1
Muri ne Isu i ta bolo ne huriki a bakovi a ngatavine Ia i dili o Kapenaum.
2
Tara mugamuga ne huriki a nugu maheto, ia i tahoka voravora vona.A voravora vona i tahoka gilanga dagi tabukoi ge mate.
3
Na tahuna ra mugamuga ea i longo maea Isu ia vonga,ia i rudu e huriki a mugamuga ne hurika Juda rigi vano rigi nanea e Isu,ge valai ge vaka mahuria a voravora vona.
4
Na tahuna ri vano ri bele ne Isu ria ri pasike puru ri nanea e Isu,"Ra mugamuga ea ia bakovi kamumu,
5
Ia i ngaru hatekea tanga dagi mateu,pali ia i ratea roho ni vasileki ne mia."
6
Pali e Isu i ramai tou to vano.Na tahuna e Isu i valai tabukoi na ruma,ra mugamuga ea i rudu a turana to vano to takia e Isu maea,"Viri Dagi,nahani luhoi lege,Iau koma bakovi kamumu hateka ne vomu go valai na ruma nau.
7
Mavonga Iau koma valai ne vomu.Ioe o ta kunana pali ge mahuri a voravora nau.
8
Iau a tamaea,nara iau tara made polotano ne huriki ranga ni gamai ria ni muga nau.Pali iau a tahoka e huriki a nugu maheto ri polotano nau,na tahuna iau a takia tara nugu maheto ni,'Vano,'ia bari vano.Pali iau a takia viri tara nugu maheto ni ,'Valai ,'ia bari valai.Na tahuna iau a takia voravora nau ni,'Ra tea tara leho,'ia i." ratea.
9
Isu i longo ra hininga, Ia i turutu ne vona,pali Ia i puloa i taki e huriki a bakovi a ngatavine ri muri vona maea,"Iau a taki matou,Iau koma masia o Israel tara viri ge maea ni luhoi tora vona."
10
A tara i rudu tou a mugamuga to vano togo masia e Isu to hamule valai na ruma,pali to masia ra voravora ea i mahuri pali.
11
Muri kunana e Isu i lakea vona tara tanga dagi ni gale Nain,huriki a murimuri vona turane huriki a bakovi a ngatavine ri muri turana.
12
Na tahuna ria ri valai tabukoi na ni dili na tanga dagi,Mala viri kunana ,a bakovi i mate ni kaloho tala,a tuna ngatavine i uka e girihina i ala taku kunana,pali ia i valai turane huriki ri ala kupo.
13
Na tahuna e Isu i masia, Ia i dodoa pali takia tamaea,"Nahani tangi."
14
Pali lakea e Isu i nugua kiri ni kaloho vona,pali e huriki ri kalohoa ri pesi mangulu.Ia i tamaea,"Koma tamuhane, Iau a taki ioe,pesi."
15
Pali ra bakovi i mate i pesi rike i made i ta,lakea e Isu i habia ne kinana.
16
Pali ria lobo ri matai ra hininga ri lobo ri mangenge, pali ri kavu rikea e Deo,ri tamaea,"Tara propet i dagi i bele pali na kurupalane hita"pali"E Deo i matanono e huriki a tara vona."
17
Ra hininga Ia i rata i longo loboa e huriki o Judia turane huriki a tanga tabukoi vonga.
18
A murimuri e Jon I takia vona huriki a maki lobo.
19
Muri e Jon I gale a murimuri vona I rua ru lakea ne Isu ru tamaea,"Ri ioe ioe kunana viri nigi rudu ge valai ,o metege mata na viri tara ge valai?"
20
Na tahuna to valai tabukoi ne Isu,to takia to tamaea,"I rudu mateu e Jon ni vahilolo ni valai vomu ni nanoe,'Ri Ioe ioe kunana viri ge valai,o migi mata na viri tara?"
21
Vona na parava ia Isu i vaka mahuri e huriki ri tahoka gilanga a spirit hale i tabuli ne ria,pali e huriki ri kepa ri mata tabu.
22
Isu i koli tou i tamaea,"Muri ne matou moto hamule moto takia e Jon vona ara maki moto masia moto longoa.Huriki a kepa ri mata tabu,huriki koma ri laho ri laho,huriki ri tahoka tutala i lobo,huriki ri vou i mapaga talingane ria,bakovi i mate i mahuri mule,huriki ri uka maki ni taki ria na nitane Deo.
23
Deo bari gamai e huriki koma ri luhoi ni luhoi taroa."
24
Muri ne tou to vano, e Isu i taki e huriki vone Jon,"Ara maki o lakea vona na tanga i uka maki vona go masia?Mu ngaru ni mataia wit i bole laea vilu?
25
O ara maki o vano go masia?A bakovi I ruda varikia kamumu?Masia,huriki a bakovi ri rodo a maki kamumu pali ri tahoka maki kamumu na kakaine ria, ri hurika bakovi nga ri made na ruma na king.
26
Pali ara o lakea go masia?A propet?Pali,Iau a taki matau,ra propet ea koma i kara ne huriki a propet ranga.
27
Ia kunana i takia buk e Deo,'Masia,Iau bara rudua tara vinuru bari valai, bari vakasiri purua mua dala,'
28
Iau a taki matou,i uka tara viri i podea e kinana i kara ne Jon.Pali a bakovi i made polotano na harikianga ne Deo ia i dagi ne Jon."
29
Na tahuna e huriki ri longoa ra hininga, tunare huriki a bakovi ni bola takis,ria ri tamaia e Deo i kiripiripi,ra huriki a tara i vahilolo ria e Jon.
30
Huriki a Parisi a bakovi ri palala na lo o Juda koma i vahilolo ria e Jon.Mavonga ria ri haba bito ne Deo.
31
"Isu i tata ne Jon maea,Iau a luhoi kado mua e huriki na tahuna mona?Mua mu made navai?
32
Mu manga huriki koma kiro ri rehi na murina ni nahani a maki ni kani,ri made ri vagale lae ri tamaea,'Mia mi vaka mabu pali koma mu raulo.pali mi sadanga pali koma mu tangi.'
33
E Jon ni vahilolo i valai koma i kana bret o i nina wain,pali mu takia maea, Ia i tahoka spirit hale.'
34
Pali e Tune Deo i valai i kani i nina wain,Mua mu takia maea, Masia,ra bakovi ea i kani i ninu hateka, ia turane hurika bakovi ni bola takis a bakovi ni rata sin!'
35
Pali ani luhoi kamumu a naro malimali ne Deo i bele ne huriki a bakovi a ngatavine ri ramaia ".
36
Muri tahoka tara Parisi i nanea e Isu ge kani turana na ruma vona.Pali e Isu i lakea na ruma vona,i kani turana.
37
Mala viri kunana,tara ngatavine ni rata sin vona ra tanga dagi ea.Ia i longo maea e Isu i na ruma na tara Parisi,ia i bolea tara botol na oil i mangi sipa pali rike hateka mapana.
38
Ia i valai tabukoi na pakane Isu i tangi,pali ravua na vuna a luhana i puru na vahane Isu,pali ngurua vahana pali i guru langea na pakana oil i mangi sipa t
39
Na tahuna i masia a Parisi ra hininga, ia i luhoi lege,i tamaea, "Ra bakovi ea ge ia propet,ia bari palala vona ra ngatavine ia erei pali navai ia i nugua, ia ngatavine ni rata sin."
40
Isu i kolia i tamaea,"Saimon,Iau a tahoka ngava ni taki ioe."Ia i tamaea,"Takia,Vinara!"
41
Isu I tamaea,"Tara bakovi I haba makoli na bakovi i tua.tara i bolea 5oo Silva koins,pali tara i bolea 50 Silva koins.
42
Pali rua koma ri kara ni kolia makoli ne rua,Mavonga ra bakovi i haba makoli ne rua koma i taki rua ru koli a makoli ne rua ne vona.Mavonga, erei ne rua ge ngaru hatekea?"
43
Saimon i kolia i tamaea,"Iau a luhoi maea ra bakovi i bole dagi."Isu i takia i tamaea,"Ni luhoi vomu i muholi. "
44
Isu i buloa i ngala lakea na ngatavine pali takia e Saimon,"Ioe o masia ra ngatavine ea.Iau a dili na ruma vomu.Ioe koma o habia na a naru ga vahiloloa pakagu, pali ra ngatavine ea i vahiloloa vahagu na luhana pali ravua na vuna.
45
Ioe koma o nguru Iau,pali a ngatavine ea i ngurua pakagu.
46
Ioe koma o gurua na gigu a oil,pali ia I gurua na pakagu a oil I mangi sipa hateka.
47
Mavonga Iau a taki ioe,a sin vona,i kupo hateka, pali e Deo i pagea sin vona.Pali a bakovi i luhoi maea ia i tahoka sin popote vona pali pagea e Deo a sin vona,Mavonga ia bari Iau popote."
48
Muri i takia ra ngatavine maea,"A sin vomu i lobo."
49
Pali e huriki ria ri kani palupu na ruma ria ri vata mule ne ria ri tamaea,"Ra bakovi ea ia erei,ia i kara ni paga sin ne huriki a bakovi a ngatavine?"
50
Muri e Isu i takia ra ngatavine ea,"Ani luhoi tora vomu i rata ioe o malimali.O vano turana ni tamudi kamumu."