1
Mulimuli bakisi e Isus soko la tuluga la baba oio la citi me la maututula, eia valolo eia veipala la gospel tela kingdom te Deo. Egite ale savulusa gete lua vikapopo leia,
2
la tavile pala eia igotigi la ilea tetala eia kumuli la kalulu kama kokora :E Maria egite tolala e Makdalena, pala e Isus kumuli livitu la kalulu barabara sogala;
3
E Joanna, e rutule kusa, la tahalo la baumuli la papaga te Herod, Susana;megite isahari lou,ere lou, gogala tela gila-bulabu, abia gite isahari la papaga mai egite kama tahoka.
4
Egite la walua me hatavivile la baba gomai vikapopo, la valua isahari gomai tetala ilua mulimuli ilua lou,eia wei la merera :
5
" La tahalo isasa goio pigi la vavua la wit. Mai eia galua, isahari paru oio la gauru egite toea la vaha gite, la malumalu gomai ali egite.
6
Isahari paru la humu, eia kusi soata, ale paru la magasa, lavula lalalu ouka.
7
Isahari paru kabili la mamota, isahari kusi vikapopo la mamota.
8
Alamoli isahari paru oata la magasa ale taritigi la vavuala isahari salatu isasa vikapopo isahari lou. "Mulimuli e Isus weia la papaga tomi, eia tola sogala, la tahalo tahoka la gavusala eia ge lolo, kora eia ge loloa. "
9
Egite la bilaha tetala tahia la merera eia weweia.
10
Eia veia, "La gabutala ale tabuli kokovu tela kingdom te Deo eia abiamu, alamoli tegite sapolo eiau weia la mera kokovula, hilo egite mai eme kama hiloegite, egite loloa alamoli egite kama rovia.'
11
Igoe eiau ge weimuto la vuhula merera kokovla: La vavua ale la merera te Deo.
12
La vavua la wit ale paru la gauru ale egite ale laba-gelegele , alamoli e satan gomai abitaro la merera loio la hatmu eala maie egite kama ge tautau-lailo me egite abi rivu egite.
13
Egite la wit ale paru la humu egiteu moliele, egite ale lolo la merera, egite abi la merera vikapopo la sagegela. Egite kama tahoka la uagite; egite tautau-lailo moli, oio tela imala la tilov egite ge paru sogala.
14
La vavua la wit ale paru kabili la mota tahoka la ororola ale la walua ale lolo la merera, mai egite tuga la tuluga tegite, egite sekim egite isahari ababi la wati ala egite momoge tela mahuli alie, amai la wawua la obu ale kama masola tigi.
15
Alamoli la wit ale paru oio la magasa bubumoli, ale egite maie, lolo la merera vikapopo vei seselela mai la hatemu malimali, egite tabuli wagari egite oio wawua. "
16
" Isasa kama viroko la-lamu taurola la disi o taua otalo la poro. Ouka, eia taua oata la muli la-lamu mai egite tomi ge tiroro ge hilo la hagala.
17
Mai ouka la papaga isahari kama tabuli kokovu mai egite kama ge hiloa, la paga isasa kama tabuli kokovu mai egite kama ge rovia ge gomai tela matagaga.
18
Lolo tigiselea, mai teale isasa ere tahokati, abilouala isahari lou,mai egite ale kama tahoka, mai eia gabutala eia ge abi taroa loio tetala."
19
E tilala me tabarala gomai tetala, egite kama gomai hagavi tetala lavula egite usu sesele.
20
Eia veia gite, "E tilamu me tabaramu magirigiri ogala, poutali eme ge hilomei. "
21
Alamoli e Isus kolia weia gite maie, "E tilagu me tabaragu ere lolo la merera te Deo eia ge igoa. "
22
Lalogo isasa eia sae te boti vikapopo tomi le gite la bilaha, eia veia gite maie, "Etato goio tela pepe la magolilo. "Eiala egite goio.
23
Alamoli egite sel sogala eia ge mavuta. La lolovi isauru guvi oata la magolilo, la uaga tegite volu lalalu, egite ga tilomu.
24
Mai e Isus ' la bilaha gomai tetala egite paloa, veimago, "LaUru!LaUru! etato ga pehoti!" Eia hiliti merataro la lolovi mela lalalu, la lolovi mela lalalu peho, lalalu kamati hiliti.
25
Mulimuli eia veiagite, " La tautau-lailo tamuto oiove?"
Alamoli egite taga egite gabutala papahi, egite tahi egite isasa, "Ale lavaie, amera taro la lolovi mela lalalu, egite lolo la merera tetala?"
26
Egite sel soio la mautu e Gerasa, loio la pepe lalalu oio e Galili.
27
Laimala e Isus toa la magasa, la tahalo isasa oio tela taon alele guvi tetala eia tahoka la kalulu kama kokora. A guvi tabati tetala eia kama kairobo la vovola, mai eia kama mou oilo la luma alamoli oilo la liba.
28
Laimala eia hilo e Isus, eia tali sogala boru mamuga tetala eia tola vagari sesele,"Larova eme ge igoa taku, Isus, Latu Le Deo Oata Sesele? Eiau tahime, eme umala igobara bara eiau."
29
E Isus kumuli la kalulu kama matagaga ge gogala tela tahalo. A tagara usu egite sakitola laimala la sen,eia sagi-mautua la sen eia masaga ge pou oilo la magasa, eia ge sagi mautu la sen eia masaga ge kavou soio la ba ale la valua kama ovola.
30
E Isus tahi eia, " Laisamu ere?"
Eia veia,"Ligen,"egite la kalulu usu oio tetala.
31
Egite la kalulu barabara tataha umala babaha egite soio la lulu la vuhula ouka.
32
La karakara la bolobolo alali oio la pepela gove. La kalulu barabara tatahia ge bahataro egite soilo la bolobolo, eia abia gite la vikara mata gagala.
33
La kalulu barabara gogala tela tahalo eia goio tela bolo,egite hari vagari sotalo la leleme egite tiolmu.
34
Egite la walua ale bomuli la bolo egite hilo la paga guvi, egite hari soio weia gite larova guvi oilo la taon oio la ba ale mave tai.
35
La walua me hatavivile egite gogala hilo la rova guvi, egite gomai te Isus egite pamuli la tahalo ale la kalulu barabara gogala tetala. Eia popu otalo la vaha le Isus, la walua me hatavivile hiloa ; egite taga.
36
Egite ale hiloa weia gite la valua ale tahoka la kalulu barabara egite guvi tigiti.
37
Mulimuli egite la walua me hatavivile tela mautu e Gerasa egite tahi e Isus ge heletaro egite, mai egite hilo larova guvi egite taga. Mai eia goio tela uaga egite pou rivu
38
La tahalo ale tahoka la kalulu barabara heletaro eia tahia ge goio tomi leia, alamoli e Isus baha rivua, weiala maie,
39
"Beuriva soio la mautu taume weia gite la papaga tomi e Deo igoa taume. "La tahalo tuga soio, eia veia gite tomi ale oio la taon larova e Isus igoa tetala.
40
Igoe mai e Isus beuriva, lavalua me hatavivile kaka tavu eia, mai egite tomi potatali eia.
41
Sautola, la tahalo laisala e Jairus,isasa tegite ale mamuga la luma la kilaka, gomai boru la vaha le Isus, eia vei vagariala ge gomai tela luma tetala
42
lavula eia tahoka e latula hatavile, la tavile tahoka la liavala savulusa gete lua, aga pepeho. Laimala e Isus tatuga soio, la karakara la valua me hatavivile vikapopo tomi eia.
43
Igoe la tavile isasa oio la kasoso polopolo la vovola igaga la liavala savulusa gete lua eia pigi tomi la wati , alamoli eia kama tartigi loio tela tahalo isasa.
44
La tavile vulo lotigu te Isus eia pilau moli la pepela kairobo tetala, karutu moli la kasoso kamati saisali
45
E Isus vei maie, "Ere sesele pilau eiau?"
Egite kama veipalea, E Pita wei maie, "Tahalo Uru, la lolo la valua me hatavivile vikapopo tomi le mei egite tutubu tegite lou oio taume tai. "
46
Alamoli e Isus wei maie, Isasa pilau eiau, maie Eiau rovia la wagarigu lomai taku agogalati."
47
Me la tavile rovia eia kama ge tarikokovu, eia gomai la vovola pariri eia boru mamuga tetala. Oilo la kalulu bibila tegite la walua me hatavivile eia veipala larova guvi tetala eia pilau eia ala mai aia karutu moli eia tartigi.
48
Mulimuli eia veia la tavile, "La tavile, la tautau-lailo taume moli igotigi eme. goio vikapopo la tia madidi la. "
49
Laimala eia solo vigagia, la mulugaluga la luma la kilaka isasa loio, veimaie, "E latum hatavle a pehoti. Umala abiala tahalo uruele la tikumula. "
50
Alamoli laimala e Isus loloa maie, eia kolia le Jarius,"Umala tataga;eme tautau-lailo, la tavile ge mahuli. "
51
Laimala eia gomai la luma, eia kama masaga isasa ge tiroro tomi leia, eia puli e Pita e Jon e Jems, me tamala me tilale guliki bisiele.
52
Igoe egite la walua me hatavivile tomi gomai guviti la luma, alamoli eia veia, "Umala taitali;la tavile kama peho eia mavuta."
53
Alamoli egite lege leia, egite rovia maie latavile pehoti.
54
Alamoli eia sautola la limala tavile eia tolea, wei maie, "Guliki, hiliti soata!"
55
La kalulu la tavile beuriva, mela tavile igoharimoli eia hiliti soata . Aia weia gite ge abiala lailali ge ali.
56
E tamala me tilale guliki bisiele egira karutu sele, alamoli eia vei vagaria gite umala weiale isasa mai larova guvi.