¹ Karon mahitungod niadtong panahona si Herodes nga hari midakop sa pipila ka mga sakop sa simbahan aron iyang daugdaugon sila. ² Iyang gipatay si Santiago nga igsoon nga lalaki ni Juan pinaagi sa espada. ³ Pagkahuman nakita niya nga nakapahimuot kini sa mga Judio,siya mipadayon sa pagdakop usab kang Pedro. Mao kana ang panahon sa mga adlaw sa pan nga walay patubo. ⁴ Pagkahuman ug dakop kaniya, gibutang niya siya sa bilanggoan , nagbutang siya ug upat ka grupo sa mga sundalo aron bantayan siya; iyang tuyo nga siya dad-on sa katawhan pagkahuman sa Pagsaylo. ⁵ Busa si Pedro nagpabilin didto sa bilanggoan, apan ang mga pag-ampo gihimo nga mainiton ngadto sa Dios alang kaniya sa mga anaa sa simbahan. ⁶ Sa gabii sa dili pa pagadad-on siya ni Herodes sa gawas alang sa hukom, nianang kagabhi-on natulog si Pedro tunga sa duha ka mga sundalo, nga gigapos ug duha ka kadena; ug ang mga guwardiya naa sa atubangan sa pultahan nga nagbantay sa bilanggoan. ⁷ Tan-awa, usa ka manulonda sa Ginoo sa kalit nagpakita kaniya, ug ang kahayag midan-ag sa silda. Gihampak niya si Pedro sa kiliran ug gipukaw siya ug miingon, "Bangon ug dali." Unya ang mga kadena nangatangtang sa iyang mga kamot. ⁸ Ang manulonda miingon kaniya, "Pagsinina sa imong kaogalingon ug sul-ota ang imong mga sandalyas." Gibuhat kini ni Pedro. Ang manulonda miingon kaniya, "Sul-oba ang imong kupo ug sunod kanako." ⁹ Busa si Pedro misunod sa manulonda ug miadto sa gawas. Siya wala masayod nga unsa ang gihimo sa manulonda tinuod gayod. Siya nagtuo nga siya nakakita ug usa ka panan-awon. ¹⁰ Pagkahuman nila ug labay sa una ka guwardiya ug sa ikaduha, naabot sila sa ganghaan nga puthaw nga paingon ngadto sa siyudad; kini naabli sa iyang kaugalingon alang kanila. Nanggawas ug nangadto sila sa dalan, ug ang manulonda mibiya kaniya dayon. ¹¹ Sa dihang nakamatngon na si Pedro, siya miingon, "Karon nasayod na ako nga gipadala sa Ginoo ang iyang manulonda ug giluwas ako gikan sa kamot ni Herodes, ug gikan sa tanang gilaoman sa mga tawo nga mga Judio." ¹² Pagkahuman niya makaamgo niini, miadto siya sa balay ni Maria nga inahan ni Juan kansang apelyido Marcos; daghang mga magtutuo nga nagtigom didto ug nagaampo. ¹³ Sa dihang siya nagtuktok sa pultahan sa ganghaan, ang usa ka sulugoon nga babaye nga ginganlan ug Roda miadto aron sa pagtubag. ¹⁴ Sa dihang nailhan niya ang tingog ni Pedro, sa iyang kalipay napakyas siya sa pag-abre sa pultahan; hinuon, siya midagan padulong sa kwarto; siya nagbalita nga si Pedro nagtindog didto sa pultahan. ¹⁵ Busa miingon sila kaniya, "Nabuang naka." Apan namugos gayod siya nga mao kadto. Sila miingon, "Iya kadtong manulonda." ¹⁶ Apan nagpadayon sa pagpanuktok si Pedro, ug sa naabrehan na nila ang pultahan, nakita nila siya ug nahibulong. ¹⁷ Misinyas si Pedro kanila sa iyang kamot nga mohilom, ug gisultihan niya sila kung giunsa siya pagpagawas sa Ginoo sa bilanggoan. Siya miingon, "Ibalita kining mga butanga ngadto kang Santiago ug sa mga igsoon." Unya mibiya siya ug miadto sa laing dapit. ¹⁸ Karon sa pagkabuntag, walay gamay nga kasamok sa mga sundalo, mahitungod sa nahitabo kang Pedro. ¹⁹ Pagkahuman ug pangita ni Herodes kaniya apan wala siya makaplagi, gipangutana niya ang mga guwardya ug nagmando kanila nga pamatyon. Unya milugsong siya gikan sa Judea ngadto sa Cesarea ug nagpuyo didto. ²⁰ Karon nasuko pag-ayo si Herodes sa mga tawo sa Tiro ug Sidon. Sila miadto uban kaniya uban sa usa ka katuyo-an. Ug human madani si Blastus, ang katabang sa hari, nga motabang kanila. Unya nangayo sila ug kalinaw, tungod kay ang ilang nasod nagdawat kinig pagkaon gikan sa nasod sa hari. ²¹ Sa usa ka adlaw nga gitagana nagsuot si Herodes ug harianong bisti ug naglingkod siya sa trono; siya naghimog pakigpulong ngodto kanila. ²² Ang mga tawo naninggit, "Kini ang tingog sa usa ka dios, dili sa usa ka tawo!" ²³ Diha-diha gihampak siya sa manulonda sa Ginoo, tungod kay wala niya gihatag ang himaya sa Dios; siya gikaon sa mga ulod ug namatay. ²⁴ Apan ang pulong sa Dios mitubo ug midaghan. ²⁵ Busa sa diha nga si Bernabe ug si Saulo nakahuman sa ilang tahas,sila mibalik gikan sa Jerusalem, gidala uban kanila si Juan, nga gitawag usab nga Marcos.