1
La imamala amite tuga taro egite amite seli tio, amite sele soio la siti e Kos, me lalogo mulimuli amite goio la siti e Rods,nmulimuli ovola amite goio e Patara.
2
La imamala amite poga e sipi ale goio e Foenisia, amite sae soata goio seli tio.
3
Mulimuli amite ilo moli e Saiprus, loio la pepe le boti e meru, amite seli soio Siria me amite poru oio e Taia, oiole e sipi vipurusu isahari la papaga.
4
Mulimuli amite poga egite disaipel, amite pou oio lalogo ivitu. Loio te la Kalulu egite tutu tola e Pol umala ge goio e Jerusalem.
5
La imamala la logo la pololou oio kaluvu, amite tuga polo soio la baha isasa, goio egite tomi me e ruturutu gite me e latatu gite, vahari amite sogala la siti. Goio amite toto tulu otalo la parava, kaka,
6
me amite tataro egite isasa. Goio amite sae te sipi,me amite beu rivua soio la mautu.
7
La imamala amite vikaluvu la tulugaluga loio e Taia,,amite guvi oio e Polemais. Oio le amite vei tatao egite tabarabara mite me amite pou oio la logo isasa.
8
La logo isa mulimuli amite tuga soio e Kaesarea. Amite goio la luma te Pilip, eia e evengelis, eia isa tegite la tahalo ivitu, amite pou vikapopo eia.
9
La tahalo aleie taola ivaha e latula ale hatavivile souka taulai egita vagogalgala la merera te Uru.
10
Amite pou oio lalogo isahari, la tahalo Judea eia isa profet loio tatuga somai la isala e Agabus.
11
Eia gomai tamite abitaro la kilisilisi la kairobo te Pol. Eia kisi la vahala me la limala goio eia vei mago, "La kalulu Maroka veia, Egite Jius ale oilo e Jerusalem ge kisitola la tahalo la kilisilisi la kairobe tela maleie, me egite ge tau eia soio te la lima gite Gentails.'''
12
La imamala amite loloa maie, amite me egite la valalua ale momou la mautu alele vei sukuale Pol umala ge goio e Jerusalem.
13
Goio e Pol vibaolia gite mago, "Amuto igiglo lavale, taitali ge igo gori la tiagu? Eau raragi,,ka tela kisitola moli, tela pileo tai oilo e Jerusalem tela isale Uru e Isus."
14
Alamoli e Pol kama koramuli ge lolo amite, amite pou makovu moli me goio amite vei mago, "Maimoli la masasagala te Uru ge guvi."
15
Mulimuli la logo alele, amite abi la beki tamite me amite goata e Jerusalem.
16
Egite disaipel isahari tai ale loio e Kaeseria tuga vikapopo amite. Egite puli vikapopo egite la tahalo isa la isala e Mnason, eia loio e Saiprus, pala eia e disaipel,,ale amite mou vikapopo.
17
La imamala amite guvi oio e Jerusalem, egite tabarabara mite sagege sesele kaka tavu amite.
18
La logo mulimuli e Pol tuga vikapopo amite soio te Jeims, me agite ururu oio tomi.
19
La imamala eia kavukoki agite, eia vipala gite tomi isasa la papaga ale e Deo igotia kabili tegite Gentaels oio la tilola tetala.
20
La imamala egite loloa, egite vaisale e Deo, me egite veiala mago, "Eme iloa, tabaragu, la tausen irivati tautaulailo ti kabili tegite Jius. Egite tomi tauti la gabutatalala uru ge sautola la tuturimulila.
21
Egaite veipala tiagite emei, mae eme vimari egite tomi e Jius ale momou kabili tegite Gentaels ge hele taro e Moses, maie eme veia gite kama ge koro la vovo gite bisis atamalele, me egite kama ge tilimuli la vulovulo gite ururu pala.
22
Etato ge igo lava? Egite lolotia mae eme guviti omai.
23
Ala igo lava amite veveiamu. Amite tahola ivaha la valua ale vikara matagagati.
24
Abi egite la valua alele me vimaroka eme lou vikapopo egite, loto agite la rovarova tegite, mae egite ge sisi taro la gama gite. Mae egite tomi ge rovia mae la merera tomi eme veitia gite aka sesele. Egite lolovulai mae eme tai tilimulimuli la tuturimulila.
25
Ala tilimuli la gabutata gite Gentails ale tautaulailo, amite kekesi me abia gite la merera mae egite umala ge abi la papaga ale abitia gite la puigolo, loio la kasoso, loio larova eme ilovitia ka."
26
Mulimuli e Pol puli egite la tahaloalo ale, me la logo mulimuli eia vimaroka eia, lou vikapopo egite. Mulimuli egite goilo la,luma la lotu, vei pala erese la imamala la logo la vimarokala ge sibitala me la vabila ge abiagite isasa.
27
La imamala la logo ivitu ge agagavi ge kaluvu, egite Jius ale loio e Eisia, iloti e Pol oilo la luma la lotu, vailiti la tia gite la valalua tomi me egite tau la lima gite oata tetala.
28
Egite tatola mago, "Valalua Israel, la valua tomi oio la babaha tomi la mererea ale magiri robo la valalua, la tuturimulila, me la mautu aleie. Loio tai ovola, eia puli tai egite Grik soilo la luma la lotu me eia igobarati la ba tabou.
29
Ala mamugati egite ilo Trofimus la tahalo e Efesia vikapopo le eia oilo la siti, me egite gabutala e Pol pulia soilo la luma la lotu.
30
Egite la valua la siti sagege, me egite hari vikapopo sautola te Pol. Egite lapu kararavea sogala la luma la lotu, me la mata tomi kapi loio moli ovola.
31
La imamala egite veage bilia, la merera sibitala te la mulugaluga te cepten la totorobola mae la valalua Jerusalem la mareregola uru sesele.
32
Loio moli ovola eai puli egite soldia me la mulugaluga tomi hari sotalo tegite la voluvolu la valalua. La imamala egite la valalua ilo la mulugaluga tegite soldia ale soatata vikapopo egite soldia, egite maila la kulue le Pol.
33
mulimuli la mulugaluga tegite soldia ale soata goio sautola e Pol, me eia vei sukuala ge sikitolea ilua la cein. Goio eia taia mae ale ere me eia igo lava.
34
Egite isahari kabili tegite tatola isa la meremera me egite isahari lou tola polopolo la merera sapolo. Goio la mulugaluga le soldia kama vei isa la merera telava la mareregola, eia tau la merera soio te Pol egite ge pulia soio la luma la totorobola,
35
La imamala eia goio la leta, egite soldia pulia lavuhula egite la voluvolu la valalua la mererego.
36
Goio la voluvolu moli la valalua tilimulia lotigu tola susuku moli oata, "Puli galea!"
37
La imamala egite puli e Pol soilo la luma la totorobola, eia veiale la mulugaluga tegite soldia mago, "Eau karamuli ge veiamu isa merera?"
La mulugaluga tai mago, "Eme vikarakara tai e Grik?
38
Eme kama lou e tau Egip ale sosoko la vikokuela la logo ale tuga tio me eme muga tavu egite la valalua la tausen ivaha ale 'Bilibili; soio la kuepa?
39
E Pol vei mago, "Eau e tau Jiu, loio la siti le Tasus oilo e Silisia, Eau la tahalo la siti ale sapolo. Eau kaka tavume, abiagu la imamala ge vigia soio tegita la valalua."
40
La imamala la mulugaluga le soldia abiala la muli, e Pol magiri oio la leta me eia veipala vikapopo la limala soio tegite la valalua, La imamala la tasi makovu sesele, eia vigia soio tegite la vigiale Hibru. Eia vei mago,