¹ Huriki lobo ri bolea e Isu i lakea ne Pailet. ² Pali ri vaka tubu ni taki pilea,ri tamaea,"Mia mi masia ra bakovi ea i garu ni tara pilea tanga dagi ne hita,pali taki e huriki nahani rigi haba takis ne Sisa,pali takia ia e Kristo, ia king.' ³ Pali e Pailet ii nanea,maea,"Ri ioe a king na maka Juda?" Pali e Isu i koli i tamaea,"Ara o takia i muholi." ⁴ E Pailet i taki a maka mugamuga turane huriki lobo,"Iau koma mataia vona tara putu." ⁵ Pali ria koma ri ngaru ni longoa,ria ri tamaea,"Ia i luhoi ni bole rike tamudine huriki a bakovi a ngatavine,i vara bolo vona e Juda,i vaka tubu o Galili valai koia." ⁶ Pali e Pailet longo,i nana ra bakovi ea ia Galili o uka. ⁷ Na tahuna ia i mata kilalea maea Isu ia bakovi o Galili ia i rodu lakea ne Herot,na parava ia e Herot i matakari e Galili,Herot ia i made o Jerusalem vona ra parava ia ⁸ Na tahuna e Herot i masia e Isu,ia i vivi,nara i tabaka koma i masia.Ia longoa pali pasi mata ni matai ranga mirakel ia i rata. ⁹ Herot i nanea e Isu na maka ni nana i kupo,pali e Isu koma i kolia tara ngava. ¹⁰ Pali e huriki a mugamuga a bakovi ni lohoka na lo ri pesi,ri pasia na ngava e Isu. ¹¹ Herot turane huriki a nugu maheto vona ri rata pilea ri padi kedea.Pali ri vaka rodoa vona varikia i peda hateka ri rudu mulea ne Pailet. ¹² E Herot e Pailet ru bele manga tara i taku vona ra parava ia,muga ru vapile rua. ¹³ Muri e Pailet i gale e hurika mugamuga a matakari pali e hurika bakovi a ngatavine. ¹⁴ Pali taki ria,"Mua mu bole vilia ra bakovi ea i manga viri muga ne huriki ni rata naro hale,pali mu masia,Iau, a nanea na maka ni nana na matane mua,pali iau koma matavisia vona tara maki ge hale ge manga hiningi mua mu taki vona. ¹⁵ Uka,pali e Herot tara koma i matavisia vona tara putu pali lakea i rudu hamule ne mia,pali ia kimi ratea tara maki ga bimatea. ¹⁶ Mavonga iau bara rua na bavi pali muri bara rudu talea i vano." ^{17 18} Pali e huriki lobo ri gale lobo,ri tamaea,"Bimatea ra bakovi ea pali o habi tala vilia e Barabas!" ¹⁹ Barabas is bakovi ni ru na bavi na rata naro hale na tanga dagi pali bimate a bakovi. ²⁰ Pali e Isu i taki tabu tou,na ra ia i ngaru ni rudu talea e Isu. ²¹ Pali ria ri gale tala,ri tamaea,"bimatea,bimatea." ²² Pali taki ria bloko tolu tabu,"Nara,I uka putu ge ratea?Iau koma masia vona tara putu ge ratea ra bakovi ea ge kara nau ga bimatea. Mavonga Iau bara ru kunana na bavi,pali muri bara rudu talea." ²³ Pali ria ri kale tala, ri tora vona e Isu ge mate.Pali ri ratea e Pailet i puloa ni luhoi vona. ²⁴ Pali i ramaia ni ngaru na ria. ²⁵ Pailet i rudu talea a bakovi i made na bavi na virika naro hale vona.Pali habia ne ria e Isu rigi ratea ni ngaru ne ria ²⁶ Tahuna ri bolea e Isu i vano,ri masia tara viri a rana e Saimon na tanga dagi e Sairini,I valai o Jerusalem,pali ni habi vona bolo ge kalohoa,ge muri ne Isu. ²⁷ A kabuna bakovi a ngatavine ri murimai ne Isu,pali ranga ngatavine ri tangi ri dodoa e Isu, ri muri vona. ²⁸ Pali e Isu i puloa, i taki tou maea,"Mua ngatavine o Jerusalem, mu nahani taringau,mu taringi mua pali e tune mua. ²⁹ Mu longo,tara parava bari valai ria bari tamaea,' Huriki a ngatavine koma ri poda pali koma ri vaka ruru pali koma ri matakari a koma ria rigi vivi.' ³⁰ Pali muri ria bari taki a maka lolo,'Mapuka taho mia,'pali lakea na kupona,'kavatagu mia,' ³¹ Ria ri rata ra hininga na tahuna a kai i tabana ni goma,ara he bele na hiningi ia i munae ³² Ranga bakovi,turana panaho i ru,pali e Isu ni bole ria lakea nigi bimate. ³³ Na tahuna ria ri bele vona ra hininga ni gale"Tuhana Gigi,"vonga ni bimate turane huriki a bakovi ri rata naro hale ni vaka tau na limana kanena tara pali na maurina tara. ³⁴ Isu i tamaea,"Tata,laka brongi ara maki ria ri ratea,na ra koma ri palala vona maki ria ri ratea."Hurika nugu maheto ri varadi lae vona varikia vona ³⁵ Huriki ri pesi ri matanono na tahuna e huriki a matakari ri padikedea,ri tamaea,"Ia i kori e huriki ranga. Rua ge kori mulea,ge ia e Kristo i rudua e Deo ni bole mule huriki a bakovi a ngatavine. " ³⁶ Huriki a nugu maheto ranga ri ta hale vona,ri valai tabukoi vona ,ri habi vona viniga i vagole, ³⁷ pali ri tamaea,"Gi ioe a King ne hurika Juda,o kori mule ioe." ³⁸ Pali ni ru polomeli na bolo vona tara ngava i tamaea,"Ra bakovi ea ia King ne hurika Juda," ³⁹ Pali tara panaho erei i tavore tabukoi vona i padikedea i tamaea,"Ari ioe kimi ioe Kristo? O kori ioe pali maria." ⁴⁰ Pali a viri tara i tahatea,i tamaea,"Ioe koma o mangenge ne Deo,teu lobo te bolea ni madihi i palupu? ⁴¹ Tarua tu bola ni madihi na naro hale ne tarua.Pali ra bakovi ea koma i ratea tara maki ge hale." ⁴² Pali muri i tamaea,"Isu,O luhoi iau na tahuna ioe o lakea na harikianga vomu." ⁴³ Isu i kolia i tamaea,"Muholi hateka Iau a taki ioe,mona ioe bari i made turagu na paradais." ⁴⁴ Isu i tavore na bolo na haua i polo tara,pali a uvo i kavatagu malala vano hatena na 3kilok na malunga ⁴⁵ pali uka parana haro.Tara varikia na tempel i mavida na tabeka i rua. ⁴⁶ Isu i tangi tala,i tamaea,"Tata,Iau a rua na limamu a spirit nau."Ia i taki ra hininga,i mate. ⁴⁷ Kepten ne huriki a nugu maheto o Rom i matai ra hininga,ia i kavurikea e Deo,i tamaea,"Muholi ra bakovi ea i malimali." ⁴⁸ Huriki lobo ri valai ri masia ara maki bele,ria ri hamule turana ni dodo pali ri ubi a gorone ria. ⁴⁹ Pali e huriki ri palala vona,turana maka ngatavine to murimuri ne Isu o Galili,ri pesi basi ri masia maki ni rata. ⁵⁰ Malaviriri kunana, tara bakovi rana e Josep,a kaunsel.Ia bakovi kamumu pali luhoi ni rata naro malimali. ⁵¹ Ra bakovi ea kimi vivi na maka ni luhoi a ni ratena maka kaunsel.Ia bakovi o Juda na tanga e Arimatia,ia i ngaru ni mataia harikianga ne Deo. ⁵² Ra bakovi ea, i lakea ne Pailet, i nanea ge bolea podane Isu. ⁵³ Pali ia i bole purua podane Isu,i kapoa na varikia keakea, pali rua dilia na matmat ni rata na kedo,uka rata nigi ru ma vona. ⁵⁴ I valai na parava ni rata pura maki,popote ge puru a Sabat. ⁵⁵ Huriki a ngatavine ri muri ne Isu o Galili ri muri ne Josep ra vano ri masia ra matmat ri rua podane Isu vona. ⁵⁶ Ri masia pali a matmat,pali ei hamule ri ru puru a maka oel turana maka maki i mangi sipa.Pali na vuhuna ia parava na Sabat mavonga ri malo manga lo i taki.