¹ Ne sovena auken, yomu sen wuonale, yomu palou sivenomu ya evomu tomo na nale wasa yewo. Won oma woiun auken, tokonale ke o non roal a nepes ile lion, walo o yal nepes ile senuna ya won ne, ve o lopol nepes ile woiun. A won ne ka walo woiun ina auken walo o yali a won ne ka sekin oepo. ² Na walo o yal lom woiun senuna na o sekin oepo ino senu. ³ Yomu mota panine lomu malmalin senuna ya yaonana vene, kin poinom yoin, ne um siva na wonun malmalin sivena. ⁴ Malmalin nuanana won paninei woiun sivena imita ipota ya epom lemi, malmalin ke ino evelel na eva kene yo paisu yo vet na yo men poren. Aukekene i tevina na i senuna ya Pomna i yeki. ⁵ Ne sen senuna leke o palou ol vene omen senu ina. O lala nea Pomna ile lion nuanana o palou ol ya oevo le va saivo. ⁶ Ne sovena auken, Sera i nombolina Abram i apeti ina Abram ve Pomna. Won mun walo won munai ya Sera Itun, evelel senuna ina. ⁷ Woiun ina auken, i tokonale te men mos tomo ne evol sevenale tomo ne lemi lumon sivena na o lala nekene, senre o levilina avele. Yomu oma woiun senuna ya evomu auke kene walo ino evelel. Te oma woiun auken walo i kin roal lel nunon avele. ⁸ Ne pepelon vusalna, it puluana telma lemi lumon nuanana na te paniei woiun a lolel na ne ya epol ne na te palou it vet. ⁹ Mota won oma woiun pasana ya lolel na leke oma woiun pasana ya won ne. Won nina wonoma el motuon tevina ne woiun auken won omai. ¹⁰ Ne senre tokonale ke ola omen senuna vel mimion senuna, ol mota pavoi oevo yoma pepelon pasana alo pepelon omeltet na. ¹¹ O sekin o kime ne woiun pasana nalo oma woiun senuna ina. I pele sovena ina ke walo yo maina woiun senuna ina na men na yepo ino mos. ¹² Pomna kene i lopol ina tokona senre ke oma mwoiun pasana. ¹³ Ana walo i pamatu won, tave won la wonoma utuna senuna? ¹⁴ Walo, won elmion ne woiun senuna kene won omai, walo won el pamotuon tevina ne. Mota won meip ne utuna leke toko na o meip i ikene na mota lumum pombom ne utuna omole. ¹⁵ Kene walo, te ela Pomna Iesu ana na unai utuna senuna tevina. Evelel na elo na telia tokona senre ve won lala senu ne a Pomna na ile woiun sivena auken. Won pepel mol a ol ne tomo ne woiun ke walo o pau ol. ¹⁶ Won el lemilumon sivena ies a Pomna ne me na ana ila i papasa mimion senuna auken ino a Pomna ne walo ile mara, neke, won ini toko ke won oma woiun pasana avele. ¹⁷ I senuna ke walo Pomna ili ave walo won nakol maeion na mota won oma woiun pasana. ¹⁸ Pomna ini toko lemlemna, ave inakol al maeion ne it toko na sen pasana. Pomna yoma omain auken nemo yel vilil won na yo. Iesu yoma woiun auke ke walo yel velil tei toitoi ya Pomna ne meme. Opun a Iesu ya nipeti ya o nana ina, ave Pomna yonimimina i pamimet vililai. ¹⁹ Lemi a Pomna yoni mimina Iesu ies ka i lulum pepelon ya leke ponane auke o voi ya vel vindena. ²⁰ Leke o non roal pepelon neke Pomna yepo molna i men tetal ol ne Noa ile nan auken, ne nana auken Noa i yoma wok. Ave Pomna i yopo lal senu aombot-olme toko na sen ne nan ke iei vuvu tevina auken ivelpol. ²¹ Ne iei aukekene i vene paninion ne pamotuon, neke Pomna yel vilil yomu ne iei pamatuona. Iei auken ini ne uke walo ipa talel woiun pasana ya tokonale ne avele. ²² Iesu ies a sepsia ya Pomna ile pen ka ivoi ya Pomna i meni senuna. Pomna ile pakeon ale na toko tevina le nalo ne utuna pasana ople ana ovoi o paisu ol a i ne.