¹ पर जा याद करओ, कि आखिरी दिनमे डरलागन बारो समय अबैगो । ² काहेकी आदमी अपनए इकल्ले माया करन् बारे, रुपैया पैसाको लालच करन बारे, घमण्डी, ढिट, औरको बदनाम करन बारे, अइया-दौवाको आज्ञापालन ना करन बारे,बिना गुन भए और अपवित्र, ³ स्वाभाविक प्रेमनभएके, खुशी ना कर पनबारे, औरेको बिजरो करन बारे, दुरचारी, क्रूर, अच्छी बातके घिणना करन बारे, ⁴ विश्वासघाती, उत्ताउला, अहङाकारसे फुले, परमेश्वरसे जद्धा सुख-विलासके प्रेम करन बारे, ⁵ भक्तिको भेष लेनो, पर बाको शक्तिके इन्कार करन बारे होमंगे । अइसे आदमीनसे अलगए बैठओ । ⁶ काहेकी बिन मैसे कोइ-कोइ घर-घर घुसके पापसे थिचरे और बिभिन्‍न पापके कब्जामे पणे कमजोर बैयरनके अपन अधीनमे करत हँए । ⁷ जौन बैयर सिखन त सदामान सिखत हँए, पर सत्यको ज्ञानमे कबहु आए ना पात हँए । ⁸ जैसे यान्‍नेस और याम्ब्रेस मोशाको विरोधमे खडा भएहँएँ ,आइसीयए जे झुट शिक्षक सत्यके विरुद्धमे खडा होतहँएँ । बिनकी मन भ्रष्ट हुईगईहए, औ बे विश्‍वासके इन्कार जे आदमीनके फिर सत्यको विरोध कर्त हँए , जे आदमी भ्रष्ट दिमाकके और नकली विश्वासके होतहँए । ⁹ पर बे और जद्धा ना टिकंगे , काहेकी बे दुई आदमीको जैसो बिनको मुर्खता सबए के ठिन प्रकट हुइहए । ¹⁰ 10 अब त तुम मिर शिक्षा, मिर बानी, मिरजीवनको लक्ष्य, मिर विश्वास, मिर धैर्य, मिर प्रेम, मिर स्थिरता देखे हौ, ¹¹ 11 मिर सतावटके और मिर कष्टनके एन्टिओखियामे, आइकोनियामे और लुस्त्रामे मिर उपर का पणन आओ और कैसे-कैसे सतावट सहो, ताहु फिर बे सबएसे प्रभु मोके बचाई| ¹² 12 ख्रीष्ट येशूमे भक्तिसाथ जीवन बितानके इच्छा करन बारे सब जनै सतावटमे ¹³ पणंगे|13 पर दुष्ट आदमी और ठगाहा ठगके और ठगके झन-झन दुष्ट होत जाए हँए| ¹⁴ 14 पर तुम त अपनए सिके और दृढसंग विश्वास करे जे बातमे लागीरहौ| बे कौनसे सिकेहौ, सो तुम अपनए जान्त हौ| ¹⁵ 15 तुम बालक काल से पवित्र-धर्मशास्त्रसंग परिचित हौ, जौन ख्रीष्ट येशूमे भव विश्वाससे मुक्तिके ताहिँ तुमके शिक्षा देन सकेहए| ¹⁶ 16 सबए पवित्र-शास्त्र परमेश्वरको प्रेरणासे भव हए, और जा सिकानके, अर्ती देनके, सच्यानके, धार्मिकतामे तालिम देनके लाभदायक होतहए, ¹⁷ 17 ताकि परमेश्वरको जन हरेक आच्छो काममे पूर्ण रुपसे सुसज्जित हुइके सिध्द भव होबए|