¹ Ngane pololilo na sios iea o Antiok,i tahoka maka profet turana vinara.Ranga ria;Banabas,Saimion(erei ni gale e Niga),Lusius iea o Sairin,Manaen(turane Herot ni bole ni matakari,ia gavana na provins i 4)turane Sol. ² Tahuna ri pile a maki ni kani ri made ri vasileki ne Viridagi,Hanu Kiripiripi i taki maea ria,"Pasia e Banabas turane Sol,na rana rua bara ru rata leho iau a gale rua rugu rata." ³ Muri ne ria ri pile a maki ni kani,ri ru langa lima ne rua lakea ni vasileki ne rua ni rudutala rua. ⁴ Pali e Banabas turane Sol ru longoa ngavana Hanu Kiripiripi ru lakea o Seliusia;na hini nga ru rike na sip ru lakea na bodu iea o Saiprus. ⁵ Tahuna ri made pololilo na tanga dagi iea o Salamis,ri takitala ngavane Deo pololilo na ruma ni vasileki na maka tara o Juda.Lakea ru bole e Jon e Mak manga bakovi ni kori rua. ⁶ Tahuna ri lakea pali na krukruna bodu e Pafos,ri masia tara bakovi,ia tara profet tatami na maka Juda,a rana e Ba Isu. ⁷ Ra bakovi tara iea ia i tabukoi turana gavana,Segius Polus,ia bakovi ni lohoka.Ra bakovi iea i gale e Banabas turane Sol ru valai rugu masia,na rana ia i ngaru ni longo a nitane Deo. ⁸ Pali e Elimas "A bakovi ni kori mule a viri tara"(a vuhuna rana iea i maea,a bakovi ni kori mule a viri)kama i ngaru ni luhoitora e Deo turana gavana. ⁹ Pali e Sol,ri galea e Pol,ia i vonu na Hanu Kiripiripi,i matanono gauo ra bakovi a ni kori. ¹⁰ lakea i taki maea ia,"Ioe tune Satan,ioe o vonu turana ni tatami turana naro hale.Ioe tara pile na maka naro kamumu.Ioe kama go tutukari a naro mata kamumu ne Viridagi,ioe o kara e? ¹¹ Ngane o masia,Viridagi i madihi a hatena vomu,boro kepa ngane.Kama go matai tabua a haro na parava ranga."Laviriri kunana tara bubu kiroko turana uvo i kaftagua e Elimas;lakea i matakana maka bakovi a ngatavine rigi nugua limana rigi vakasiria na dala. ¹² Muri na tahuna a gavana i masia ara maki i bele,ia i luhoitora,na ara ia i turutu hale vona ngava na vinara ne Viridagi. ¹³ Ngane e Pol turana maka tara vona ri pea e Pafos ri rike na sip ri lakea o Pega iea o Pamfilia.Lakea e Jon i pea ria ia i lakea o Jerusalem. ¹⁴ Pol turane hurika turana ri pea e Pega ri valai ri bele iea o Antiok iea o Pisidia.Na hini nga ri dili na ruma na ni vasileki ne hurika Sabat ri made. ¹⁵ Muri ne ria ri gi maka ngavana lo turana maka profet,maka mugamuga na ruma ni vasileki ri vakarua tara ngava i lakea ne Pol turana maka turana ri ta maea,"Hurika turagu,re mua mu tahoka ranga ngava ni vaka tora mu habi na maka bakovi a ngatavine koea,mua bara mu ta." ¹⁶ 16 Lakea e Pol i pesi i toto rike a limana; ni vakatora ngava lakea i ta maea,'Hurika bakovi o Israel erei i lohoka ni longo i ramai a nitane Deo,mu longo. ¹⁷ Deo ne hurika bakovi a ngatavine o Isreal ri pasi e hurike tamane mia i rata ni gi ne ria i kupo haleliu na tahuna ria na malala ne Isip, i turana limana i rike liu polomeli i bole tala ria. ¹⁸ I papote ge bele na pida i 40,Moses i bole a ni mava turane ria na tanga tavula. ¹⁹ Muri ne vona i hale pali maka kantri i 7 na malala na maka Kenan,ia i habia ne hurika bakovi a ngatavine ne mia manga maki ne ria kunana. ²⁰ Virika maki nga i bele i kupo na pida i 450.Lakea muri na maka maki,Deo i habi na mugamuga i valai e profet Samuel i bele. ²¹ Muri e hurika bakovi a ngatavine ri nana vona tara king,lakea e Deo i habia e Sol a kama bakovi tune Kis,tara bakovi a tara ne Benjamin,bari bele manga king na pida i 40. ²² Tahuna e Deo i kope talea e Sol na sia king,Deo i bole rikea e Devit ge rike polomeli ge ia king na maka Israel.Ne Devit kunana e Deo i ta,'Iau a masia pali e Devit tune Jesi ia i kara ni ramai a tumudi gu turana ni luhoi nau,ia i kara ni rata maka maki iau a ngarua ge ratea. ²³ Na hamona ra bakovi iea kunana Deo i habia tara bakovi ni bole mule ria lakea o Israel,ia e Isu,manga hini ia i tagamai ni rata. ²⁴ Ra hini nga i vakatubu ni bele na tahuna e Isu kama i bele ma.Jon i taki e hurika bakovi a ngatavine iea o Israel rigi pulo a vilone ria rigi bole a baptais. Tahuna e Isu i vakaloboa leho vona,ia i nana ria maea,'Mua mu luhoi iau erei?Kama iau ra bakovi iea.Pali longo,tara bari muri nau,iau kama kara ni puga su na vahana.' ²⁶ Hurika turagu,na tara e tune Abraham,na palane mua erei ri kara ni vasileki ne Deo,ne teu kunana ra ngava ni bole mule a bakovi ia i valai. ²⁷ Ne hurika tara erei ri made iea o Jerusalem,lakea maka bakovi ri matakari ne ria,kama ri matakilalea,lakea ri vaka torea ngavana maka profet i vona vuana ri gi balea na maka parava na Sabat na ni luhoikadoa. ²⁸ Pali kama ri masia vona tara potu ge mate,lakea ri nanea e Pailet ge rabalakia. ²⁹ Tahuna ri vaka lobo maka maki nga hurika profet ri herea na maka bakovi a ngatavine bara ri rata ne vona,ri bole purua na kai tavalavala ri rua na matmat. ³⁰ Pali e Deo vaka mahuria na matmat. ³¹ Ri masia na parava i kupo,maka bakovi a ngatavine ri valai turana iea o Galili ri lakea o Jerusalem.Re hurika bakovi a ngatavine erei ri masia,ri bele manga ni bole kori vona ne hurika bakovi a ngatavine ranga ³² Mavonga mia mi taki mua na velenga kamumu e Deo i ta gamai na maka hamone teu, ³³ lakea ia i vakatora mia ra ni tagamai ne mia,make tune ria,na tahuna ia i vakamahuri e Isu na matmat.Manga hini ni here na buk ne Song 2:'Ioe tugu,na parava iea iau a bele manga e Tamamu.' ³⁴ Ngava muholi i maea,Deo i vaka mahuri mule e Isu na matmat a podana kama ge hale,na dala iea e Deo i ta:'Iau bara habia mua ra maki kiripiripi a ngava muholi iau a ta gamai ne Devit.' ³⁵ Na vuhuna hini nga iau a ta tabu na buk ne Song maea,'Ioe nahani rua a podana bakovi malamala vomu ge hale.' ³⁶ Tahuna e Devit i rata lobo maka ni ngaru ne Deo koea na malala na parava vona,ia i mate;lakea ri rua na matmat a podana turane hurike tamana,i mavuru a podana. ³⁷ Pali a bakovi erei e Deo i vaka mahuri mulea kama ge hale. ³⁸ Lakea mua maka turagu bara mu matakilala,na bakovi iea kunana a naro ni puga sin i bele kavakava. ³⁹ Ne vona kunana maka bakovi a ngatavine erei i luhoitora ri bele manga bakovi a ngatavine i malamala.Pali a maka lo e Moses kama ge ratoe go bele malamala. ⁴⁰ Lakea mu matadoko kamumu na maka maki i taki a maka profet nahani ge bele ne mua: ⁴¹ 'Masia,mua bakovi ni tatami,mu turutu hale muri bara mu velu liu,na rana,iau a rata leho na parava, vomu.Tara leho kama mugu luhoitora,pali ri ranga tara ri takoe."' ⁴² A tahuna e Pol turane Banabas ru vano,maka bakovi a ngatavine ri nana rua rugu rata ngava ge palupu tabu na parava na Sabat. ⁴³ Tahuna a ni vasileki palupu i lobo,i kupo maka Juda a bakovi a ngatavine turane maka bakovi a ngatavine karaba ri luhoitora ri ramai e Pol turane Banabas,lakea ru taki ria ru nana na ni vano turana ni dodo ne Deo. ⁴⁴ Na Sabat tara tabu,papote hurika tara na tanga dagi ri valai ni vapopo palupu ni longo a ni tane Deo. ⁴⁵ Tahuna e hurika Juda ri matai maka paluluna bakovi a ngatavine,ri tamudi mava hale liu,lakea ri ta mule vona maka maki e Pol i ta vona lakea ri rata pilea. ⁴⁶ Lakea e Pol turane Banabas ru koli mule a ngavane ria,ru ta maea,"Ia ge bele maea,ni tane Deo ge valai taro ne mua maka Juda.Pali,mu ru basia ne mua na naro iea,mua mu taki maea kama i kamumu ni bole a ni mahuri tabuli vakaroro,masia,bara tu pulo tarua lakea ne hurika bakovi a ngatavine ranga. ⁴⁷ I manga kunana e Viridagi i haba ni ta matakari i ta maea,'Iau a ru manga ioe a ni para na maka bakovi a ngatavine ranga,na rana ioe o takitala ni tane Deo ni bole mule hurika bakovi,i lakea na tabekena malala lobo."' ⁴⁸ Tahuna e hurika bakovi a ngatavine ri longoa ngava nga, ria ri vivi ri kavurikea rane Viridagi.Lakea i kupo ri luhotora ne Deo na ni bole a ni mahuri i tabuli vakaroro vakaroro. ⁴⁹ Nitane Deo i pagitala na hini lobo na malala. ⁵⁰ Pali e hurika tara o Juda ri ta dagi hateka ne hurika ngatavine ri tahoka rane ria lakea ranga ri ta tora na ngava ni vasileki ranga ne hurika bakovi ri muga na tanga dagi.Ra hini nga i vakatbele a ni hale dagi i lakea ne Pol turane Banabas ni voroki rua i lakea na tanga dagi. ⁵¹ Pali e Pol turane Banabas ru puraki voroki maka habulo na vahane rua ne ria.Muri ru lakea na tanga dagi iea o Ikonium. ⁵² Pali maka murimuri ri vonu na Hanu Kiripiripiri turana ni vivi