1
Na parava tara e Isu i laho pololilo na hania na vit.Pali e huriki a murimuri vona ri bole a vit ri rina ri kani.
Pali lakea huriki a Parisi ri matai tou pali ri tamaea,"I navai moto rata maea na parava na Sabat?"
3
Ia i Taki tou, Isu i tamaea,"Ri mataou koma moto palala vona ara maki i ratea e Devit na tahuna ia i vitolo,ia turana e huriki a tara vona.
4
Devit i dili na roho e Deo pali bole ranga bret ni ru pololilo na murina Deo i kani,pali habi na tara vona ranga ri kani,ra bret ea ni rata virihi kunana ne hurika pris rigi kani."
5
Muri i taki tou maea,"Tune Deo ia i dagi na Sabat."
6
I bele tabu na parava rata na Sabat ia i dili na roho e Deo i vara e huriki a bakovi a ngatavine. Pali vonga i tahoka tara bakovi a limana kanena i mate.
7
Huriki a bakovi ni lohoka na lo turana Parisi ri mata nonoa maea ge vakamahuri taba viri na Sabat,mavonga bari kada dala ne ria rigi rua e Isu na kot.
8
Pali ia i palala vona pali ani luhoi ne ria pali takia ra bakovi mate a limana,"Pesi rike koia na matane huriki lobo."Pali ra bakovi ea i pesi rike i pesi vonga.
9
Isu taki tou I tamaea,"Iau ga nana mua,lo e Moses I tanavai na Sabat.Go rata naro kamumu o go rata naro hale ne ria.O go rata kamumu e huriki rigi made mahuri o go rata pele huriki ?"
10
Ia i mata lae ne ria lobo pali muri i takia ra bakovi ea,"Tavaga talea limamu."Mavonga ia i rata manga hiningi takia,pali a limana i kamumu tabu.
11
Pali ria koma ri tamudi kamumu ne vona ria ri vata rigi rata navia e Isu.
12
Na tahuna tara e Isu i sike na lolo ge vasileki.Ia i vasileki ne Deo na lolo vano i palala vona hiningi.
13
Palala ngane a hiningi, i gale hurika murimuri vona ri valai vona,pali pasi tou to ala ravulu a polona i rua,lakea ia i gale tou a apostel.
14
A rane tou a apostel e Saimon o e Pita,pali e tarina e Endru,Jems,Jon,Pilip,Batalomiu,
15
Matiu,Tomas,Jems e tune Alfeus,Saimon na tara e Silot,
16
pali e Judas e tune Jems,pali e Judas Iskariot,ra bakovi bari habia Isu na limane huriki a ni pele.
17
Muri e Isu i puru valai na lolo pali pesi vona rata hiningi i vonu vona e huriki a bakovi a ngatavine pali turana a murimuri vona pali e huriki ri valai oJudia o Jerusalem pali e huriki ri made na rerena dari o Taire o Sido.
18
Ria ri valai ni longo pali ge vaka mahuri ria na gilanga ne ria.Pali e huriki i rata pele ria spirit hale i vaka mahuri ria.
19
Pali e huriki lobo ri ngaru ni nugua na ara ni tora ni vaka mahuri a bakovi i pagi tala vona,pai ia i vaka mahuri lobo ria.
20
Muri i mata lakea ne huriki a murimuri vona i tamaea,"Huriki a bakovi a ngatavine ri uka maki ria rigi vivi,na ra harikianga ne Deo bari ne tou.
21
Huriki ri vitolo ngane ria rigi vivi,na ra Deo bari vaka vonua.Erai huriki ri tangi ngane ria rigi vivi,na ra Deo bari rata kamumu ria pali ria bari vonu na ni vivi.
22
Ioe o vivi,na tahuna ioe o ramaia ngavane tune Deo na ra ne vona kunana ioe bari ni rata naro i hale vomu pali koma ni ngaru.
23
Vona ra parava ia ioe o vivi o page,na ra maki kamumu vomu i rua e Deo na hunu,ioe bari o palala maia hosi ne huriki a tara ne ria ri rata hale e huriki a propet e Deo.
24
Pali mata sia ne huriki ri tahoka maki kupo,na ra mua mu bole pali hurika maki ni vaka made kamumu mua.
25
Mata sia ne mua e huriki mu kani mu bare ngane,muri bari mu vitolo.Mata sia ne mua e huriki mu nongo ngane, muri bari mu mata sia pali bari mu tangi.
26
Mata sia ne matou na tahuna e huriki ri rata ngava i kamumu ne matou,Na naro i palupu e huriki a tara ne ria ri rata virihi ne huriki a propet tatami
27
"Pali Iau a taki matou erai moto longo Iau,Ngaru e huriki a ni pile mua pali mu rata kamumu e huriki ri rata hale mua.
28
Haba maki ne huriki ri ta hale ne mua pali mu vasileki ne huriki ri rata hale mua.
29
Pali tara viri i ubia garemu,o habi tabua garemu tara ge ubia.Pali tara viri bolea varikia vomu na hani tango tatea o habia vona.
30
Habi ne huriki ri nana ioe na maki.Pali tara viri bolea tara maki vomu,na hani nanea ge habi mulea ne vomu.
31
Manga ioe o ngara viri ge rata virihi vomu,pali ioe tara o ratea ne ria.
32
Pali ieo o ngaru kunana e huriki ri ngarue,o luhoi maea re Deo ge ngaroe?huriki ri rata naro tatami ria ri ngaru e huriki rigi rata Mavonga ne ria.
33
Pali ioe o rata naro kamumu ne huriki ri rata naro kamumu ne vomu,ara maki kamumu go bolea vona ra naro ia?huriki a ri rata naro Mavonga ria ri ngaru ni rata.
34
Pali ioe i tahoka vivi bola maki vomu pali muri bari kolia,ara maki kamumu ioe o ratea?Huriki ri rata naro tatami ranga ri luhoi ni haba makoli ne ria.
35
Pali o ngaru e huriki a pile vomu o rata kamumu ria.O habi ne ria,pali nahani luhoi ni bole mula maki ne ria,pali a mapamu bari dagi hateka,pali ioe bari ioe tune Deo Polo Meli,na ra,Deo I rodo huriki e huriki ranga koma ri luhoi ni ta kamumu ne Deo pali ri rata naro hale.
36
O mari ni dodo,manga kunana e Tamamu ia mari ni dodo
37
Nahani luhoi kadoa,pali ioe koma go luhoi kado.Nahani rata pilea, pali ioe koma go rata pilea.Na hani luhoia naro hale ni rata virihi ne vomu.mavonga e Deo bari page naro hale vomu.
38
Habia,pali bari ni habi ne vomu.Ia bari habia kami dagi hateka, bari vaka vonua varikia vomu bari maguru tavula.manga kunana ara maki o habi na turamu,Deo bari habi mulea vomu."
39
Muri i taki tou vona tara ni ta vakakika."I kara na bakovi i kepa ge tulua tara kepa?Ia ge rata ra hininga, rua baru boru puru na lovo.
40
A murimuri koma i dagi na vinara vona,pali ia ge bole kamumu a ni tovo ni tovo ria vona ia bari manga kunana vinara vona.
41
Na ara o mata nonoa muku kiroko i tabuli na matana turamu,pali koma o masia bokona kai i tabuli karia matamu?
42
I navai ioe o takia turamu, 'Turagu,ga puraki talea muku kiroko na matamu,'na tahuna ioe koma o mataia ra bokona kai dai i tabuli karia matamu? Mua bakovi ni tatami!Muga ioe o rata talea taro bokona kai na matamu,ngane bara o mata kamumu o rata tale muku kiroko na matana turamu.
43
Na ra a kai hale koma ge vua ge kamumu a kanena,pali a kai kamumu ge vua ge hale a kanena.
44
A kai i taki talea na vuana ia ra kai. E huriki koma ri bola fik na kai i vona tupina o rigi bole wain na garas i vona tupina.
45
A bakovi i tahoka ni luhoi kamumu na tamudina mavonga ia i luhoi ni rata naro kamumu.Pali a bakovi i tahoka ni luhoi hale na tamudina ia i luhoi ni rata naro hale.Ara ni luhoi i tabuli na tamudina ia bari taki talea na ngavana.
46
" I navai ioe o galau,'Viri Dagi,Viri Dagi,'pali ioe koma o ramaia a maki Iau a taki ioe vona?
47
Huriki lobo ri valai nau ri longoa ngava ri ramaia, Iau bara takia vona narona i navai.
48
Ia i manga bakovi i ratea ruma,Ia i keli puru malala i polotano pali rua kedo i vaka pesia ruma.Na tahuna i tua naru,a ruma koma i vakulu o ge mapuka,na ra ia i vaka pesia na kedo a ruma vona.
49
Pali a bakovi i longoa ngavagu pali ramaia,ia i manga bakovi erai i ratea ruma vona polomeli na malala i uka ge ru a kedo vona .Natahuna i tua naru i vakulu a ruma,malaviriri kunana i mapuka puru i lobo liu."