¹ Muri na parava i polo rua, Isu,e Pita,e Jems e Jon tarine Jems,to lakea vona tara lolo i siketala hateka. ² Isu i mapulo ra kakaina i mareli.A matana i para manga haro,a harikianga vona i parahidi manga ni para. ³ Mala viri kunana e Moses e Elaija ru bele ru ta turana e Isu. ⁴ Pita i masia ra hininga i takia e Isu maea,Iau ga rata ruma ge tolu,tara ne vomu,tara ne Moses,pali tara ne Elaija." ⁵ Tahuna e Pita i tata,i valai tara bubu i para hateka i kavu tagu tou,pali pololilo vona ra bubu ea i tahoka tara viri ta i tamaea,"Ra bakovi ea e tugu,a ngaru hatekea,i ramai lobo a ni ngaru nau.Mavonga mua mu ramaia." ⁶ Tahuna huriki a murimuri vona ri longa ra ngava ,ria ri mangenge pali rirahi lolo puru a matane ria. ⁷ E Isu i vaka turutu tou i taki tou maea,"moto nahani mangenge ." ⁸ Ria ri mata rike koma ri masia tara viri,e Isu kunanaia vonga. ⁹ Tahuna tou to hamule puru na lolo,Isu ta tora ne tou maea,"Matou moto nahani takia tara bakovi vona maki matou moto matai,vona ra parava ea tuna bakovi bari hadongo mule na tanga ne huriki a bakovi ri mate pali." ¹⁰ Huriki a murimuri vona ri nanea Isu,maea,"Na ara e huriki a bakovi ni lohoka na lo ri tamaea e Elaija i bari bele muga?" ¹¹ Isu i koli i tamaea,"Elaija bari valai i rata kamumu mule a virika maki lobo. ¹² Iau ataki matou,Elaija i valai pali,e huriki a mugamuga koma ri matakilalea.Uka.ria ri rata hale.Vona ra virika vilo nga kunana e tuna bakovi bari bola ni madihi na limane ria." ¹³ Huriki a murimuri ri palala maea,Isu i tata ne Jon ni vahilolo. ¹⁴ Tou to bele taho e huriki a kabuna bakovi, tara ne ria i valai i pasike puru na vahane Isu i tamaea," ¹⁵ Viri dagi,o dodoa e tugu a baakovi,ia i tahoka gilanga na mengo pali bole hateka ni madihi.Kupo pali a hiningi ia i boru dili na kanono a naru. ¹⁶ A bole lakea ne huriki a murimuri vomu,pali tou koma to kara ni vaka mahuria." ¹⁷ Mavonga e Isu i koli maea,"matou a tara ni rata naro hale,koma mu luhoi tora,ge riva parava Iau a made turane mua?pali ge riva parava Iau ga taki matou? Bole vilia ra komea." ¹⁸ Isu i tahatea ra spirit hale,pali laviri kunana ra spirit hale i hata roa ra koma bakovi,vona ra parava ia i mahuri ra komea. ¹⁹ Muri e huriki a murimuri vona ri valai ne Isu ri tamaea,"Navai mateu koma mete kara ni lili tala spirit hale?" ²⁰ Isu i koli tou i tamaea,"na ra,ni luhoi tora matou i popote.Iau a ta muholi matou,matou moto tahoka ni luhoi tora i popote i manga vutuna kito,matou bari moto takia ra lolo ea maea,"pagi lakea lake,pali ia bari ramaia,uka tara maki ge madihi matou. ²² Tahuna tou to made o Galili,Isu i taki e huriki a murimuri vona maea, "tuna bakovi bari ni habi na limane huriki a bakovi a ngatavine, ²³ bari ni bimate i mate,pali muri na parava i tou ia bari mahuri mule."Huriki a murimuri vona ri dodoa ri luhoi lege. ²⁴ Tahuna to bele o Kepenum,bakovi ni bola takis i valai ne Pita i tamaea,"Ra vinara matou ea i hahaba takis no i uka?" ²⁵ Pita i koli tamaea,"pali."Muri e Pita i dili na ruma, lakea e Isu i nanea i tamaea,"Simon,Ioe o luhoi navai?Ra huriki a king na malala ri bobola takis ne huriki a tara vai? Ne huriki a tara vona o ne huriki a tara na tanga tebi?" ²⁶ "Pali e Pita i koli i tamaea,"Ne huriki a tara na tanga tabi."Isu i takia i tamaea,"pzli mavonga,e huriki na tara vona nahani rigi haba takis. ²⁷ Pali teu nahani tege rata e huriki a bakovi ni bola takis rigi boru na sin.Ioe o lakea na dari o voro a huk o lalu a manu.Bolea ra manu o lalu mugea,o pidea ngavana bari o masia tara silva moni i tabuli.Bolea ra moni ia o habia na takis nau pali bari ne vomu ne huriki a tara ni bola takis."