¹ I kupo e huriki a bakovi ri herea pali a maka leho kamumu i bele na palane mateu. ² Ria ri matai na matane ria na tahuna e virika maki nga i bele karaba.Re hurika bakovi ria a voravora ne Deo,lakea ri habia ne mia ra nuverei iea. ³ Manga hini iau a leho ni matakana kamumu, a vuhuna ra nuverei iea lakea a here manga hini i bele na tahuna muga, lakea a vakarua ne vomu,huriki a bakovi kamumu io Tiofilas. ⁴ Iau a rata maia ne vomu ni lohoka kamumu ne virika maki o tovo pali,i muholi hateka. ⁵ Na tahuna e Herot i made manga king na maka Judia,i tahoka a bakovi ni mugamuga na ngava i made a rana e Sakaraia,ia a tara ne Abaisa.E rihina,a rana e Elisabet ia a tara ne Eron. ⁶ Rua ru murimai kamumu e virika lo turana nitane Deo,lakea ru made malamala na matane Deo. ⁷ Pali rua ru uka koma na hini,e Elisabet kimi kara ni poda koma.Rua ru gare pali. ⁸ Na parava tara e huriki a tara e Sakaraia ri vano ri rata leho ni mugana ngava,pali e Sakaraia tara i vano i rata leho ni mugana ngava na matane Deo. ⁹ Ria bara ri rehi na satu ni matai erei ia a mugamuga na ngava muholi ge dili na ruma ne ViriDagi, ni gutu e virika nihabi ni rata ni mangi kamumu.Na naro ia kunana,ri vulakia e Sakaraia. ¹⁰ Na tahuna e Sakaraia i gutu a nihabi ni rata ni mangi kamumu,e huriki a bakovi a ngatavine ri made polovavo na ruma e ViriDagi ri vasileki. ¹¹ I tara ensel e ViriDagi i bele i pesi na limana kanena na alta,ni rata kanono na nimangi kamumu. ¹² Na tahuna e Sakaraia i mataia ensel,ia i vakulu i mangenge hateka. ¹³ Lakea a ensel i takia i ta maia, o "Sakaraia,o nahani mangenge,na vuhuna e Deo i longoa ni vasileki vomu.A rihimu e Elisabet bari podea tara koma bakovi.Pali o vuhuna rana ge Jon. ¹⁴ Ioe bara o tahoka nivivi na tamudimu,e hurika bakovi a ngatavine ranga bara ri vivi na tahuna a koma biri bele. ¹⁵ A vuhuna,ia biri tahoka ni rana dagi na matane Deo.Ia kimi ge ninu a naru vagole,ia biri vonu na Hanu Kiripiripi na tahuna ia pololilo na tamudine kinana. ¹⁶ Ia biri rata e hurika bakovi a ngatavine io Israel ri takitala sin ne ria ri murimaia e Deo. ¹⁷ Ia biri tahoka nitora manga e propet Elaisa ni muga ne ViriDagi.Ia biri rata e virika koma turane tamane ria ri tamudi taku,lakea biri rata e hurika bakovi a ngatavine ni longo tarona ngavane Deo,rigi bolea ni lohoka kamumu ni rata naro malamala manga e hurika bakovi a ngatavine ri malimali.Ia biri rata e hurika bakovi a ngatavine ri pasimata vona parava e ViriDagi ge valai." ¹⁸ "E Sakaraia i takia ensel,"pali iau ga mata kilaka navai vona ra ngava ia ge bele muholi? Iau a gare pali e rihigu tara i gare liu pali." ¹⁹ Lakea ensel i kolia i ta maia,"iau e Gabrel,erei i pepesi na matane Deo.Iau a valai ni taki ioe vona ra velenga kamumu iea. ²⁰ Ara ngava a taki ioe vona bari bele na parava e Deo i vulakia,pali ioe kama o luhoi tora vona ngava a taki.Mavonga bara o ngava rubu kama go kara ni ta,lakea na parava e tumu ge bele." ²¹ E hurika bakovi a ngatavine ri dava tabaka ne Sakaraia ge pagitala na ruma e ViriDagi.Lakea ri luhoi lege navai,i made tabaka pololilo. ²² Muri e Sakaraia i pagi tala lakea kimi ta tabu na arana,ia i ngava rubu.Ia i rata ngava na limana kunana na arana i tahoka maki bele vona.E hurika bakovi a ngatavine ri luhoi maea,ia mege vurena na tahuna i made pololilo na ruma e ViriDagi. ²³ A parava ne Sakaraia ge rata leho na ni voravora na ngava pololilo na ruma e ViriDagi i lobo pali lakea i hamule lakea na tanga vona. ²⁴ Muri ne virika parava nga,e rihina,e Elisabet i singou a keva i lima ia i made kapiloho kunana.E Elisabet i ta maea, ²⁵ E ViriDagi i dodo iau i rata iau a singou.Ia i rata maea ni vaka malavorokia ni maruhu nau na matane hurika bakovi a ngatavine." ²⁶ Na keva i polotara ne Elisabet i singou,e Deo i rudua e ensel Gabrel ge lakea na tanga e Nasaret,ra tanga iea i tabuli na tanga dagi io Galili. ²⁷ Ia i vano ni takia tara ngatavine sirula ni vulaki ge parangi ne Josep,a tara ne King Devit.A rana ra ngatavine sirula iea e Maria. ²⁸ A ensel i bele ne Maria i ta maea,"A Haro kamumu,e Deo i made turamu i gamai ioe i rata kamumu vomu!" ²⁹ E Maria i luhoi lege,vona e virika ngava nga i longo. ³⁰ Lakea ensel i takia maea, "o nahani mangenge,Maria,e Deo i tamudi kamumu hateka ne vomu. ³¹ Ioe bara o singou o podea tara koma bakovi,o vunua rana e ' Jisas.' ³² Ia biri made manga bakovi dagi hateka,lakea bara ni gale ia e tune Deo polomeli hateka.E Deo biri ratea ia king manga a hamona e Devit. ³³ Ia biri made ma King ne hurika tara e Jekop,vakaroro.Biri uka ni lobona." ³⁴ Lakea e Maria taki maea ensel,ra hini nga ge bele navai,iau a sirula kama mahita turana bakovi ma?" ³⁵ Ensel i koli mulea i ta maea,"Hanu kiripiripi biri valai vomu a ni tora ne Deo biri kavitagoe.Lakea ra koma boro podea,ia biri kiripiripi bara ni gale ia e Tune Deo." ³⁶ Longo,balomu e Elisabet ia i gare pali,pali ia i singou biri podea koma bakovi.Ia i tahoka a keva i polotara pali,ra ngatavine iea hurika bakovi a ngatavine ri luhoi maea ia keme ge poda koma. ³⁷ Uka tara maki,e Deo kama ge ratea." ³⁸ Maria i ta,"Kamumu,iau a voravora e ViriDagi,ia biri bele ne nau manga hini ioe o taki."Lakea ensel i pe ia i vano. ³⁹ Muri na tahuna iea,Maria i pesirike laviriri i lakea na tanga dagi na lolo iea o Judia. ⁴⁰ Tahuna ia i bele pali na tanga dagi iea o Judia,ia i lakea na ruma ne Sakaraia lakea i haro ne Elisabet. ⁴¹ Ra koma i tabuli na tamudine Elisabet i kiriko,tahuna e Elisabet i longoa e Maria i haro vona.Lakea Hanu Kiripiripi i vonu ne Elisabet,lakea i kavurikea rane Deo. ⁴² Ia i gale dagi lakea i ta,"Deo i rata kamumu ioe,lakea i habia vomu a maki kamumu kimi palupu manga maki. kamumu i habi ne hurika ngatavine ranga,lakea i rata kamumua koma boro podea. ⁴³ Iau erei e kinane ViriDagi ne nau i valai ge matai iau. ⁴⁴ Longo a koma i mahita na tamudigu i kiriko turana ni vivi na tahuna iau a longoa ni haro vomu. ⁴⁵ Ioe boro vivi na rana,ioe o luhoitora maea virika maki e ViriDagi i takoe vona biri bele muholi." ⁴⁶ Maria i ta,"Tamudigu ia i kavurikea rane ViriDagi. ⁴⁷ Lakea Spirit nau vivi hateka ne Deo i kori iau. ⁴⁸ Iau tara iau a voravora vona a uka ragu,pali ia tara kama i lohopile nau.Na tahuna ngane biri muri ma,ria bara ri ta,Deo i rata kamumu iau i habia nau a maki kamumu. ⁴⁹ Na rana,Deo i tahoka ni tora dagi lakea i ratea nau a maki dagi lakea a ragu i kiripiripi. ⁵⁰ Deo i dodo e hurika bakovi ri rupuru mule ria,lakea ri polotano vona.Lakea i dodo e hurika bakovi a ngatavine ngane,ne hurika bakovi a ngatavine muri ma ranga. ⁵¹ Limana i tahoka ni tora.Ia i kara ni rata voroki e hurika bakovi a ngatavine ri ru rike ria. ⁵² Ia i rata voroki a maka king na sia king ne ria,pali ia i rata kamumu ne hurika bakovi a ngatavine i uka rane ria. ⁵³ Lakea i habi a maki ni kani kamumu ne hurika bakovi a ngatavine erei ri vitolo,pali ia biri lilitala hurika bakovi ri tahoka moni ri vano,pali kimi habia ne ria tara maki. ⁵⁴ Ia i kori e hurika Israel,hurika voravora vona. ⁵⁵ Na tahuna hosi,ia i ta gamai ni rata kamumu ria.Lakea ia i ramai a i ta gamai vona,lakea i dodoa e Abraham huriki e tuna ri bele na tamudina ngane,muri ma ranga. ⁵⁶ Maria i made keva tolu turane Elisabet,lakea i pea i hamule na tanga vona. ⁵⁷ Tahuna i bele ne Elisabet ge poda koma i bele ia i podea a koma bakovi. ⁵⁸ Hurika turana make hana e Elisabet ri longo maea,ViriDagi i rata kamumua lakea to vivi turane Elisabet. ⁵⁹ Na parava i polotolu,ri bolea koma i vano nigi pala kulina.Hurika bakovi a ngatavine erei ri vapopo na tahuna iea,ri ngaru ni vuhuna a rana ge Sakaraia ra koma iea,ge manga a rane tamana. ⁶⁰ Pali a kinana koma i ta maea"Uka,a rana e Jon." ⁶¹ Lakea ri takia,"I uka tara ne mua ga rana e Jon." ⁶² Ri ta turane tamana na limane ria,ri nanea erei a rana ge rua vona koma iea. ⁶³ Lakea i taki ria rigi habia vona tara maki ge here langa vona.Tahuna ri habia vona,ia i here maea,"A rana koma e Jon."Ria lobo ri matai ra hini nga ri turutu. ⁶⁴ Laviriri kunana,ngavane Sakaraia i mapaga lakea i ta tabu,lakea i kavurikea rane Deo. ⁶⁵ Hurika tara ri made tabukoi,ri turutu na ara maki e Deo i ratea ne Sakaraia.Ri vano ri taki e huriki ranga na ara maki ri matai,lakea ra nuverei iea i bele lobo na tabekena lolo na tanga o Judia. ⁶⁶ Erei ri longoa ra nuverei,ri nugu tata tamudine ria ri ta,"Ara maki ge bele vona ra koma iea,tahuna ia biri bele dagi?"Na rana vuhuna a limane Deo i tabuli vona. ⁶⁷ Hanu kiripiripi i vonu ne Sakaraia lakea i ta profet i ta, ⁶⁸ "Kavurikea a rane ViriDagi,Deo na Israel.Ia i valai ni rata mia e hurika bakovi a ngatavine vona ni bele malamala." ⁶⁹ Ia i rudua tara na tara e King Devit i valai ne mia,ia i tahoka ni tora ni rata mia migi made kamumu. ⁷⁰ Hurika profet e Deo ri ta profet pali maea virika maki nga bari bele. ⁷¹ Ia biri nugu lele mia na limane hurika pile ne hita,na limane hurika bakovi ri rata hale hita. ⁷² Ia i rata ra hini nga na rana ia i dodo e hurika hamone hita lakea i luhoi tabua ra kontrak, ⁷³ Ia i rata turane tamane teu e Abraham ⁷⁴ Deo i tagamai ni nugulele hita na ni tora na limana pile ne hita,lakea nahani mangenge ni turume puruma vona, ⁷⁵ Na ni kiripiripi turana naro ni malimali vakaroro na ni mahuri ne hita. ⁷⁶ Lakea ioe tugu,muri bara ri gale ioe a profet ne Deo polomeli liu.Ioe boro muga ne ViriDagi lakea boro kadoa dalana,ne hurika bakovi a ngatavine na ni hamulena. ⁷⁷ Lakea bari ioe o taki e hurika bakovi a ngatavine maea,Deo ia i ngaru ni puga voroki a sin ne ria ge bole mule ria. ⁷⁸ Deo i dodo maea ria lakea,ia bari rudu vilia ni para na hunu ge puru valai ni kori hita, ⁷⁹ Na ni haba ni para ne hurika bakovi ri made na uvo turana ni made na bavi na sin turana ni mate.Lakea hita bara si laho na dala ni tamudi puruma." ⁸⁰ Ngane a koma koru,pali tora na spirit.Ia pololilo na tanga I uka naru a bakovi vona i vano bele na parava ia ge taki talea ngava ne huriki a Israel.