¹ IOXE VAIKALA LAMANA NOXOU IAUE Mulai noxou Jonah Amittai olu,muvikala aloxo, ² ''Na lutu mo nalai notuala Nineveh,no anu Taoni tila,mo navikalanei lamana lexe totosa noxia molomuke noxia anu ane mixalixu lamana noxilo 'o''. ³ Ia uasi Jonah muavuti sou mu'umolu vaikalau Lataua lexe ualai Nineveh la mulai Tarqahish.lasou anu muluelai Joppa soulexe umalei laship vile ulai ne Tarshih.Lasou anu mulotonu laship sou utelo noxia sou ulai neTarshish,Mumolu Iaue alualu noxou. ⁴ Lasou Iaue muso vanu atume toxotoxoxa la muxali loxo rauni rauni atume no luaki. La muxali aloxone lasipi umamulo noanu. ⁵ lasou itema sou uiavelixu lasipi mu,ume toxoxu mo tamitema vilevilesi mitama mo mikatunei Talataua noxia vilevilesi.La anei mipeinu lakakosou lahiri mulai noluaki sou uoxonu lashipi papaxexu Seville. Ia Jonah ne mulai muxolu nonano noanu lashipi enginisou,no muai muvamiminu. ⁶ Lasou kiaptain mine noxou la muvikala nu aloxo,Nini ne nava e nai,I o?"Na tulu!Mo nakatu ulai noxou Lataua noxine!Male Lataua noxine imaisine la male usulinenge la taulua uasi". ⁷ Anei mivikalanei ngatongato ,"ngane,e mo nengea tapilai lots Lasou alavusou lexe eiane anu tavau tumaxu aneo e uxali noxinge o,o lasou mileanu lots lamulapau noxou Jonah. ⁸ La anei muvikalanu Jonah,"Alexe navikala nexi Ei ane tavau mi masumasua ane uxali noxixe.La vokumeni mai,la ninimene nei? Cautry noxine mai mo ngingi ngamitema ngamai?" ⁹ Jonah muvikalanei aloxo,"Ieni amaitama sie Hebrew;mo eni aumolu Yahweh,anu Lataua sou Tuala laixe(Heaven),anu mukoinu luaki mo lia esi'esi." ¹⁰ La anei tamitema ne miume muoki la mivikalanu Jonah," Mi mai aloxo nini nexonu o?"Xo anei tamitema ne milavusou lexe anu mumolu alualu noxou Yahweh,Xo anu muvikalanei. ¹¹ Lasou anei mivikalanu Jonah," Mimaia ane nexi taxonu noxine lasou luaki uaiseisisi noxixe?"Xo luaki sinu upilapilai nexi uasi. ¹² Jonah muvikalanei aloxo,"Ngatetelisilo mo ngasualeli uluelai noluaki.Mo sou luaki uai seisisi noxinge,xo eni elavusou lexe enisi lasou xasi tatila ne muxali noxinge ne." ¹³ Mine muxali aloxone la tamitema itovosou ixiunu uaxa Tatila ne ulivu ulai notani esiesi, la uasi avile xo luaki ne xavinu musuku sou iuouo lisa is. ¹⁴ La anei mitama mulai noxou Iaue la mivikala aloxo," nexi talinga ine'e, Iaue,nexi talinga ine, umomomo sou naxo masuanexi uasi noanu mimaia ane muxali noxou itema aneo maulixu,mo umomomo sou naxo masua nexi sou soli noxou,xo mini,Iaue nelavusou mine sou oxonei naosa." ¹⁵ Lasou anei mitetelisou Jonah lasou mileanu mulue noluaki, lasou luaki muai seisisi. ¹⁶ La tamitema miumolu Iaue musuku. Anei mielaxu offer mulai noxou Iaue. ¹⁷ La sou Yahweh mulalaxinu Sinana vile tila sou mune mumlukusou Jonah,la Jonah muai nonano noponu Sinana voxo tatalu xe olovoxo tatalu.