¹ Ngane maka aposel turane hurika bakovi a ngatavine niluhoi tora erei ri made iea o Judia ri longo maea,maka bakovi a ngatavine na tara ranga ri luhoitora ne Deo. ² Tahuna e Pita i valai o Jerusalem,hurika tara erei ri pala kuli ri padia na ngava e Pita; ³ Ria ri ta,"Ioe o vapopo o kani turane hurika tara kama ri pala kuline ria!" ⁴ Pali e Pita i taki tabu ria na ara maki i bele,ia i ta, ⁵ Iau a vasileki na tanga dagi e Jopa,lakea a bolea tara ni vurena.Na vuregu iau a masia tara maki i manga kulopi dagi i puru valai na hunu ni nugu na harena i va i manga varikia i puru valai na tanga iau a made vona. ⁶ Iau a masia a luhoi ra maka maki nga,iau a matai maka kania na malala a livoa turana kania i tahoka vahana i va,maka mata turana kadirovo na hunu. ⁷ Muri iau a longo ni gale i takau,"Pita;o rabalakia o kania!' ⁸ Lakea iau a takia"Viridagi,iau kama kani a kania i katoki. ⁹ Pali i bloko rua ni gale na hunu i taki maea iau,"Ara maki e Deo i longo vona nigi kani,nahani taki ge uka." ¹⁰ Ra hini nga i bele bloko tolu, muri ra maka maki nga i hamule lakea na hunu. ¹¹ Laviriri a bakovi i ala tolu to pesi na matana nihebi ne mia mi made vona.Ni rudu rua o Sisaria ni valai ne nau. ¹² Pali a Hanu Kiripiripi i takau ga muri ne ria,nahani ga ta maea e hurika tara ranga a turagu i ala polotara ri vano turagu mi lakea vona ra ruma na bakovi iea.Ra bakovi iea i taki mia vona tara ensel ¹³ ia i pesi pololilo na ruma vona i ta,"Rudu e hurika bakovi rigi lakea o Jopa rigi taparakia e Saimon ni gale e Pita ge hamule. ¹⁴ Ia bari taka ngava ni kori mua,ioe turane hurika bakovi a ngatavine vomu bara mu pea naro hale mu ramai a naro kamumu. ¹⁵ Tahuna iau a vakatubu ni taki ria,Hanu Kiripiripi i valai ne ria na naro i palupu kunana manga hini bele muga mia. ¹⁶ Pali iau a luhoi tabua ngavane Viridagi,ia i ta maea,"Jon i haba baptasi na naru;pali mua bara mu bole a baptasi na Hanu Kiripiripi." ¹⁷ Pali re Deo ge haba presen na Hanu Kiripiripi ne ria ge palupa manga hini habi ne hita na tahuna si luhoi torea e Viridagi Isu Kristo,iau erei ga patutua leho e Deo?" ¹⁸ Tahuna ri longo maka maki nga,kama ri ratea tara ngava,pali ri kavurikea rane Deo lakea ri ta,"Deo i habia pali a naro nita dodo na sin ni bole a ni made mahuri vakaroro ne hurika bakovi a ngatavine ranga." ¹⁹ Muri ne ria ri rata halea e Stiven ri rabalakia i mate,maka bakovi ni luhoitora ri mangege ri ha viliha lae lakea o Fonisia,Saiprus turana Antiok,ri takitala ngavane Isu ne hurika tara iea o Juda kunana. ²⁰ Pali ranga ne ria maka bakovi ni luhoitora iea o Saiprus turane Sairia ri valai o Antiok ri takitala velenga kamumu ne Viridagi e Isu na tara o Grik. ²¹ Limane Viridagi i tabuli turane ria lakea i kupo e hurika bakovi a ngatavine ri luhoi tora ri valai ne Viridagi. ²² Tahuna maka sios iea o Jerusalem,ri longa ra velenga kamumu ne ria ri rudua e Banabas i lakea o Antiok. ²³ Tahuna ia i valai i masia a ni dodo ne Deo ni mahuri ne ria,ia i vivi i vakatora ria ni made turane Viridagi rigi luhoitorea turana maka tamudine ria. ²⁴ Banabas ia bakovi kamumu i vonu turana Hanu Kiripiripi ia i tahoka ni luhoitora dagi,lakea i kupo e hurika bakovi a ngatavine ri luhoitora ne Viridagi. ²⁵ Muri e Banabas i lakea o Tarsus ni vorokane Sol. ²⁶ Tahuna ia i matavisia pali e Sol ia i taparaki mulea o Antiok.Pololilo na pida i taku rua ru vamatai turane hurika bakovi a ngatavine na sios ru taki ria ne Isu.Na tahuna iea o Antiok,tahuna muga ri ru a rane ria a Kristen na maka murimuri. ²⁷ Na tahuna iea ranga profet ri pea e Jerusalem ri puru valai iea o Antiok. ²⁸ Tara ne ria a rana e Agabus,Hanu Kiripiripi i made vona lakea ia i ta profet na pago dagi bari bele na tabekena malala lobo.Ra ni ta profet i bele kava na tahuna e Klaudias ia i made manga mugamuga na maka Rom. ²⁹ Tahuna ri longoa ngavane Agubus,hurika murimuri ri ru kadolu maka moni ni kori e hurika bakovi a ngatavine niluhoi tora iea o Judia.Ri habi a maki na ni ngaru ne ria. ³⁰ Ri rata maea;ri habi ne Banabas turane Sol ra moni nga rugu habi na maka mugamua na sios iea o Judia.