1
La imala ale e Pita me Jon meramera soio te gite la valalua me hatavile,egite la mulugaluga la luma la lotu vikapopo me egite la valua la mari sibitala tavu egite.
2
Egite gabutala pahi sele la vuhula e Pita me Jon vimarimari la valalua me hatavila me egira veveia gite la hiliti rivula loio la pileho oilo te Isus.
3
Egite sautola e gira tau egira oilo la kilisi hagolo maga la kavkoki,lavuhula la paga lapuroboti.
4
Alamoli egite usu lolo la merera alele egite tautau lailo,me la karakara la valua ale tautaulailole egite la salatu savulu lima.
5
Goio la logo isa polo goma egite la mulugaluga,egite la valua ururu,me egite la valua la mari vikapopo oilo e Jerusalem.
6
E Anas la mulugaluga tegite e paraseo oio la ba alele,e kaiapas,e Jon,e Alexenda,me egite la karakarategiteu la mulugaluga tegiteu e paraseo.
7
La imala ale egite vipou e pita me Jon kabili tegite,egite tahi egira mago,''Oio te erese la vagargarila,o oio te erese la isa ,amula igo la paga aleie?''
8
Goio e Pita,volu me la kalulu la marokala,a veia gite mago,''Amuto la mulugaluga tegite la valua me hatavile,me amuto la valua ururu,
9
Mae amuto matamuli ti la paga ale tartigi guvi soio te la tahalo ale lea igoie,me la gauru ale mave la tahalo ale mahuli,
10
Amuto la valalua tomi me egite la valalua e Israel ge rovia mae la tahalo ale magiri marara tela lalagu mutoue a tela isale Isus kraest le Naseret, ale amuto lilia oata la tauvautu,alamoli e Deo vahiliti rivu loua loio tela pileho.
11
E Isus kraest eia la uati ale amuto la valua la tilighi la luma mukupilea alamoli la uru visibitalea mae la gama uati pepea.
12
La mahulila ale sele oukatilou oio tela tahalo isalou, Me otalo la uluva ilo lalage la isa isa oukatilou kabili tela valua viage e tatoge mahuli oio vola."
13
La imala egite hilo la igo totola te Pita me Jon egite tai rovia mae egira la tahalo bubu moli, egira kama la tahalo la mari, egite karutu sele, alamoli egite rovia mae egira tai vikapopo me Isus.
14
La vuhula egite hilo la tahalo ale mahuli ti la ilea oio magiri tomi le egira,egite kati tahoka isa la merera ge mera robo la paga alele.
15
Alamoli la imala egite mera vagari tia gite la Aposel ge hiliti taro la pulou vikapola tela kaonsel egite meramera lou kabili tegiteu.
16
Egite vei mago, etatoge igo la tahalo ilua mave? la seselela tela mirakulo uru egira igoa la valalua tomi ale mou oilo e Jerusalem rovi tia; e tatoge tahi taroa mave?
17
La gauru moli ale ge magiri robola merera ale kage bubura soio tela valua, e tatoge merataga egira katilouge veiala tahalo isalou tela isa alele,"
18
Goio egite tola egira soilo mera vagaria gira via egira umalati ge valolo ouka ge vimarimari lou isa la tahalo tela isale Isus.
19
Alamoli e Pita me Jon kolia gite mago,"Mave atartigi tela mata le Deo ge lolo amuto ouka ge lolo eia,amuto ale pou la ilapumtatala.
20
Amite kama koramuli ge maila la merera tela papaga ale amite hiloa me ale tai amite loloa."
21
Mulmuli tela mera tagala tomi soio te Pita me Jon egite bahataro egira tuga.egite kama matapoga isa la iriru viage viligi egira,la vuhula valua me hatavile tomi oio vaisale e Deo tela rova sibitalati.
22
La tahalo ale abi la mirakulo tetala la leavala tetala savulu va gegete.
23
Mulmuli teale egite vimaramara ti egira, e Pita me Jon beua soio tegite la valalua tegira goio vei tomia gite la rova egite la mulugaluga tegite Paraseo veitia gira.
24
La imala egite lola,egite vagoata la golu gite oilo tela gabutala isamoli soio te Deo egite vei mago,"Uru eme vipou la mori mela magasa la mago, me la papaga tomi ale oilo vola.
25
Eme vigagia oilo tela kalulu maroka oio tela hare la tahalo la igolula taume,e tamamiteu e Devit, 'ilava egiteue valua e Gentael igo tolo, me egite la valalua gabutala la papaga ale kama korakora?'
26
Eme veia,egiteue king la magasa vikapopo lou egiteu,me egite la mulugaluga vikapopo ge magiri robo la uru,me ge magiri robo e kraest tetala.'
27
Oilo vola,e Herod me pontius paelat, vikapopo me egiteue Gentael me egite la valua e Israel,guvi vikapopo oilo la siti ge magiri robo la tahalo la igolula ale maroka e Isus,ale eme abiri ti leia la ueli malivili,
28
Egite vikapopo tomi ge igo la rova la limamu mela gabutalamu igo tia mamuga viage sibitala.
29
Male,Uru, matavu la mera tagala tegiteue emege abia la tahalola igolula taume la vagari ge valolo la merera taume.
30
Vituri la limamu la vimahulila sogala visibitala la irovilala tela vagarimu oilo tela isala la tahalo la igolula taume e Isus."
31
Mulmuli tela kilaka tegiteu,La ba ale egite vikapopo ovola malugu tio,me egite tomi volu me la kalulu maroka egite abila vagarila goio egite valolo la merera te Deo
32
La giligi gite ale tautaulailo uru esle me la hate gite mela kalulu gite isa moli,oilo tegite isa kama veia la gogolu tetala eia tetala moli,la paga tomi tegite a tegite tomi.
33
Egite Aposel valolo la merera te uru me la vagrigari la ale uru sele tela hiliti rivu la te uru e Isus, me la gilogo uru sele oata tegite tomi.
34
Kabili tegiteu la tahalo isa kama pou la savelela,egite ale tahoka la magasa mela luma egite bahea tomia egite abi la uatila vitau kapopoa.
35
Egite abi tomia goio taua otalo la vaha gite la Aposel,tio egite goio vilele le egite karamuli la savelela tegiteu isasa.
36
E Josep,egitela Aposel toila isa kovula e Barnabas(la masova mae e latu la tutu tolala),E livai, eia la tau Siprus,
37
Eia baha la magasa tetala me eia abila mapala goio taua otalo la vaha gite Aposel,