¹ Pol, eiau la bilalaha te Iesu oio la masasaga te Deo eia lou Turi eiau vikakapopo tomi e tabaragu e Timoti, ² Amila kekesi la merera ale soio tamuto la valalua me hatavivile te Deo oilo lamautu e Kolosi. Amiteu e tabarabara me hatavivile muto tautailailo oilo te Iesu e Deo e tamagatou ge gogo amutou ge igo maigila tia muto ge tabuli malilo. ³ A mite vei tataho e tama gato e Deo me tabaragato e Iesus Christ te la imamala tomi amite kakaka tamutou. ⁴ Amite lolo la tautailailo tamutou oilo te Iesu me la masasagala amuto tahokea Soio te la valalua me hatavivile ale Deo turitia. ⁵ Ala te la vulovulo alele amuto tahoka lagabutatala ale vagari te la rova e Deo viguvitia tamuto oilo lalage. Amuto lolo tia mae te la silokolo lalogo isa oilo la gabutatala ale vagari ge rovi la vuvulo la gilogo te Deo oilo la merera seselela. ⁶ Ale a sibitala oio tamuto, la merera ale a viguvi la ilalila me a guvi uru oilo lababa tomi otalo lamagasa mai moli amuto tai, te lalogo ale igoe amuto loloa me amuto gomai rovi lagilogo te Deo me la merera la seselela . ⁷ Ale la merera amuto veimarila loio te Epafras, eia isa la bilalaha ale tartigi tegatou, eia isa la bilalaha ale tautailola oilo te Iesu. Eia vaisuli amite te la igo tataho la igogolu te Iesu soi tamuto. ⁸ Epafras vei amila la masasaga ale sesele egiteu lavalalua me hatavivile oilo te la kalulu. ⁹ La imamala ale amite lolo la merera lavulovulo la masasaga tamuto, amite kama maila te la kilaka soio te la Tahalo Uru ge koli amuto ge rovi tataho la masasaga te tala. Mai alele amuto ge volu sesele la mari me la matagaga tomi la Kalulu la Tahalo Uru. ¹⁰ Me amite ge kaka mai la tulugaluga oilo la vulovulo egiteu la valua me hatavivile sesele te la Uru ale ge masasaga tomi la vulovulo muto tomi mae amuto ge igo la igogolu ale tartigi. Me amuto ge rovi la Tahalo Uru me la imamala tomi la irovi la alege guvi uru sesele. ¹¹ Amite kaka maie la Tahalo Uru ge abi la vagari ale uru soio tamuto, amuto ge koramuli ge magiri vagari ge bole la tikukumula tomi, mai amuto ge poukeke ge pou tali la tikukumula ge kalivu tio amuto ge sagege. ¹² Amite kaka maie lapagage guvi maiele me amuto ge sagege ge vei tataho soio te la Uru eia igo tatahoti e tato ge tilimuli la vulovulo ale tartigi kora muli amuto ege abi la papaga ale tartigi tamuto. Me amuto ge abi vikapopo tomi la valalua me hatavivile te la Tahalo Uru, egiteu la valalua me hatavivile te tala ale pou tela matagaga. ¹³ E tatou pala pou lotalo la vagari la maligoma ala moli eia abi rivu e tato gomai eai vipou e tato soio te la karakara te Latula, E latula ale eia masasaga seselela. ¹⁴ E latu la uru abi rivu e tato me eia lube etato loio la kilisi. ¹⁵ E latu la uru eia la Kalulu la Tahalo Uru e tatou kama koramulia ge hiloa te la matagatou, eia la silokoloko la papaga tomi ale la Tahalo Uru viguvia. ¹⁶ Oio te gala lapagaga tomi guvi, ale la papaga tomi oata lalage me otalo la magasa, lapaga ale tato ge hiloa me la papaga ale tato kakoramuli ge hiloa. Eia viguvi la papaga tomi alele te tala. vahula egiteu King me lamulugaluga me e Gamaman me egiteu la tahalo uru. ¹⁷ Eia guvi mamuga la papaga tomi me oio te tala, lapapaga tomi tabago oilo te tala. ¹⁸ La lotu eia la vovo le Kraist mai tai e Kraist eia lagama la lotu eia la vuhu la lotu mai tai eia la tahalo ale hiliti mamuga la pileleho ale eia abi mamuga la muli oata la papaga tomi. ¹⁹ Lapagaga ale guvi la Tahalo Uru sagege me gabutatala mae la mahulila tomi tetala ge mou oilo te Latula. ²⁰ Me oilo te latula, eia ge viguvi lapagaga tomi vikapopo tomi le eia. Latahalo Uru viguvi la imamala ale eia viguvi la tia malilola vikapopo tomi la kasoso le latula oata la tovolautu, lapapaga tomi ale oata la lage me otalo lamagasa age ouka. ²¹ Me amuto tai, la imamala isa amuto mou malau te la tahalo uru mai la gima te tala oilo tela gabutatala me lavuvulo ale kama tartigi tegatou. ²² Ala moli igoe la Tahalo Uru viguvi la tia maigi la oilo la pileleho le Latula, eia igo a mae tegatou ge maramara,la iruru ge oukati mai isahari kati koramuli ge igo bara amutou tela lalagu la Tahalo Uru. ²³ Mai amuto ge tuga malau te latautailailo, mege tigi la luma tamuto oata te la magasa ale vagari me amuto ge magiri totora, la tautailailo tamutou umala piligiligia la gabutatala ale vagari amuto tahokea oilo te la Tahalo Uru,mai amuto lolotia mae lavikararala me amuto mai lapagaga tomi la Tahalo Uru viguvi lotalo la huluva la lalage, te lavalolola ale, eiau e Pol, guvi mae labilaha te la Tahalo Uru. ²⁴ Igoe Pol, eiau sagege sesele te la bulele la tikukumula tamutou me la vovogu tikumu tomi. Vikapopo tomi la tikukumula e Kraist bolea oilo la vovola lou. ²⁵ Eiau guvi mae labilaha te la lotu ge tilimuli lava la igogolu la Tahalo Uru abi agu ge igoa ge koli amuto ge vagari lou la merera te la uru. ²⁶ La merera ale tabuli kokovu,a tabuli kokovu araurati me egiteu la karakara te tubu le latugatou, ala moli la merera ale a guvi palati te la karakara te tala ale guvi maramara oio lamatala. ²⁷ Mae lakarakara ale la Tahalo Uru masasaga ge igo e tato ge rovi larova ale tartigi egiteu tomi lavalalua me hatavivile oio la ba tomi, ala e Iesu eia mou vikapopo tomi amuto me la gabutatalala ale vagari mai e Iesu eia uru me amuto ge abi la papaga ale tartigi oilo te lalage. ²⁸ Ale eme ere amite ge valolo a, amite valolo la merera la seselela soio tegite la valalua me hatavivile me amite veimari usu egite mae egite rovia mae amite ge abi egite somai lalagu la Tahalo Uru egite ge maramara oilo te Iesu. ²⁹ Eiau igogolu vagari sesele lavuta e Kraist abi agu la vagarila.