¹ Akwani, nde azugi pidong unyong ibang, yin iyi unyong Uruhu, igudduyi aujina nutawaliu, ashi mingza aci ayin izu botto nnaini. ² Zhinin kidere kya kwanai, muni mudama kurganya matya makashiri. ³ Piyizhan nici niyi kadamanami, azan kene icipanzya nici niyi. ⁴ Kowan iduntari utumuyi ayita, ashi zabkha izher amatsayi mayi utayi basai iduntari na pidong ba. ⁵ Kenefa, kowan ipok na makusu mayyi. ⁶ Piyanna amakasanyi aberami. ⁷ Azu cipanzhini, ba piyidama disha kashiri iduntu, ukusu na piyer ibizzan uni nidama baba. ⁸ Piyi bizzan amamani makasugu kayi, amamani ma-kasugu idama babka managuzura. ⁹ Kizu kozo mayishi ukusudugan, kidama baba akapa kadugan, nkikozidi. ¹⁰ To, amummu, nkizugi kapa, kiyisha ayashillaci naduk natini tun ba aya dugi nibin. ¹¹ Yitan mangyakara manang makanuyin. ¹² Ayamani masaganzya kipampa kiyeni, yena acipanzyini agu yishin ukaciya, agu izu shezhe kidere aukaugiciyu kashiri. ¹³ Ai aya yisan ukaciya azob ani natya makashiri, yena mani agu ayishini ukaciya, magu yena rerenuyin magu ayishini ukaciya. ¹⁴ Migi ndama rerenemi konacina, saidai magu augiciye nan nikan manang muya, uya unikya manang. ¹⁵ Ukaciya na mazamawuni, azan kadamana, uhalita upas uyi kadamana. ¹⁶ Usalama na ujinkai uwanzaganu kayazob manang mami, wato Israila ukashiri. ¹⁷ Dagu kyaru, pidong izu bogotomi, nde makizhi anipum ninang magu miginyi pideru Yesumi. ¹⁸ Alhera kashiri kawur Yesu mukura uyin, akwani. Amin.