¹ Eiau e Jut, labilalaha te Isus Krais me tabaragu e Jems,masagala oilo te la Uru e tamagatou, taua oilo te Iesus Kraist. ² La tia gogorila me la tia maigila vikapopo la masagala ge usu soio tamuto. ³ Masasagala tabaragu, igogolu vagari la kilesi soio taume te la mahuli gato, eiau kekesi soio tamuto ge hivagari la ilo muto ale La Uru gato abia gatou. ⁴ A matagaga mae la valalua isahari logala gomai kokovu kabili taume. E gite lavalua ale kama tahoka la tautau la ilo soio te Isus. Egite la valalua ale ka rovi e Isus oio tai egite ka tahoka la gabutatala le Isus oio te gite me e gite ka abi e Isus oio la mahuli gite. ⁵ Igoe e iau veiage abi amu la gabutala- oilo ovola isasa eme rovi tatahoa mae la Uru imahuli egite lavalalua ogala la magasa le Isip, ala mulimuli moli ovola abili egite ale ka tautailailo. ⁶ Oata ovola e angelo tai ka pou oio la muli gite ale la Uru taua, egite hele taro la mulimuli gite ale la Uru tau egite ovola- la Uru kilisi egite, me eia tau egite oio la maligoma, tela ilapumatala te lalogo ale mulimuli. ⁷ Mae moli e Sodom me Gomora me la maututu ale ovola abi egiteu lou soilo la vulovulo la masagala vovo ale ka tartigi. Egite tau lou egite soilo la iruru ale mulimuli la kalivula ge ouka. ⁸ Ala oilo la vulovulo la ale visauru, la ilovila ale tela vovo ale ka tartigi. Egite kama lolo la merera, egite vikara barabara soio te giteu e angelo ale oata la mori. ⁹ Ala moli e Maikel la mulugaluga le egite angelo, eia vikara totolo tomi le satan te la vovo le Moses, aka pigi bara la merera soi te satan.Avei moli ala mae,''Me La Uru ge gusi eme'' ¹⁰ Ala moli egite la valalua mera bara la vuta egite kama rovi, egite mai la baibasi ale la gabutatala gite ouka, ala la papaga hipou bara egite. ¹¹ Egite ge igo tigi! Egite tilimuli la puli le Keinoio tai egite tilimuli e Balam te la wati. Egite kama lolo la Uru,mala egite mae e kora, te la vulovulo ale egit galo. ¹² Egite la valalua ale egite mae la sakalu oio la mago ale gasi lobe la waga. Egite la valua ale valilobelobe la vikokuela tegatou. La mahela gite ouka, mae egite ge ali gabutatala egite lou.Egite mae la mori ale kumu bubu moli me la lolovi ale bole iti soio. Egite mai la obobu ale ka vavua-ale peho tagara ilua,ale egite lusia. ¹³ Egite mai la mago ale tarobirobi uru sesele, tili muli la vulovulo giteu, me la mahela gite guvi papala mai la mago ale karere. E gite mai la matatabu ale kama tilimuli la gauru giteu. E Deo raragiti la muli giteu ale maligoma sesele, tegite alele ge goio ge pou ovola la imamala bibibi. ¹⁴ E Enokeia la ivitula tahalo ale mulimuli te Adam,me eia pigi la merera la kalulu mae''eiau hilo la Uru vikapopo egiteu e angelo usu sesele.'' ¹⁵ Eia gomai ge hatemamasi tavu egite me age tau egite te la merera al iruru.Eia masaga ge igo egite lavalalua kama ge tau lailo tetalage rovi la iruru egite igoa.Me egite la valua la iruru sahari la Uru masaga ge igo egite ge gabu sesele la iligi tela gililo egite igoa soio te tala'' ¹⁶ Egitela valalua egite kama rovi la tia titigila,me mera galolo la imamala tomi.Me egite lou tilimuli la masagala ale kama kokora tegite lou.Me egite mera baololi tegite la valalua ge tilimuli la masagala te gite lou ¹⁷ Ala moli amuto tomi e tabarabaragu,amuto ge gabutala la merera te gite la bilalaha te Uru tegato e Isus Krais,apue taroa. ¹⁸ Egite vei amuto mae,tela kaluvuluvu la magasa,egite la valua la mera pakasa ge gomai,me egite ge poke tavu la Uru me mulimuli ge tilimuli la masaga gite ale kama tartigi,tegite lou. ¹⁹ Egite lavalalua alele egite rovi la pulutu la luma la merera.Egite tilimulimuli la gabutatala gite lavalua tela magasa moli,eala la Kalulu tela tahalo uru kama oio tegiteu. ²⁰ Ala amuto e tabarabaragu,la imamala tomi amuto ge tau la ilomutou vagari soio te la Uru me pou oilo la Kalulu me eiage koli amuto te la kilaka. ²¹ Mae amuto ge pou oilo la masagala te la Uru te la imamala tomi;me la imamala tomi amuto ge pou tali la tia gogorila te la Uru tegato e Isus Krais me eia ge abia gato la mahulila ale tabuli tataho la imamala tomi. ²² Amuto ge tau la tia gogorila soio te lavalua ale la tautailailo tegite kama vagari. ²³ Amuto ge koli egiteu ale sapolo mae egite kama ge goio lahavi ale kama kokora la imamala tomi.Amuto ge tahoka la tilaga me la tia gogrilasesele soio te gite sahari,me amuto ge pou malau tegiteu lavalalua ale igigo la vulovulola ale mumugu visauru veisauru maela kilalai tegite tai ale mumugu bara. ²⁴ La Uru koramuli ge boumuli tataho amuto me amuto kama ge boru,me eia koramuli ge vahari amuto soio la mautu tetala,me amuto ge ouka la iruru,me amuto ge tahoka la sagegela ale sesele. ²⁵ Me eia isa moli la Uru.Eia koli e tato tomi oilo te Isus Krais,la Uru tegatou.Eia marasa,eia boumuli la papaga tomoli.Laisala uru me la vagarila tomi tetala.Eia pou pala me eia pou igoe me age pou visauru moli mae la imala bibi tomoli..Asesele.