¹ Sa panan-aw sa Dios ug ni Cristo Jesus, nga hapit na maghukom sa buhi ug patay, ug tungod sa iyang pagpakita ug sa iyang gingharian, madasigon ako nga nagsugo kanimo: ² Iwali ang pulong; pangandam kanunay hamugaway man o dili. Pagbadlong, pagsaway, pag-awhag, nga adunay pailob sa tanan ug pagtudlo. ³ Tungod kay moabot ang panahon nga ang mga tawo dili na molahutay sa maayo nga pagtuion-an. Hinuon, tugotan nila nga mapalibutan sila sa magtutudlo nga magtudlo lang sa unsay miuyon sa ilang kaugalingong mga tingoha. Sa niini nga pamaagi ganahan ang ilang mga nagkatul nga dalunggan sa gusto nilang mabati-an. ⁴ Ilang ipatalikod ang ilang mga dalunggan palayo sa kamatuoran, ug lingi-on ang mga tinumutumo nga sugilanon. ⁵ Apan ikaw, pagpugong sa imong hunahuna sa tanang mga butang; antosa ang kalisod; buhata ang katungdanan sa usa ka evangelista; tumana ang imong bulohaton. ⁶ Tungod kay ako gibubu na ingon nga halad. Ang panahon sa akong pagbiya niabot na. ⁷ Nakiglumba ako sa maayong pakiglumba; nahuman na nako ang lumba; akong gitipigan ang pagtuo. ⁸ Ang korona sa pagkamatarong gitagana na alang kanako, korona nga ang Ginoo nga matarong nga maghuhukom, naghatag kanako niadtong mga adlawa; ug dili lang kanako, apan sa tanan usab nga nahigugma sa iyang pagbalik. ⁹ Paningkamoti nga makaari ka kanako sa labing dali nga panahon, ¹⁰ kay si Demas nibaya na kanako. Gihigugma niya kini nga kalibutan ug miadto sa Tesalonica. Si Crescente miadto sa Galacia, ug si Tito miadto sa Dalmasia. ¹¹ Si Lucas ra gayud ang kauban nako. Kuhaa si Marcos ug dad-a uban kanimo tungod kay siya makatabang kanako sa buluhaton. ¹² Si Tiquico ako gipaadto sa Efeso. ¹³ Ang kupo nga akong gibilin sa Troas kang Carpus, dad-a inig anhi nimo ug ang mga libro labi na gayud kadtong nahimo sa panit. ¹⁴ Si Alejandro nga platero nakahimo kanako ug dakong kasakitan. Ang Ginoo nalang ang magbalos kaniya sumala sa iyang mga gihimo. ¹⁵ Bantayi usab siya, tungod kay mibarog siya batok sa atong mga pulong. ¹⁶ Sa una nakong pagdepensa, walay bisan usa nga mibarog alang kanako, apan ang tanan mibiya kanako. Hinaut nga dili unta kini mahimo nga sala batok kanila. ¹⁷ Apan ang Ginoo mibarog alang kanako ug nagpalig-on kanako aron pinaagi kanako, ang pagsangyaw matuman gayud, ug ang tanang mga Gentil makadugog unta. Mao nga giluwas ako gikan sa baba sa liyon. ¹⁸ Ang Ginoo magluwas kanako gikan sa matag dautan nga buluhaton ug magluwas kanako alang sa iyang langitnong gingharian. Kaniya ang himaya hangtod sa kahangturan. Amen. ¹⁹ Kumustaha si Prisila, Aquila, ug ang panimalay ni Onisiforo. ²⁰ Si Erastos nagpabilin sa Corinto, apan si Trofimo akong gibilin sa Milito,kay nasakit man siya. ²¹ Paningkamoti nga makaanhi ka sa dili pa moabot ang tingtugnaw. Nangumusta kanimo si Eubulo, si Prudente, si Lino, si Claudia ug ang tanang mga kaigsoonan. ²² Hinaot ang Ginoo mag-uban sa imong espiritu. Hinaot nga ang grasya maanaa kanimo. Amen.