¹ Busa gisultihan ni Agripa si Pablo "Makahimo naka sa pagsulti alang sa imong kaugalingon." Unya gituy-od ni Pablo ang iyang kamot ug siya nanalipod. ² "Giisip nako ang akong kaugalingon nga malipayon, Haring Agrippa, sa paghimo sa akong kaso dinhi sa imong atubangan karon batok sa tanan nga mga pasangil sa mga Judio, ³ ilabina, tungod kay ikaw hanas sa tanan nga nabatasan sa mga Judio ug mga pangutana. Mao nga manghangyo ako kanimo nga paminawon mo ako nga mapailubon. ⁴ Sa pagkatinuod, ang tanang mga Judio nasayod kung unsa ang akong kinabuhi gikan sa akong pagkabatan-on sa akong nasod ug sa Jerusalem. ⁵ Nasayod sila kanako gikan sa sinugdanan ug sila miangkon nga nagpuyo ako isip Pariseo, ang pinakaisog nga sekta sa atong relihiyon. ⁶ Karon nagatindog ako dinhi aron pagahukman tungod sa akong paglaum sa saad sa Dios ngadto sa atong mga amahan. ⁷ Mao kini ang saad nga gilaoman sa atong napulog-duha ka mga banay nga madawat samtang sila nagsimba sa Dios sa mainiton nga adlaw ug gabii,ug tungod niini nga paglaum, hari, nga ang mga Judio nagasumbong kanako. ⁸ Ngano nga bisan kinsa kaninyo maghunahuna nga dili katuohan nga ang Dios nagbanhaw sa mga patay? ⁹ Karon sa tinuod,Ako sa akong kaugalingon naghunahuna nga kinahanglan kong buhaton ang daghang mga butang batok sa ngalan ni Jesus nga Nazaretnon. ¹⁰ Gibuhat ko kini didto sa Jerusalem. Gipriso nako ang daghang balaan katawhan sa Dios,pinaagi sa pagbulot-an nga akong nadawat gikan sa mga sacerdote nga punoan; ug sa dihang sila gipangpatay, akong gihatag ang akong pag-uyon batok usab kanila. ¹¹ Gisilotan ko sila sa makadaghan sa tanang sinagoga ug gipugos ko sila sa pagpasipala. Nasuko ako pag-ayo kanila ug gigukod ko sila bisan paman sa langyaw nga mga siyudad. ¹² Samtang gibuhat ko kini, miadto ako sa Damasco uban ang katungod ug mga sugo gikan sa mga pangulong pari; ¹³ ug samtang anaa pa ako didto sa dalan, sa udtong tutok, Hari, nakita nako ang kahayag gikan sa langit nga mas sulaw pa kaysa adlaw, ug midan-ag kini palibot kanako ug sa mga lalaki nga kauban nako sa paglakaw. ¹⁴ Ug sa dihang kaming tanan nangatumba sa yuta, akong nadungog ang tingog nga nagsulti kanako nga miingon sa Hebrohanon nga pinulongan, "Saulo, Saulo, nganong gilutos mo man ako? Lisod kini alang kanimo sa patid sa igtutugsok. ¹⁵ Unya ako miingon, 'Kinsa ka man, Ginoo?' Ang Ginoo mitubag, 'Ako si Jesus nga imong gilutos. ¹⁶ Karon bangon ug tindog sa imong mga tiil; tungod niining tumonga ako nagpakita kanimo, sa pagpili kanimo nga mahimong sulugoon ug saksi mahitungod sa mga butang nga imong nasayran mahitungod kanako karon ug ang mga butang nga akong ipadayag kanimo sa umaabot; ¹⁷ ug luwason ko ikaw gikan sa mga tawo ug gikan sa mga Gentil nga akong paadtoan kanimo, ¹⁸ aron maabli ang ilang mga mata ug aron sa pagpabiya kanila gikan sa kangitngit ngadto sa kahayag ug gikan sa gahom ni Satanas ngadto sa Dios, aron sila makadawat ug kapasayloan sa sala gikan sa Dios ug ang panulondon nga akong ihatag ngadto kanila nga akong gigahin alang sa akong kaugalingon pinaagi sa ilang pagtuo kanako.' ¹⁹ Busa, Haring Agripa, wala nako gisupak ang langitnong panan-awon; ²⁰ apan, kadtong anaa una sa Damasco, ug unya sa Jerusalem, ug sa tibuok nasod sa Judea, ug usab ngadto sa mga Gentil, akong gihatag ang minsahi nga kinahanglan magbasol ug mobalik sa Dios, maghimo ug mga buhat nga takos sa paghinulsol. ²¹ Mao kini ang hinungdan nga ang mga Judio nagdakop kanako didto sa templo ug nagsulay sa pagpatay kanako. ²² Gitabangan ako sa Dios hangtod karon, busa gibarogan ko ug gipamatud-an sa yano nga mga tawo ug sa mga bantugan mahitungod sa wala nay mas labaw pa kung dili ang giingon sa mga propeta ug ni Moses nga mahitabo- ²³ nga si Cristo kinahanglan mag-antos, ug siya ang una nga nabanhaw gikan sa mga patay ug sa pagmantala sa kahayag ngadto sa atong kaogalingong katawhan ug ngadto sa mga Gentil. ²⁴ Sa pagkahuman sa pagpanalipod ni Pablo, si Festo miingon sa makusog nga tingog, "Pablo, nabuang ka na; ang imong dakong nakat-onan mao ang nakapabuang kanimo." ²⁵ Apan si Pablo miingon, "Dili ako buang, pinakahalangdon nga Festo, apan uban ang kaisog ako nagsulti sa kamatuoran ug kaligdong. ²⁶ Kay ang hari nasayod mahitungod niining mga butanga; ug busa, ako gawasnon sa pagsulti kaniya, kay ako nadani nga walay matago gikan kaniya; Tungod kay kini wala gibuhat diha sa usa ka suok. ²⁷ Nagtuo ba ikaw sa mga propeta, Haring Agrippa? Nasayod ako nga nagtuo ka." ²⁸ Miingon si Agripa kang Pablo, "Sa mubo nga panahon danihon mo ba ako ug himuon nga Kristohanon?" ²⁹ Si Pablo miingon, "Nag-ampo ako sa Dios, bisan sa mubo o taas nga panahon, dili kay ikaw lang, apan ang tanan usab nga naminaw kanako karong adlawa, mahimo nga sama kanako, apan walay labot niining mga kadena sa prisohan." ³⁰ Unya ang hari mitindog, ug ang gobernador, ug si Bernice usab, ug kadtong naglingkod kauban nila; ³¹ ug sa dihang mibiya sila sa hawanan, nagsulti sila sa usag-usa ug miingon, "Kini nga tawo dili takos sa kamatayon o mga gapos." ³² Miingon si Agrippa ngadto kang Festo, "Kining tawhana gipagawas na unta kung wala lamang siya mihangyo kang Cesar."