk ukusu na imani, adama deni ni uni. ⁸ Ai kene na adama daukaka picu nang, agu dugin nono na kam, kuma agu iyi almajirai anang myi. ⁹ Kamar kenna picu unang i manim, aikene na in manini, izomo unyong ma mani manang. ¹⁰ Inna i deten u dokoki unang, idama zomo unyong ma mani manang kenne migi in deten u dokoki u picu unang, mimmi zomi unyong ma mani mayi. ¹¹ In bashini manang mamma domin kasugu kanang kabok kawana kakuri. ¹² Anga ani ayi umurni unang, agu imanu aci ayin kenna migi in mani ni. ¹³ Ba piyar ideh ma mani ma piri kene, wato i dakani nivataru niyi abara na ajami ayi. ¹⁴ Yin iyi ajami anangmi inna i yisha ukusu na indugini umurni mi. ¹⁵ Ndama gurmi ayirkini agu adere ba, don pidere iyoyi ukusu na picu gira uyi iyisan ba. In yarkanni agu ajami anang, domin in baranni duk ukusu na npoton ka picu nang. ¹⁶ Azan yin i zaban mi, amigi in zabanni, in kuni ni don yi kaduk nono, nono nayin kuma na tabbata. Mu wani magu duk ukusu na in gisan picu unyong nizagi ninang, idama do ini. ¹⁷ Ndugini umurni ungwu domin i mani aci ayin. ¹⁸ Inna uya ugabi uni ni, yogotin agu uni ugabi unimi kafin uni ugab uni ni. ¹⁹ Ina yi uya mi, uya una mani ni kamar ayar a uni. Amma sabona i zaini uya mi, ami in zabanni auya, don kene uya ugabuni ni. ²⁰ Mingin na abere anna indenini, pidere ina pira yi picu gira uyi ama gbaki! Idan na a gollon mi, yin ma adama golloini; Idan na yeni adeten abere anang, yeni adama dete abere ayin. ²¹ Yeni adama yishi ni duk makusu mamma abara nizagi ninang, don yeni ayo ani piyar yi kuni. ²² Inna tumi abere uyeni, yeni ana zani ibang, amma mina, yeni azani u hujja don ibang iyeni. ²³ Duk piyar i gabiyi mi igabiyi picu unang. ²⁴ Inna deni mi ukusu na ba pidon imaru taba madene unyong uyeni ba, yeni ana zani ibang, amma yeni ayitan, yeni kuma agabi ani mi na picu unang. ²⁵ Amma a deni kene domin abere anna a nyakaran unyong u sharia uyeni, 'yeni agabi animi bandong.' ²⁶ Akapa na piyar uma nusu kasugu- una indama yendini awor ka picu mi, wato uruhu u nibin, ungwu u cijja awor ka picu mi awana, uni udama do u shaida anici ninang. ²⁷ Yin ma i dakanzya u shaida sabona iyi nami tun amacingha.