¹ Muri ranga Farisi turana bakovi ni here a lo ri made o Jerusalem ri valai ni ta turane Isu.Ri ta, ² Navai e hurika murimuri vomu kama ri rupuru ria polotano na lo ne hurika hamone mia?Kama ri loi a limane ria na tahuna ni kani." ³ Pali e Isu i koli mule ria i ta maea,"Navai mua mu longotaro a lo e Deo ni ramai a narona hamone mua? ⁴ Lo e Deo i tamaia,'Rupuru mua ne tamane mua e kinane mua,'pali' Erea ta hale ne tamana o e kinana ia bari mate.' ⁵ Pali ioe o tamaia,'Erea i taki maia e tamana e kinana,"Ara maki iau a kara ni habia ne matou,a habia ne Deo," ⁶ Ra bakovi ea nahani ge rupurua ne tamana.'Vona ra hininga ia i ratea ngavane Deo i bele manga maki tavula ge ramaia lo na hamone tau. ⁷ Matau a bakovi ni tatami!Nitane Isaia i bele kavakava hateka natahuna ia i ta propet ne matou, ⁸ Ra huriki a bakovi nga ri turume puru kunana na ngutune ria,pali a hatene ria i tabuli basi hateka. ⁹ Ria ri tatami ni turume puru nau,na ara ria ri bole a huriki a lo ne ria i tabuli basi hateka ne nau." ¹⁰ Muri e Isu i gale ria ri valai vona i taki ria,"Longoa pali mu bole kamumua ra ngava ea. ¹¹ Virika maki i kani a bakovi i dili na ngavana,koma ge ratea bakovi ge katoki.Pali ara maki i taki i pagi tala na ngavana bakovi,ia i ratea bakovi i katoki." ¹² Muri e huriki a murimuri vona ri valai vona ri nanea e Isu,"Ioe o luhoka maia ra virika ngava o rata,i rata e huriki a Parisi ri tamudi hale vomu?" ¹³ Isu i koli i tamaia," Virika kai lobo koma i varo e tata meli na hunu,bari ni lipu rike lobo. ¹⁴ Naha ria,a matane huriki a parisi i kepa.I tara kepa i tulia tara kepa,rua varago bari ru boru ¹⁵ Pita i longoa i koli i tamaia e Isu,"O tuveve kamumua ni ta vakakika o ratea ne mateu." ¹⁶ Isu i tamaia," I ioe tara koma o palala ma? ¹⁷ Ioe koma o masis ara maki i dili na ngavane hisa i puru na tamudine hisa muri pagi tala kanaine hisa? ¹⁸ Pali ara maki pagi tala ngavamu ia i valai na hatemu.Ra virikia maki nga i rata bakovi i katoki. ¹⁹ Pagi tala na hate a ni luhio hale ,rabalaka bakovi,a naro na mulenga,o ngutu ne girihina turamu,panaho,o vaka tora ngava tatami,pali o hareharogi. ²⁰ Ra virika naro nga i ratea bakovi i katoki ." ²¹ Muri e Isu i pea tanga iea ia i lakea na tanga dagi i rua na distrik iea o Taia turane Sidon. ²² Na tanga iea,tara ngatavine na tara o Kenan i valai ne Isu lakea i gale dagi ne vona maea,ViriDagi,tune Devit,o dodo iau,spirit hale i haba ni madihi dagi ne tugu a koma ngatavine." ²³ Pali e Isu kimi kolia vona tara ngava.Hurika murimuri ri koli maea ngavane e Isu,"Ra ngatavine i leho ni gale dagi ia i mumuri mia,ioe o kara ni takia ra ngatavine iea ge pe mia ge vano basi? ²⁴ Pali e Isu i koli maea ria,"Deo i rudu iau ni valai ga bole mule e hurika tara o Isreal kunana.Ria ri manga sipsip ri velu pali." ²⁵ Pali ra ngatavine iea ia i valai i pasike puru na matane Isu lakea i ta,"ViriDagi,o kori iau." ²⁶ Lakea e Isu i koli maea ngavana,"Ia kimi kamumu ni bole a bret ne hurika koma ge voroki lakea na ligo kiroko." ²⁷ Lakea a ngatavine iea i ta maea,"ViriDagi,ia i muholi.Pali e virika tuna ligo ranga ri kara ni kani a kalavanga maki ni kani i boru puru na taruna tebol e tamane ria." ²⁸ Isu i koli maea ra ngavana ngatavine,ioe o tahoka ni luhoi tora dagi hateka,pali re tumu biri mahuri tabu."Na tahuna iea kunana,virika spirit hale ri pea ra tuna ngatavine iea lakea ra koma iea i mahuri. ²⁹ Isu i pea ra tang iea i lakea tabukoi na dari lomu iea o Galili.Ia i sike vona tara lolo kiroko i pesi tabukoi lakea ia i made vonga. ³⁰ Pali i kupo hateka hurika bakovi a ngatavine ri valai vona.Ri bole hurika bakovi ngatavine ri hale a vahane ria,a mata kepa,a ngava rubu,turane hurika bakovi a kakaine ria i marogo lae,i kupo e huriki ri tahoka gilanga ri valai.Ri bole valai ria ne Isu ge vaka mahuri ria. ³² Isu i gale valai e hurika murimuri vona ia i taki maea ria,"Iau a dodo hateka re hurika bakovi a ngatavine nga,"Na rana ria ri made turagu i vano na parava i tou kama ri kani.Iau kama ngaru ni rudu ria ni vano na rana kama ri kani,maga ri vitolo rigi boru na dala." ³³ Hurika murimuri ri taki maea e Isu,"Na tabeke maea i uka bakovi ge made tabukoi vona,i madihi hateka ni vorokana maki ni kani ni habi ne hurika bakovi a ngatavine. ³⁴ Lakea e Isu i nana ria i riva bret mu tahoka ri ta maea hurika murimuri,"Mia mi tahoka bret i polorua,turana manu papote." ³⁵ Muri e Isu i taki e hurika bakovi a ngatavine rigi made na malala. ³⁶ Ia i bole ra bret nga i polorua turana maka manu,lakea ia i ta kamumu ne Deo,pali muri ia i keve maka bret i habi na maka murimuri.Lakea hurika murimuri ri habi ne hurika bakovi a ngatavine. ³⁷ Hurika bakovi a ngatavine ri kani ri maru liu.Lakea muri ri ru kadolu maka kalavana maki ni kani ri tahoni na kulopi i polorua. ³⁸ Hurika bakovi ri kania ra maki ni kani ri bele maea,4-tausen bakovi,pali kama ni gi e hurika ngatavine turana maka koma. ³⁹ Muri e Isu i rudu ria maka bakovi a ngatavine ri hamule na tanga ne ria,ia i rike na bout i lakea na tabeke tara na distrik ne Magadan.