¹ Tahuna e Isu i hamule puru na lolo,i kupo e hurika bakovi a ngatavine ri muri vona. ² Lakea,tara bakovi i tahoka gilanga patala i valai vona i pasike puru lakea i ta,"Viridagi,pali ri ioe o ngaru,pali o valai o ratau ga matapado." ³ Isu i toto rike limanga i nugua i ta,"Iau a ngaru ni rata maea,ngane ioe o mahuri."Laviriri hateka gilanga patala i pea i vano lakea ia i mahuri. ⁴ Isu i taki maea ia,"Nahani ratea na bakovi tara ngava.Ioe o vano vakasiri mule ioe na pris o habi a ofa manga hini i taki e Moses,manga ni vakasiri i lakea ne ria." ⁵ Tahuna e Isu i dili lakea o Kapanem,tara komanda na nugu maheto i valai ne vona i nanea, ⁶ lakea i ta maea,"Viridagi,tara voravora nau i giloa i paralais i hataki a ni madihi i mahita pololilo na ruma." ⁷ Isu i taki maea ria,"Iau bara valai a vaka mahuria na gilanga vona." ⁸ Ra komanda na nugu maheto i ta maea,"Viridagi,kimi iau a bakovi kamumu,ioe go dili valai na ruma nau,ioe o ta kanana biri mahuri a voravora nau. ⁹ Na rana,iau kunana a bakovi erei tahoka pede,lakea a tahoka e hurika nugu maheto iau a kara ni matakari ria.Iau a taki a nugu maheto ni vano ia biri vano,lakea iau a kara ni takia tara biri valai ia i kara ni valai na voravora nau,iau bara ta ni rata maea bara ri kara ni rata. ¹⁰ Tahuna e Isu i longoa ra ngava,ia i vivi hateka lakea i ta maea ne hurika bakovi a ngatavine erei ri ramai ia,"Muholi hateka,iau a taki mua,iau kama masia tara erei ge tahoka ni luhoi tora pololilo o Israel. ¹¹ Iau a taki mua,kupo e hurika bakovi a ngatavine bara ri valai maea na tabekena ni rikena haro turana tabeke ni puruna haro bara ri made ri malo turane Abraham,Aisak turane Jekop na harikinga na hunu. ¹² Pali bara ri voroki maka koma na harikinga biri lakea na tanga i uvo hale liu hateka,lakea bara ri tangi ri kani mule a ngine ria." ¹³ Isu i takia ra komanda na nugu maheto,"Ioe vano!Ara o luhoi torea,ia biri bele ne vomu."Lakea ra voravora i bole liu a ni mahuri vona na tahuna iea. ¹⁴ Tahuna e Isu i dili na ruma e Pita,ia i masia kinane girihine Pita i bolea gilanga,i gutu a kulinga i mahita. ¹⁵ Isu i nugua limanga lakea gilanga i pea. ¹⁶ Tahuna a malunga i valai,hurika bakovi a ngatavine ri bole huruka bakovi a ngatavine ri tahoka spirit hale ri valai ne Isu.Ia i lilitala virika spirit hale na ngava kunana lakea ia i vaka mahuri e huriki ri giloa. ¹⁷ Ngane na dala iea kunana,ia i vakatora virika ngava ne profet Aisaia lakea i ta,"Ia kunana i bole gilanga ne teu i rata voroki a ni mava ne teu. ¹⁸ Tahuna e Isu i matai maea i kupo e hurika tara bakovi a ngatavine ri pesi halua,ia i pea tabeke nga i lakea na tabekena dari iea o Galili. ¹⁹ Lakea tara bakovi ni lohoka na lo i valai i ta maea,"Vinara,iau bara muri vomu na ara hini ioe o lakea vona." ²⁰ Isu i taki maea ia"Virika ligo ri matavureki i tahoka dupine ria turana kadirovo ri tahoka ruma ni mahita,pali a tuna Bakovi i uka ruma ni mahita. ²¹ Tara ne hurika murimuri i pesirike ia i ta maea,"Viridagi,o ru iau ga tanu taroa e tata ga muri." ²² Pali e Isu i taki maea ia,"Muri ne nau o ru e huriki ri mata rigi tanu e hurika bakovi ri mate." ²³ Tahuna e Isu i rike na bout,hurika murimuri vona ri muri ri rike turana na bout. ²⁴ Lakea i laviriri hateka,a vilu dagi turana vala i rike polomeli na dari,lakea dari i katagua bout.Pali e Isu i tabana ni mahita. ²⁵ Hurika murimuri ri valai vona ri vangoa ri takia,"Viridagi,kori mia,bara mi mate ngane!" ²⁶ Isu i taki ria,"Navai mu maegeng,niluhoi tora mua i kiroko hateka e?"Lakea ia i takia vilu turana dari i puru a malilo.Lakea virika maki ri kamumu tabu. ²⁷ Lakea hurika bakovi nga ri vivi ri ta maea,"Ra bakovi iea ia erei a vilu dagi turana dari ru longo totoa ngavana? ²⁸ Tahuna e Isu i valai i bele na tabeke tara na tanga dagi ne hurika Gadarins,bakovi i rua ru tahoka spirit hale tou to vakorokoro.Ru pagitala na tanga ne hurika bakovi ri mate pali ru gigipotu ru ta halehale,ge uka tara bakovi ge ramaia ra dala iea. ²⁹ Pali,ru kura palupu ru ta maea,"Maria miri rata ara ne vomu,Tune Deo?Ioe o valai koea ni rata pile mateu,parava maria i tabana?" ³⁰ Na tabeke nga,kimi basi hateka ne ria,kupo virika boro ri kani vonga. ³¹ Virika spirit hale ri taki e Isu ri ta maea,"Pali ri ioe go lili mia,lili mia migi dili na dari,." ³² Isu i ta,"Mu valai mu vano!"Virika spirit hale ri pagitala ne rua ri dili na boro;lakea maka boro ri nunu puru na lolo ri pori na dari ria lobo ri mate pololilo na dari. ³³ Hurika bakovi ri kara ni matakari virika boro nga ri nunu dili na tanga dagi ri vakalongo ne virika maki i bele,na rana a vuhuna i bele na bakovi rua ru tahoka spirit hale. ³⁴ Lakea e hurika bakovi a ngatavine ri pea ra tanga dagi ri vakorokoro e Isu.Lakea na tuhuna ri masia,ri nanea ge pea tanga ne ria ge vano.