¹ Kae kobe akueyabibeje pa juemeto kujinae anija vaibeje yaajava Dario pakujinae itorobanuka, Petujjanenü Zacaria tsijamatabü kuikuijaitsi, Berequia pejjinato, Iddo pejjünato, profetanü, jumaitsi: ² ¡Petuujjanenü bitsokuenia pajja baraa anaepana! ³ patsipaebare bajarapamonae: "Petuujjanenü Wajabütsaü matabototonü ma jumaitsije: "!Jjanü javaberena panaviabare"!, ma pakuenia jumaitsije wajabütsaü Pijatuujjanenü, "Jjanü neejjata pajjamü javabelia ikatsia naviatsialiajû, jai wajabütsaünü tuujjanenü. ⁴ Pajja pütsa pajüpame, pamonae Dioso jume livaisi paebivi jumaitsitsi ma pakueniaje: " Petuujjanenü wajabütsaü matabokotonü ma jumaitsije: "!Panavekua natsare pebisia namuto vekua pebisia kuene vekua ata!" Baitsi jane itsiata bajarapamonae apo nejumetae. Ma pakueniaje jumaitsije Petuujjanenü". ⁵ Pajja, ¿Itsajota nubena?Itsajota nubena Dioso jume livaisi paebivi, ma jota nubenaje bajayajeebi neejjaje? ⁶ Baitsijane tajume tajalivaisi, taitorobi java tanejume livaisipaebivi, ¿apo jume jjenetsi pajja? Neejjata, bajara pamonae nakuene kopata ma jumaitsije: "Pakuenia Petuujjanenü ruta pajjanü yaabara, jjua pakuenia patakuene yaabara panekaüjüpa, bajara pakuenia pajjanüta ejjana." ⁷ Veinticuatro pa matakabitalia undecimo pa juemetotalia, Sebat pijajuemeto, najuabeje pavaibeje kujinae Dario peitorobi matakabita, Petuujjanenü Zacaria tsijamatabü kuikuijaitsi, Beraquia pejjinato, Iddo pejjinato, Dioso jumelivaisi paebinü, ma jumaitsije: ⁸ "Meravita janijì, !Taema! Jivitonü caballo petsobianü jumaa ekaya, bajaraponü mirto naejavaanü tuatuajüta nukalia pepjotoonü javatalia; bajaraponü pepünüta caballoyoonü nubena petsobiavi, petsükünaevi, petsikünaetsobianü, peniponaevi ata. ⁹ Jjanü jumaitsinü: "¿Taja Tuujjanenü, Dejjuaje jane jjuaje?, Neejjata Petuujjanenü pija angelenü tanebarü kuikuijainü: " Jjanü katsitajütsianatsi ma jjuaje".