¹ Eau e Jems, la samura te Deo tomi e Esus Kristus, eau kekesi la pas soama sela martatila savulsa lagela ilua oilo e Israil aba tomi omai la magasa, eau abi laro semutou tomoli. ² Tatuagu, mutou ge momoge laimala tomi laimala emutou tupapora la utukumula. ³ Emutou ge rovia mege la tilovo eale age igo la bilip tamutou age vagari. ⁴ Emutou mariri vagari ge bole la utukumula, mutou ge vagari sele, mutou kora muli sele balo ge pamulia la golu tasa oilo le Deo. ⁵ Mege isa omai le mutou masaga la gabutala kakora, eia ge sage e Deo. Deo ge abi la papaga papai sela eia koramuli balo ge vikara papai la gol tasa laimala la talo sa sagea. ⁶ Mage la talo itasa ge sage Deo eia ge bilip vagari sele eia lou ge tiabugu balo la paga itasa. Mege la talo isa tiabugu amege la mago sukuiti la lolovi vai tasoa goama gomai. ⁷ La talo eale karamuli balo ge gabutala mege age abi la golu tasa oama la uru. ⁸ La talo magagele ataola la gabutala ilua, atilimumuli balo la vikakarala eia igigoa. ⁹ Esou la valalua bilip esou pou rabisi esou ge momoge, omai la lulagule Deo esou taola la lisa uru. ¹⁰ La talo taola la papaga papai age momoge laimala e Deo ge tau sele lisa la stalo, telava, la papaga tomi talia ge kaluvu age peo mege la purpuru. ¹¹ Laro apaga matomo abili peo la garirasi la sesela pasu, la papaga kakora tomi akaluvu. Mege moli e moni man ge peo taso tomi la papaga talia. ¹² E Deo abi la vagarila se esi la talo amariri vagari oilo la tilovo. Laimala eia mariri vagari, age abi la maulila akokora sele e Deo a sakisobo tia ge abia se sou la valua esi masaga sele eia. ¹³ Laimala la tilovo isa subitala omai la talo itasa eia koramuli balo ge vikara, "E Deo atovo e eau,"telava e Deo igo balo la vovulola bugu, eia totovo balo la valalua ge igo la vovulola bugu. ¹⁴ Alamoli la masagala bugu tela tiale esou la valalua itatasa a tovo ririvu lou esou, lapu rivu lou esou ge goama ge vigogolo lou esou. ¹⁵ Laimala la masagala bugu tela tia asubitala uru, aigo la pekato, laimala la pekato subitala uru, la pileo subitala. ¹⁶ Emutou mala roromumuli la talo itasa ge vigogolo mutou, titasigu kakora. ¹⁷ La presen tomi kakora mogoama le Deo. La presen eale agotaloi tela Tamala lait. E Deo a vovulo balo mege lalum subitatala age kaluvu bulau. ¹⁸ E Deo makiti etatou ge abi la mulila kokora laimala tatou bilip la vikakarala sele talia, mege tatou ge subitala mege lulatu vimuga tela papaga tomi eia igoa. ¹⁹ Emutou ge rovia la papaga eai, tatuagu kakora, la valalua tomi ge lolo tatao la vikarala, esou ge lolo moli balo la vikakarala, esou ge atemamasi ari mala. ²⁰ Telava la talo la atemamasila mutou koramuli balo ge igo la paga sa kokora e Deo masagea emutou ge igoa. ²¹ Megele mutou tautaso tomi la vovulole mutou bugugu lulau ele tela pekato. Emutou tau emutou stalo mutou abi la vikarala te Deo eia taua oilo la tiale mutou, eale age koramuli ge koli emutou. ²² Emutou tilimuli la vikakarala te Deo mala lolo moli la vikakarala, mege mutou lolo molia emutou vigogolo rivu lou e mutou. ²³ Mage la talo itasa lolo moli la vikakarala eia tilimuli balo, eia mege la talo ilo ririvu lulagula oama la mira. ²⁴ La talo eale a ilo tatao rivu lou eia mavulila eia goama gabtasoa la lulagulale. ²⁵ Mege ia talo matamumuli tatao la vovulola kokora esou rovi lava la talo atuga bulauti mege eia oama igo loua eia lolo balo agabtaso tia, e Deo ge blesim eia lava eia igoa. ²⁶ Mege la talo itasa agabutala mege eia la talo lilotu alamoli eia ilomuli tatao balo lasela, korale eia vigogolo rivu lou la tiala, la lotu talia age la papaga sa bugu moli. ²⁷ La vovulola tela lotu sesele omai la mata le Deo Tete amegei, la vovulola ge koli esou lulatu taola balo e tatamale esou esou tavevile asuale sou peoti oama la utukumula. Emutou lou ge maroka telava la vovulola bugu avolu omai la magasa.