¹ Eiau la mulugaluga e Jon kekesi la merera goio te tabaragu sesele e Gaius, ere eiau masaga seselea. ² Taratigi tabaragu, eiau kaka mae eme ge poutigi tela papaga tomi me eme kama ge lea me la kalulu taume ge tabuli tigi. ³ Eiau sagege sesele, laimamala e tabarabaragu gomai veipala la vulovulomu ale matata, amai eme tuga la vulovulo ale matata. ⁴ Lasagegela taku kama vikapopo mae la sagegela ale sapolo, la imamala eiau lolo e latatugu tuga oilo la vulovulo la seselela. ⁵ Taritigi tabaragu,eme tau la tiamu sesele la igogolu eme igoa kabili te tabaramu vikapopo le egite ale sapolo tai, ⁶ ere mite veipala la vulovulomu ale taritigi ge masaga egite ale oilo la sios. Emei igotigi la vulovulo ale taritigi sesele ge baha egite ge tilimuli la gauru e God masagea, ⁷ La vula ilava, egite gogala te la isa la Uru, me egite kama abi isasa la paga tegite la valalua me hatavivile kama egiteu e Juda. ⁸ Mai e tato ge igo la vulovulo soio te la valalua me hatavivile, mai e tato ge koramuli ge pou mai la tahalo la igogolu te la vikarala seselela. ⁹ Eiau kekesi la merera soio te la valalua me hatavivile oio la sios, alamoli e Diotrepas, eia la tahalo ale masaga ge magiri mamuga tegite, eia kama puli amite. ¹⁰ Mai eiau ge gomai, eiau ge mata tigi la vulovulo la tomi ale eia igigoa, mai la vulovulo la mera barala eia igigoa mite. Eia kama maru la vulovulola eia igigoa, ala mae eia kama puli e gite tabarabara ge igo tigi egite. Me oio tamai eia vikara robo egite ale masaga ge puli egite, me abi taro egite loio la sios. ¹¹ Taritigi tabaragu, eme umala ge tilimuli la vulovulo ale kama taritigi, ala moli eme ge tilimuli la vulovulo ale taritigi; Latahalo ale rovi la vulovulo ale taritigi, eia te God. la tahalo ale rovi la vulovulo ale kama tartigi, eia kama rovi e God. ¹² Demetrius eia guvi mae la witnes soio te gite tomomoli mea la seselela lou. E tatou guvi mea witnes tai, ala e tato rovia la vulvul gato a sesele ¹³ Eiau tahoka usu lapapaga ge kekesia soio taume, ala moli eiau kama masaga ge kekesi tomi la papaga oilo te la pas. ¹⁴ Alamoli eiau masaga ge hilo moli eme soio moli e, eiau masaga ge hilo la lagumu me eiau ge meramera vikapopo tomi le emei. ¹⁵ La tia maigila tela Uru ge vikapopo le emei. E tabarabaragu baha la haro soio taume. Baha la haro taku soio te tabarabara gatou isasasa tai.