¹ Sol i tamudi taku turana ni mate ne Stiven.Lakea na parava iea e Sol i vakatubu ni rata pile maka a sios i tabuli iea o Jerusalem,lakea e hurika bakovi a ngatavine ri luhoi tora ri ha lakea na maka tanga o Judia turane Sameria,pali e hurika aposel ri made mule. ² Hurika bakovi erei ri lohoka na ni ngaru ne Deo ri kadoa dalane Stiven lakea ri taringi hatekea. ³ Pali e sol i rata pile hateka maka sios.Ia i dili pololilo na ruma takutaku,ia i lalutala hurika bakovi a ngatavine lakea i ru ria na bavi. ⁴ Hurika bakovi a ngatavine ni luhoi tora ri ha lakea na hini lobo ri takitala ngava vona hini nga. ⁵ Filip i puru lakea na tanga dagi iea o Sameria lakea ia i takitala ngavane Kristo ne ria. ⁶ Tahuna na tara dagi e hurika bakovi a ngatavine ri longoa ri masia a maka mirakel e Filip i rata,ri ru kamumua a tuline ria ri longoa ara maki ni taki. ⁷ Maka spirit hale ri pagitala na maka bakovi a ngatavine erei ri tahoka ra maka spirit,ra maka spirit nga ri pagitala turana ni gale dagi lakea i kupo e hurika bakovi a ngatavine erei a limane ria a vahane ria i mate pali,ri mahuri tabu. ⁸ Pali a ni vivi dagi hateka i bele na tanga dagi iea. ⁹ Pali i tahoka tara bakovi a ranga e Saimon erei i muga i rata naro na marila i leho ni rata hurika bakovi a ngatavine iea o Sameria ri turutu hale na na marila,ia i taki mulea maea ia bakovi dagi. ¹⁰ Hurika bakovi a ngatavine iea o Sameria,maka viridagi turana maka koma kiroko ri ru a talinga na ngava vona.Ria ri ta,"Ra bakovi iea i manga ni tora ne Deo lakea ni gale e Viridagi." ¹¹ Ri longo balea ngavana na rana i paru hosi ia i rata ria ri turutu hale turana maka maguli vona. ¹² Pali a tahuna ri luhoi tora ne Filip i takitala velenga kamumu na harikinga ne Deo na rane Isu Kristo,ne ria e hurika bakovi a ngatavine ri bole a baptais. ¹³ Saimon ia tara i luhoitora,i lakea i bole a baptais na parava vakaroro ia i made tabukoi ne Filip.Ia i turutu na tahuna ia i matai maka mirakel turana leho dagi i rata e Filip. ¹⁴ Na tahuna maka aposel iea o Jerusalem ri longoa ngava maea hurika tara o Sameria ri bolea pali a nitane Deo,ri rudu e Pita turane Jon ru lakea ne ria. ¹⁵ Tahuna ru puru valai pali,ru vasileki na maka Sameria rigi bole a Hanu Kiripiripi. ¹⁶ Na tahuna iea,ri bole a baptais na rane Viridagi e Isu kunana lakea a Hanu Kiripiripi kama i puru valai ne ria ma tara; ¹⁷ Muri e Pita turane Jon ru toto langa lima ne ria lakea ri bole a Hanu Kiripiripi. ¹⁸ Na tahuna e Saimon i matai maea hurika aposel'ri ru langa lima ne ria, na maka bakovi a ngatavine ri bole a Hanu Kiripiripi,ia i haba moni ne ria. ¹⁹ Lakea ia i ta,"Habia nau a nitora iea erei a bakovi a ngatavine iau a ru langa limagu ne ria bari bole a Hanu Kiripiripi." ²⁰ Pali e Pita i taki maea ia"Ioe turana moni vomu bari lobo,na rana ioe o luhoi ni kona maki e Deo na moni. ²¹ Ioe o uka leho pololilo vona hini nga,a vuhuna tamudimu kama i malimali turane Deo. ²² Lakea bara o pulo a vilomu vona maka naro hale i tabuli na tamudimu,o vasileki ne Viridagi,ge pelekadoa ge rata vorokia ni luhoi hale i tabuli pololilo na hatemu. ²³ Na rana iau a matai maea ioe o made pololilo na ni hale dagi na tamudimu na bavi na sin." ²⁴ Lakea e Saimon i koli maea ngavana,"Vasileki ne nau e Viridagi,bari uka tara maki mu ta vona ge bele nau." ²⁵ Tahuna ri takitala pali a ngavane Viridagi,Pita turane Jon ru takitala velenga kamumu na tanga lobo iea o Sameria na tahuna ri hamule iea o Jerusalem. ²⁶ Ensel ne Viridagi i takia e Filip i ta maea,"Pesirike o lakea na dala lakea ne saut iea o Jerusalem o puru o Gasa."(Ra dala iea i tabuli na tanga i kere) ²⁷ Ia i pesirike i vano.Ia i masia tara bakovi iea o Itiopia a voravora e kwin iea o Itiopia,ia i lakea o Jerusalem ni turume puruma ne Viridagi.Ra bakovi iea i tahoka pede ni leho na gavman na kwin iea o Itiopia,ia i tahoka leho ni matakari a mani na kwin. ²⁸ Ia i made na karis ne vona ni hamule iea o Itiopia i leho ni here a ngava na buk na profet Aisaia. ²⁹ A Spirit ne Viridagi i taki maea e Filip,"Vano o made tabukoi vona ra kari." ³⁰ Filip i nunu lakea vona,lakea i longoa ra bakovi iea o Itiopia i leho ni here a ngava na buk ne profet Aisaia,lakea i takia,"Ioe o lohoka vona ra vuhuna ngava iea o here o uka?" ³¹ Ra bakovi iea o Itiopia ta maea,"Ge navai ga lohoka vona vuhuna ra ngava iea,rege uka bakovi ge takau?"Lakea i nanea e Filip ge dili na karis ge made turana.Lakea e Filip i dili ni made turana. ³² Ra tabekena ngavane Deo bakovi iea Itiopia i gia ngava i ta maea,"Ri bolea i vano manga tuna sipsip erei bara ri habia na maka bakovi bara ri rabalakia i mate biri manga sipsip karaba i made madoru ni habi na limana bakovi erei bari pala vuna,ia kama i ta ge ratea tara ngava. ³³ Ri ta hale vona kama ri pelekado kamumua kot vona.Erei bari vakalongo e tuna a tara vona?Na rana,ri ratapile ni mahuri vona na malala." ³⁴ Ra bakovi iea o Itiopia i nanea e Filip, lakea i takia,"Iau a nanoe,ra profet i tata mule ne vona o i takitaki a bakovi tara?" ³⁵ Filip i vakatubu ni tata,ia i vakatubu turana ni tane Deo,ia i takitala velenga ne Isu vona. ³⁶ Tahuna ri tabana ni laho na dala,ri bele vona tara naru i tabuli vonga lakea ra bakovi iea o Itiopia i ta,"Masia,naru i tabuli koea,ara maki ge patutu mule iau ni bole a baptais?" ³⁸ Pali ra bakovi iea o Itiopia i ta tora i takari vona karis vona.Ru puru na naru, lakea e Filip i baptaisim,ra bakovi iea o Itiopia. ³⁹ Tahuna ru pagitala na naru,Spirit e Viridagi i bolea e Filip i vano lakea ra bakovi iea o Itiopia kama i matai tabua,pali ia i vano turana ni vivi na dalana. ⁴⁰ Pali e Filip i bele na tanga iea o Asotus pali ia i lakea na hini lobo,na tanga iea i takitala velenga na maka tanga dagi ia i vano ge bele iea o Sisaria.