¹ Gikan sa pangolo alang sa pinili nga babaye ug sa iyang mga anak, nga akong gihigugma diha sa kamatuoran, ug dili kay ako lang, apan ngadto usab sa tanan nga nasayod sa kamatuoran, ² tungod sa kamatuoran nga nagpabilin kanato ug ania uban kanato hangtod sa kahangtoran. ³ Ang grasya, kaluoy, ug kalinaw maga-uban kanato gikan sa Dios nga Amahan ug gikan kang Jesu-Cristo, ang Anak sa Amahan, diha sa kamatuoran ug gugma. ⁴ Dako kaayo ang akong kalipay nga akong nakit an ang pipila sa imong mga anak nga nagkinabuhi sumala sa kamatuoran, nga atong nadawat nga sugo gikan sa Amahan. ⁵ Ug karon naghangyo ako kanimo, babaye, dili ingon nga ako nagsulat nganha kanimo ug usa ka bag-ong sugo, kondili kadtong ato nang naangkon sukad pa sa sinugdanan, nga kinahanglan maghigugmaay kita sa usag usa. ⁶ Ug mao kini ang gugma, nga kinahanglan magkinabuhi kita sumala sa iyang mga sugo. Kini ang sugo, sumala sa inyong nadungan sukad pa sa sinugdanan, nga kinahanglan magkinabuhi kamo niini. ⁷ Kay daghan ang mga mangingilad ang nanungha sa kalibotan, ug wala sila magtug an nga si Jesu-Cristo naiawo pinaagi sa unod. Mao kini sila ang mangingilad ug mga kaaway ni Cristo. ⁸ Pagbantay kamo sa inyong kaugalingon, nga dili mawala ang mga butang nga atong gihaguan ,aron makadawat kamo sa tibuok nga ganti. ⁹ Bisan kinsa nga nag-una ug wala mopabilin diha sa pagtulun-an ni Cristo wala makaangkon sa Dios. Siya nga nagpabilin diha sa pagtulun-an nakaangkon sa Amahan ug sa Anak. ¹⁰ Kung adunay moanha kaninyo ug wala modala niini nga pagtulun-an, ayaw siya dawata sa inyong panimalay ug ayaw siya abi-abiha. ¹¹ Kay siya nga nag-abiabi kaniya kabahin sa iyang daotang mga buhat. ¹² Aduna unta akoy daghang mga butang nga angay pa isulat nganha kaninyo ug wala akoy handom nga isulat kini diha sa papel ug sa tinta. Apan naglaom ako nga makaanha kaninyo ug makigsulti sa nawong ug nawong, aron nga mahingpit ang atong kalipay. ¹³ Ang mga anak sa imong pinili nga igsoong babaye nangumusta kaninyo.