¹ Isu I vonu turana Hanu kiripiripi, lakea i pea e Joda i hamule.Pali a Hanu kiripiripi i belea I lakea vona tanga i uka naru pali uka bakovi vona. ² Isu I made na parava i ravulu va na tanga i uka naru pali i tonia e Sata.Vona ra parava ia i uka maki ni kani pali vitolo. ³ Satan i tonia i tamaea,"Pali gi ioe tune Deo,O takia ra kedo ea ge mapulo a Bret." ⁴ Isu i kolia i tamaea,"Ni here na buk e Deo i tamaea, 'Bakovi koma i mahuri kunana na Bret." ⁵ Muri e Satan i bole Isu i sike vona tara hini i polomeli hateka,pali malaviri kunana i vakasiri vona hurika tanga dagi lobo. ⁶ Pali takia e Satan maea,"Iau bara habia vomu a ni tora ni mata kari lobo a hurika tanga dagi turana moni a kago vona,muga iau a mata kari,Iau bara habia ne area a ngaru ni habi vona. ⁷ Muga Ioe bara o pasike puru o vasileki nau,ngane ra hurika maki nga bari ne vomu lobo." ⁸ Pali e Isu i kolia i tamaea,"Ni here na buk e Deo,"Ioe bari o turume puru o vasileki ne Deo vomu,ia kunana." ⁹ Muri e Satan I bole lakea o Jerusalem e Isu I vaka pesia langlangea popomeli liu na mapana roho e Deo,pali takia I tamaea,"Pali gi Ioe tune Deo,o page puru koia. ¹⁰ Na ara buk e Deo I tamaea,'Ia bari taki e huriki angel vona bari mata kari Ioe,pali bari kapikaroe pali," ¹¹ bari nugu rike Ioe na limane ria,pali koma ge padea kedo a vahamu." ¹² Ia i kolia e Isu ,"Ni here na buk e Deo i tamaea,nahani tonia e Deo vomu." ¹³ E Satan i tonia lae e Isu,pali i pea i vano. ¹⁴ Na ni tara na Hanu kiripiripi Ia hamule o Galili,pali e huriki lobo a bakovi a ngatavine ri longo maia e Isu i hamule valai o Galili. ¹⁵ Ia i vaka tubu ni haba vinara ne ria pololilo na roho e Deo pali e huriki ri kavurike. ¹⁶ Isu i hamule lakea o Nasaret,tanga i dagi vona,pali na parava na Sabat Ia i dili na roho e Deo pali pesi muga i taka ngava. ¹⁷ Ni habi vona buk e propet Isaia.I vuke i Mata kanena bokona ngava ni here, ¹⁸ " A Spirit e Deo I tabuli turagu,nara Iau ni gamai ga taki talea ngavane Deo ne huriki ri uka maki.Ia i rudu Iau ni vaka pagi tala e huriki a bakovi a ngatavine ri made na bavi rigi pori,huriki ri kepa rigi mata tabu pali e huriki koma ni tata kamumu ria pali ri made turana ni mava rigi bola ni malo, ¹⁹ Pali ga taki talea maia ngane a parava ne Deo bari rata kamumu mua." ²⁰ Pali Ia i lobo ni ta pali hamule buk ,pali made puru ia . Huriki lobo pololilo na roho e Deo ri matanono hateka. ²¹ Pali Ia I vaka tubu ni vara ria i tamaea"Mona ra ngavane Deo ea I bele kava na ni longo me mua." ²² Huriki lobo a bakovi a ngatavine ri kavurikea rana,pali ri turutu vona hurika ngava kamumu i rata.Pali ria ri nana,"Ra koma ea e tune Josep?" ²³ Isu i taki ria i tamaea,"Muholi hateka mua bari mu longo e huriki bari raka ngava padui nau,pali mua ranga bari mu tamaea,Dokta,o rata kamumua kakaimu.Mateu mete longa a hurika maki Ieo o rata o Kapeniam,o rata koia na tanga vomu ngane." ²⁴ Pali e Isu i tamaea,"Muholi hateka Iau a taki matou,i uka tara propet i longo maia e huriki a bakovi a ngatavine na tanga vona ²⁵ Muholi hateka Iau a taki matou i kupo e huriki a bakovi a ngatavine i mate e kakaine ria ri made o Israel na parava ne Elaija,na tahuna vala koma i boru na pida i tolu a keva i polotara pali uka maki ni kani na malala. ²⁶ E Deo koma i rudua e Elaija ge lakea vona tara bakovi o Israel,Ia I lakea o Sarefat na tanga dagi o Sidon,vona tara ngatavine i mate pali e girihina. ²⁷ Kupo e huriki a bakovi a ngatavine ri tahoka sua dagidagi a total ri made o Israel na parava ne propet Elisa ²⁸ Huriki a bakovi a ngatavine ria pololilo na roho e Deo ri longo ra hurika ngavana i rata ria ri tamudi hale vona. ²⁹ Ri pesi rike ri rudu talea na tanga dagi ne ria polomeli na lolo,pali ri bole lakea na gaga na lolo ri ngaru ni voroki purua. ³⁰ Pali Ia i laho na palane ria i vano i lakea na tanga tara. ³¹ E Isu i lakea na tanga o Kapeniam na tanga dagi oGalili,pali vaka tubu ni taka ngavane Deo na parava na Sabat. ³² Huriki ri turutu vona hurika ngava vinara ia i habi,nara Ia i ta turana ni tora ³³ Tara bakovi ia tara ia pololilo na roho e Deo,i tahoka Spirit hale vona i ta dagi i tamaea, ³⁴ "Oe ara o ngarua metege ratea vomu,Isu bakovi o Nasaret? Ri Ieo i valai ni tara pile matou? Iau a palala vomu.Ieo ra bakovi i malimali i valai ne Deo.!" ³⁵ Pali e Isu i ta dagi vona na Spirit hale ea I tamaea,"Nahani ta!Pagi tala vona!"pali ra Spirit hale ea i voroki purua na malala na matane huriki lobo,pali hataroa pali koma i tara pilea. ³⁶ Huriki lobo ri turutu,pali ri vataki mule ne ria.Ria ri tamaea,"Ara ngava makea? Ia i takia ra Sprit hale turana ni tora i dagi hateka mavonga i rudu talea ra Spirit hale ea i vano." ³⁷ Pali e huriki lobo vona ra tanga ea ri longo ra maki Ia i ratea. ³⁸ Pali e Isu i hataroa roho e Deo i vano i lakea na ruma e Simon.Pali re kana ngatavine i giloa i gutu bolo a kakaina,pali to nanea e Isu ge koria. ³⁹ Pali e Isu i peai lakea vona i ta dagi vona ra gilanga ea,pali a gilanga i hataroa. Malaviriri kunana i pesi rike pali matai ramaki ni kani ne tou. ⁴⁰ Na tahuna a haro i puru,huriki a bakovi a ngatavine ri tahoka gilanga i kupo ni bole valai ria ne Isu.Ia i toto langa ne ria lobo pali lobo a gilanga ne ria. ⁴¹ Kupo e huriki i pagi tala ne ria Spirit hale,ri tangi ri tamaea,"Ioe tune Deo!"Isu i ta dagi i ta kari ria nahani rigi ta,na ara ia ri palala maia ia e Kristo. ⁴² Pali na hetelanga,i lakea vona tara tanga i uka bakovi vona. Hurika bakovi a ngatavine ri viroa ri matakanea.Ri valai ri masia vona ranga ea ri koi ni pea. ⁴³ Pali e Isu i taki ria maea,"Iau bara taki talea ngavane Deo turana harikianga vona ne huriki ranga bakovi a ngatavine. Iau a valai ni ratea ra leho ea." ⁴⁴ Pali Ia i lakea ne hurika roho e Deo lobo na tanga o Judia ni taki talea ngavane Deo.