1
Iau a ta muholi na rane Kristo.Iau kama tatami,a ni luhoi nau i manga bole kori nau pololilo na Holi Spirit
2
iau a tahoka ni dodo dagi turana ni madihi kimi ge lobo na tamudigu.
3
A vuhuna,iau a tahoka ni ngaru maea iau ga bolea ni hale ga made polovavo ne Kristo na ni kamumune hurika turagu,erei e hurika tara nau polovavo na kakaigu.
4
E hurika tara na Israel.Ri tahoka narone ria ne tamane ria i bole mule ria,ri tahoka harikianga,a kontrak,a nihabi na lo,a naro ni vasileki ne Deo turana ni gamai.
5
Na hamone tou kunana e Kristo i bele bakovi,ia kunana ie Deo ne virika maki lobo.Kavurikea rana vakaroro.I muholi.
6
Pali,kimi maea a ni gamai ne Deo kimi bele.Na arana,kimi a tara ne Israel lobo ge ria tara ne Israel.
7
Lakea tabu,kimi e hurika hamone Abraham lobo,e hurike tuna muholi.Lakea,"ne Aisak kunana re hurika hamone matou bara ri bolea ra nigale."
8
Ra hini nga i maea,e hurika koma na kakaine teu,kimi rie tune Deo.Pali,e hurika koma na nigamai,ria ri bele manga hamone Abraham.
9
Na arana,ra nita na nigamai i maea."Vona ra parava maea,Iau bara valai a habia ne Sera tara koma bakovi."
10
Kama hini nga kunana.Uka.Muri vona e Rebeka i singou vona ra bakovi iea e tamane hita,e Aisak.
11
Na arana,e hurika koma kama ri bele ma rigi rata naro hale turana naro kamumu,manga hini e virika ni luhoi e Deo na ni ngaru vona biri tabuli pali kimi na naro ne hurika tara ngi,pali ne hurika bakovi i gale ria.
12
A vuhuna a ngava I lakea pali ne Rebeka maea,"e tukana biri rata leho ne tarina."
13
Ra hini nga I manga kunana hini ni here pali I tabuli,"e Jekop iau a ngarua,e Iso iau kama ngarua."
14
Lakea ara tege takia?I uka naro malamala ge tabuli ne Deo?Keme ge maea.Uka.
15
Na rana,ia i taki maea e Moses,"Iau ga dodo erei iau a ngarua,iau bara dodo erei iau a ngarua turana tamudigu i dodoa."
16
Lakea keme ne ge erei i ngarua,o erei i ngaru ni nunu lakea vona,pali a ni ngaru ne Deo i vakasiri a ni dodo.
17
Na rana,tabekena ni here i ta ne Fero maea,"A vuhuna ni luhoi iau a pasi ioe,lakea bara vakasiri kava a ni tora nau ne vomu,lakea bara ri takitala ragu na hini lobo na malala.
18
Lakea e Deo i kara ni dodo e hurika bakovi na ni ngaru vona kunana,ia i vaka tora a tamudine hurika tara na ni ngaru vona kunana.
19
Matou bara mu ta maea nau,"Na ara vuhuna i vorokana potu ne mia?Erei ngane ge kara ni ramai a ni ngaru vona?
20
Na tabekena tara mua e hurika bakovi,matou erei moto koli a ngavane Deo?Lakea a ulo bari taki a bakovi i rata ulo maea,"Navai o ratau a bele maea?"
21
Ra bakovi ni rata ulo,ia i uka pede polomeli na ulo ni rata ara maki ia i ngaru ni rata?Ia tara biri uka pede ni bole ra malala ni rata ulo bara ni rata maki na parava dagi ni vapopo,ia bara i rata ulo ni rata maki vona na parava tavula?
22
Pali re Deo i ngaru ni vakasiria ia i madihi a hatena ia ge ru kavea ni tora vona,ia i made madoru hateka kimi vakasiri laviriri hini i madihi a hatena,ni hate madihi vona na hini biri hale?
23
Pali re ia ge rata maea ge vakasiri kavea ni kamumu vona pololilo na bagetua vona polomeli na ulo ni dodo,ia i ru muga pali nege vona bagetua?
24
Ge navai ra hini nga ge rata ne teu,erei ia i gale ria pali,keme teu a tara na palane hurika Juda kunana.Uka.Na palana e hurika tara ranga?
25
Manga ngava i taki a buk e Hosea,"Iau bara gale hurika tara a bakovi a ngatavine ne nau,hosi kama ri made manga tara nau,hurika bakovi a ngatavine kama ngaru hateka ria pali hosi iau bara ngaru hateka.
26
Lakea biri bele na tanga iea ia biri taki ria ne vona maea,'Matou kimi matou a tara nau,' na hini nga,ia biri gale maea ria,matou e tune Deo i made mahuri."'
27
Aisaia i gale kunana e hurika Israel i ta maea,"Pali e tune hurika Israel bara ri manga hire na dari,hurika tara popote na tara nga e Deo biri bole mule ria.
28
Na rana,ViriDagi biri rata pilea malala iea biri vaka lobo liua ia kama ge dava.Uka."
29
Manga ngava i taki mugea e Aisaia,"Pali re ViriDagi polomeli liu i ru ranga hamone teu i tabana,bara te manga kunana e hurika Sodom turana Gomora."
30
Teu tege ta navai ngane?Huriki ranga kama ri ramai a naro i malamala,ngane to bole a naro i malamala,a naro pololilo na ni luhoi tora.
31
Pali e hurika Israel ri ramai a lo ni ramai a naro malamala,pali kimi bele na hatena.
32
Na ara vuhuna?A vuhuna kama ri ramai a naro ni luhoi tora,pali ri ramai a naro ni rata leho.Huriki ri boru langa na kedo ni boru.
33
Manga ngava i tabuli pali,"Masia,polomeli o Saion iau a rua tara kedo ni vaka borua turana kedo ni rata ria bara ri boru.Erei i luhoi tora vona,ia kama ge bole a ni maruhu."