¹ Na parava tara e Isu i vara pololilo na roho ni vasileki pali valai ne vona e hurika mugamuga ne hurika mugamuga, ² ria ta,ri tamaea vona,"Taki matou ne erei a ni tora o rata ra hurika maki nga,o erei habia vomu ra ni tora ia." ³ Ia i koli i taki ria maea,"Iau ga nana mua vona rata ni nana,pali mu takau. ⁴ Ra ni vahilolo i rata e Jon i valai na hunu o na bakovi?" ⁵ Ria ri vata mule ne ria,ri tamaea,"Pali mia migi tamaea,'Valai na hunu,'Ia bark tamaea,'Pali navai mua koma mu longo totoa?' ⁶ Pali bari te tamaea,'Na bakovi, 'huriki lobo bari padi teu na kedo,na ra huriki lobo ri palala maea e Jon ni vahilolo ia propet." ⁷ Pali ria ri kolia ri tamaea ria koma ri palala vona hini ia i valai vona. ⁸ Pali e Isu i taki ria i tamaea,"Mavonga Iau tara koma ga taki mua ne erei a ni tora Iau a rata ra hurika maki nga." ⁹ I taki e huriki a bakovi a ngatavine vona tara ni ta vakakika,"Tara bakovi i varoa hania na wain, pali vano ia i lakea na tanga tara, i habia na bakovi tara i matakaria.i vano ia. ¹⁰ I valai na parava tara ia i rudua tara voravora ge lakea na bakovi i matakaria hania na wain,he bole ranga kanena wain.Pali lakea ra bakovi i matakaria ri hania ea i ubia,pali rudu mulea uka maki ge bolea. ¹¹ Lakea i rudu tala tabua tara pali ia tara ni ubi,ni rata i maruhu,pali ni rudu mule. ¹² Mavonga i rudu tala tabua tara bloko tolu ngane pali ia tara ni bimate ia,pali ni voroki tala. ¹³ Pali a tahona hania na wain I tamaea,'Ara ga ratea?Iau ga rudua e tugu a ngaru hatekea. Mege ia nigi togo,' "Pali na tahuna i masia bakovi i matakara hania na wain,ria ri vata mule ne ria,maea,'tuna tahona hania i valai.Tege bimataea,pali ra hurika maki nga bari ne teu.' ¹⁵ Ni bole tala na hania na wain pali ni bimate. Ara maki ge ratea ne tou a tahona hania? ¹⁶ Ia bari valai i rata pilea ra bakovi i matakara ri hania na wain ea pali bari bolea ra hania na wain bari habia na bakovi tara,"Na tahuna ri longa ra hininga, ria ri tamaea," ¹⁷ Pali e Isu i mata lakea ne tou,i tamaea "Ara vuhuna maka ni here i tabuli na buk na lo: 'Ra kedo i laka brongia maka bakovi ni haia ruma ge manga vuhuna ruma?' ¹⁸ E huriki ri boru puru vona ra kedo ea ia bari lobo liu,pali ge boru langa na vona ia bari bera ". ¹⁹ Pali e huriki a mugamuga ne huriki a mugamuga ri ngaru ni ubia,na ra ri luhoi maia e Isu i padi ria vona ra ngava ea.pali ria ri mangenge ne huriki a bakovi a ngatavine. ²⁰ Ri mata nono kamumua,pali ri takia tara viri ge vano ge rata manage ia i malimali na matana,pali ge mata kana pusi ne Isu,pali rigi bolea e Isu ge lakea na limane huriki a mugamuga na tanga dagi ne ria. ²¹ Ri nanea,maea," Vinara,mia mi palala maia ioe o taki a ngava pali o vara muholi,pali ioe koma mangenge vona tara viri i tahoka ni tora vona ra tanga ea,pali ioe u vara vona dala muholi ne Deo. ²² I kamumu ne mia migi kona takis ne Sisa, o uka?" ²³ Pali e Isu i palala vona ni luhoi ne ria, pali taki ria maea, ²⁴ " Mu vakasiri a moni mua.A hanune erei a rane erei I tabuli vona?" Ria ri tamaea,"E Sisa." ²⁵ Isu i taki ria maea," Pali mu habi ne Sisa ara maki ne Sisa pali ne Deo ara maki ne Deo." ²⁶ Pali ria koma ri matai maia ia kimi tatami na matane huriki a bakovi a ngatavine, pali ri turutu,koma ri ta. ²⁷ Pali ranga Sadusi ri valai vona,a viri taki maea i uka ni mahuri mule, ²⁸ ria ri nanea,ri tamaea, "Vinara,Moses i here i taki mia maea a bakovi i mate e tarina,is i tahoka e girihina, pali ru uka koma,ra bakovi ea ge bolea e girihina e tarina,Pali ge poda ne tukana. ²⁹ I tahoka maki tari to ala polo rua to parangi,pali mate a viri dagi na tahuna i to uka koma, ³⁰ pali a paha muri tabua tara. ³¹ Pali bolea viri muri vona,ia tara i mate vano tou lobo to mate. Muri ra ngatavine ea tara i mate. ³³ Na parava na ni mahuri mule,erei ngane ge ia e girihina ngatavine. " ³⁴ Isu i taki ria maea,"Vona ra malala ea e huriki ri luhoi ni parangi,huriki a bakovi ri luhoi ni habi e huriki e tune ria ngatavine ge parangi na bakovi. ³⁵ Pali ne huriki ri rata naro malimali ne Deo ri mahuri mule na ni mate ria i uka ni parangi. ³⁶ Koma rigi mate tabu,ria ri made manga hurika engel,na ra e Deo i vaka hadongo ria na matmat, pali ria bari made manga e tune Deo. ³⁷ E Moses i vakasiri mia huriki ri mate ri mahuri mule na matmat.Vona ra nuverei na kanono i hube na kai,ia i galea Viri Dagi ioe e Deo ne Abraham,pali ioe Deo ne Aisak e Jekop. ³⁸ Nara Deo koma ia Deo ne huriki ri mate,ia Deo ne huriki ri mahuri, na matane Deo ria ri made mahuri. " ³⁹ Ranga bakovi ni tatami,ri kolia maea,Vinara,ioe o koli kamumua." ⁴⁰ Pali ri uka tabu a ngava ni nana tabua vona. ⁴¹ Isu i ta ria maea,"I navai e huriki ri galea e Isu e tune Davit? ⁴² Pali a buk ne Song e Davit i tamaea,Viri Dagi i tamaea Viri Dagi ne nau,'Made na limagu a kanegu, ⁴³ Vano na tahuna Iau bara rata e huriki a pile vomu ri valai na pakamu; ⁴⁴ E Davit i galea e Isu maea' Viri Dagi,'Pali ge navai ge ia e tuna Davit tabu?" ⁴⁵ Na matane huriki lobo Isu i taki maki murimuri vona maea, ⁴⁶ "Mu kapi ne huriki a bakovi ni tatami,erei ri ngaru ni rodoa varikia kamumu ri ngaru nigi ta kamumu ne ria na murina ni vahabi pali ri ngaru ni made na murine huriki a mugamuga na roho ni vasileki a vaponga dagi. ⁴⁷ Ria ri luhoi ni panaho na ruma ne huriki a ngatavine i mate girihine ria,pali ri rata maka ni vasileki ne ria i ola.Re bakovi mavonga bari bolea ni madihi i dagi hateka