¹ I ngane pololilo vona ra maka parava nga,a maka murimuri ri bele kupo lakea ri ta vagege ri bele na maka tara na Juda i valai Gris i lakea na maka tara na Hibru,na arana,na tahuna ri veru a maki ni kani,e hurika tara na Hibru kama ri habi a maki ni kani ne hurika ngatavine e girihine ria ri mate pali. ² E hurika mugamuga ne vona ri gale huriki ri muri ri ta maea,"Ia kama i kamumu ni pe a naro ni takitala ngavane Deo ne hurika bakovi a ngatavine teu tege veru a maki ni kani i lakea ne ria. ³ Hurika turagu,mu pasi a bakovi ge polorua na palane mua,e hurika bakovi rigi tahoka ni rana kamumu bara te pasia ni rata leho nga. ⁴ Pali ne matou,mateu lobo bara mete made ni vasileki turana naro ni takitala nitane Deo." ⁵ E huriki lobo ri vivi vona ngava to ratea.Lakea ri pasia e Stiven,a bakovi i tahoka ni luhoi tora dagi pali vona Hanu Kiripiripi turane Filip,Prokorus,Nikano,Timon,Pamenas turane Nikolas,tara bakovi i pulo a vilona iea o Antiok, ⁶ E hurika bakovi ni luhoi tora ri bole re hurika bakovi nga ri valai na matane hurika murimuri,ne ria rigi toto langa ne tou rigi vasileki ni pasi ria ni ratena ra leho iea. ⁷ Lakea ra ni tane Deo i vano i dagi hateka,a nigi na maka murimuri ri bele kupo pali dagi hateka pololilo iea o Jerusalem tarana nigi i dagi hateka ne hurika pris ri valai ri ramaea a dala ni luhoi tora. ⁸ Pali re Stiven i vonu na ni dodo turana na ni tora i rata maka leho na ranga turana ni ta vakabele na palane hurika bakovi a ngatavine. ⁹ Pali a ranga e hurika bakovi a ngatavine erei ria vona ra ruma ni vasileki dagi na maka Juda,ri gale ria maea ria bakovi malamala na ruma ni vasileki dagi na Juda,a tanga dagi iea o Sairin turane Alekandria,lakea ranga ne hurika Silisia turane Esia ri pesi. ¹⁰ Lakea kama ri kara ni pesi ni ta vagege na ni luhoi ge kamumu i habia spirit ne Stiven ge ta. ¹¹ Lakea ri taki e hurika bakovi rigi vano rigi ta maea,mia mi longo e Stiven i ta padikede e Moses turane Deo." ¹² Ri rata e hurika bakovi a ngatavine ri hate kapupu,lakea e hurika bakovi dagi turane hurika bakovi ni lohoka na lo,ri nugutatea e Stiven ri bole lakea na limana maka matakari. ¹³ Ri bole lakea bakovi ni tatami i ta maea,"Ra bakovi iea kama i ngava rubu ni ta puhaki vona ra tanga i Kiripiripi turana lo. ¹⁴ Muholi hateka mia mi longoa ia i ta maea,Isu o Nasaret biri ratapilea ra tanga bari puloa naro na hamone teu e Moses i habia." ¹⁵ E hurika tara ri made vona ra ruma na matakari ri matanono a matana i manga matana ensel.