¹ Na 3kilok na malunga e Pita turane Jon ru lakea na tempel na parava na ni vasileki. ² Lakea ru matai ranga bakovi ri bolea tara bakovi a vahana turana limana i mate pali ri rua na matana ni hebi na tempel ni gale e Naispela,ri rua ge nana e huriki na moni a maka maki ne huriki ri dili na tempel.Lakea i nana rua na moni. ³ Tahuna ia i matai e Pita turane Jon rugu dili na tempel,ia i nana rua na moni. ⁴ Pita turane Jon ru matanono gaua lakea ru takia,matanono maria." ⁵ Ra bakovi a vahana a limana i mate pali i mata rike ne Pita turane Jon ia i luhoi maea rugu habi vona ranga maki. ⁶ Lakea e Pita i takia,"Silva turana gol iau a uka pali ara iau a tahoka bara habia vomu.Na rane Isu Kristo iea o Nasaret ioe o pesirike o laho." ⁷ Pita i nugurikea na limana kanena lakea i vakapesia.Lakea i laviriri hateka vahana a tuhana i tora mule. ⁸ Ra bakovi iea i mate pali a vahana limana i pesirike laviriri lakea i laho;lakea i dili turane Pita e Jon na tempel,i laho i pagi rike rike lakea i kavurikea rane Deo. ⁹ Hurika bakovi a ngatavine ri masia ra bakovi iea ia i laho i kavurikea rane Deo. ¹⁰ Ri matakilala maea ra bakovi iea ia kunana viri made na ni dili na ni hebi na tempel ni gale e Naispela lakea i nana bala na moni a maki;Lakea ri turutu hateka vona ara maki i bele vona bakovi iea. ¹¹ Tahuna ia i made turane Pita e Jon,hurika bakovi a ngatavine ri turutu hateka ri nunu lakea na verenda tou to made vona ri gale maea ni vivi dagi ne Solomon. ¹² Tahuna e Pita i matai a hini nga,ia i taki e hurika bakovi a ngatavine maea,"Mua e hurika bakovi a ngatavine o Israel,i navai mu turutu?Navai mu matanono gau maria mu luhoi maea maria miri ratea na ni tora turana narona ni ramai a lotu maria kunana? ¹³ Deo ne Abraham,Aisak,turane Jekop turane Deo ne tamane teu,ia i haba rana dagi na voravora vona,e Isu.Ia kunana mu haba bito vona mu habia na limane Pailat,na parava ia i luhoi ge habia ne mua. ¹⁴ Mua kunana mu habi a bito vona ra bakovi i kiripiripi i malamala i uka potu,mu nana ria na bakovi i rabalaki a bakovi rigi pugea ge vano. ¹⁵ Mua mu rabalakia bakovi erei i hah ba ni mahuri,Deo i vaka mahuri tabua na ni mate,lakea mia mi bele manga ni vakasiri vona hini nga. ¹⁶ Mavonga mu luhoi tora na rana i ratea ra bakovi iea i tora i ngane mu masia mu lohoka vona.Ia i muholi,na ni luhoitora vona e Isu i vaka mahuria ra bakovi na matane mua lobo. ¹⁷ Pali hurika turagu,iau a lohoka maea mua kama mu pala mu rata maka naro nga.Hurika mugamuga mua ranga ri rata maea. ¹⁸ Pali maka maki e Deo i takitala hosi na ngavana profet,e Kristo bari bole a ni madihi,ra hini nga i bele ngane. ¹⁹ Pali mu pulo a vilone mua mu haba bito na sin,lakea e Deo bari puga voroki a sin ne mua.Lakea e Viridagi bari valai ne mua bari haba ni tora ne mua. ²⁰ Bari rudu vilia e Kristo,ia i pasia nege mua,ia re Isu kunana. ²¹ Ia erei tara a hunu polomeli ge bole mulea ge nugua ge tabuli i vano i kara ge bele na parava e Deo bari vakabele virika maki i bele karaba tabu.Na hini nga,Deo i taki pali na parava i vano ne hurika profet kiripiripi hosi. ²² Moses i ta hosi maea,'Deo e Viridagi bari vakabelea tara profet biri manga iau kunana na palane hurika turane mua.Mua bara mu longo kamumu ara maki bari taki mua vona. ²³ Ia bari bele manga bakovi na palane mua.Erei kama ge longoa a ngavana profet iea ge ramai ia bari bole a ni hale. ²⁴ Muholi hateka,hurika profet na tahuna ne Samuel i valai i bele mona,lakea erei ri bele muri vona,ri rata ngava palupu maea,ria lobo ri tata na ara maki bari bele ngane. ²⁵ Mua kunana maka tuna profet e Deo i taka ngava turane mua na kontrak vona,ne hurika hamone mua,ia i rata turane Abraham.'Pololilo na make tumu pali e hurika bakovi a ngatavine na malala bari bole ni gamai.' ²⁶ Muri e Deo i tulipesia a voravora vona,ia i rudu taro vilia ne mua ia bari gamai mua bara mu pulo a vilone mua mu pe maka naro hale mua."