¹ E gei, eme ale taola lamamia paisele, gabutala tao lamia bugugu ge subitala olala lemu. ² Lamamia tamutou ele a mavuluti, lakairobo tamutou ele ekusuke ututia. ³ lagoul lasilva tamutou a rositi age vipala lavovulole mutou. A ge gutu emutou mege lavi, laimala boviti lamamia tomi ge kaluvu ale emutou vikapopoa. ⁴ Eme iloa, esou lavalua ovo lilali oare louma eme vigogolo esou, eme tukovu lapu lilotole sou, liloto le souele eme tauge lapu, a tola soata se Deo age kolirivu lavovulole emutou bugugu ele.Latilola tesou ale igogugolu oarele lauru lotia. ⁵ Lararo tomi emutou pou otalo lamagasa emutou ababi lamamia kakora, timage emutou momoge moli ele. E mutou aliti aliti lakabibilile mutou rogoti laimala lapileo tamutou subitalati. ⁶ Emutou kotiti tesou lavalua kakora emutou biliti e sou, esou koli rivu balo lavikuela tamutou. ⁷ Timage, titasigu, emutou vivagari latiale emuto ele tela bulela tikumula, ge poutali e lauru ge beurivua. Emutou rovia latalo taola louma age poutali louma ge matua, age pou moli putarea lousa, laro ge vivagaria, to eia ge ovotia. ⁸ Emutou, lou, pou tao vivagari latiale mutou ele lavula labileula te lauru boviti. ⁹ Emutou mala vei bugu e tavile mutou i tasa, lavula esou ge vei bugu balo eme, Iloa, e jas mariti oama lamatala luma. ¹⁰ Titasigu lolo somai, esou e profet elaisao esou valolo lavikarala te lauru. ¹¹ Lolo e tatu vivei megei, esou ale latiale esou vagari esou ge momoge sele, Emutou loloti lagelemuli le Jop, a vagari moli labulela tikumula ale gomai sela, emutou rovia lauru igo gumuma etatou a tiamuli e tatou. ¹² Titasigu, lamia uru sele, timage emutou geigoa balo, emutou toi mala lisala mori la magasa wa vei sele oata. Mage emutou ge vaisele '' yale a sele'' mage ''balo'' a '' balo'' lavula eme ge pasu balo lajasmen. ¹³ Mage isa olale mutou ge bole latikumula? age kaka se lauru. Mage latiale asa ge moge? age bau bole sai lisale a uru. ¹⁴ Mage isa olale mutou gesara? age tola esou lamulaluga lalotu, lavula esou ge kaka talia. Oilo lisa lauru esou ge tau laweli oata lela. ¹⁵ La kilaka lavagarila age vimuli latalo la sirara, lauru ge sukua soata. Mage age igo lapekato e Deo ge tiamulia. ¹⁶ Vipala lapekato tamuele sesou sari kaka tarsou lavula eme ge kora. Esou latalo kora gekaka lakilaka tarsou ele age vagari age malamulia. ¹⁷ Elija latalo mage moli etatou, lamoli a kaka vagari sele se Deo mage lousa ge pu balo kara laliavala i tolu latabulamale iwolo. ¹⁸ Gomai Elija kaka lou lousa mogoata lamori pu, otalo lamagasa laobobu tomi vualau. ¹⁹ Titasigu, mege isa lemutou ge eletaso lavikarala laseselela, mege easa ge vasi rivua. ²⁰ Latalo yale a igo lavovulola kora, emutou gabutala tao lavikarala yale, latalo isage abi rivu latalo lapekato itasa mogoama lavovulola yale amege abi rivua mogoama lapileo, latalo yale abi rivu lalula, lavovulola yale Deo ge abi taso lapekato tamu uru sele.