¹ Mara petujjanenü pelivaisi Miquea to kuaikuaijaitsi Moréset tomara pijinü, Jotam pija matakabita, Acaz, yajava Ezequías, Judá pijinü pemata kanukaenü, petsi itajütsi livaisitsi Samaria yajava Jerusalén. ² Pajumetaema, dajjita tomarapijivi, pajumetaema, nejumetaema ira, dajjita jjua takatsipaebi livaisi jjamüta. Pakopare petujjanenü Diosonü kakuene paebi, petuujjanenü pija bo veere na . ³ Pataema, Petuujjanenü tijatajjunae veerena pitsapa, Bajaraaponü runaenika tajjunanonobiana dajjita irajuma tsutonü. ⁴ Bajaraapatsutonü bajaraaponü pebüjjüpanata naninibiatsane: Pebüjjüpjotonü naninibiatsane be manijjujju isokotia wajünaya, be mera pakuenia pitapajanitoreka ba runareka. ⁵ Mara jjuaje Jacob pe anaeponae jamatabukuene yabara, yajava Israel pija viriawi pija pabisia jamatabükuene.¿Detsa papeanaeponaejematabükuene Jacob? ¿Samaria raja apo?¿Detsa jjuayabara ibo jumatsutonüta nuba Juda javata?¿Jerusalen pijivi raja bajarajjua apo itsi? ⁶ Jjanü itsintsane Samaria java ayikuenia vayapjota, viñedo be pe ubitajjunaenüta. Jjanü topenetsianajü pija penakuenabi ibotonü vlle javata; ⁷ Dajjita pe itsi jumpe jawa mujjupa tapjobabia; dajjita bajara pova pija ofrenda to tajuitsianatsi. Dajjita pija diosovi to bijiabi tsanetsi. Bajara pova caituata penaperabü kanajetsi matamota, pakuenia bajara ponü matamota penaperabü kanajetsiva bajara pamonae naviabiarena." ⁸ Pajamatabükuene yabaraje jamatabükuene navitajü büjanünua; tajjusa tabüsanua ponaenajü; be chacalnü kuenia nuenajü be jororotonü jamatabükuene navitajü. ⁹ Tsipaji jjaina apo penakütsi vajünü,nejjata pata judá javaberia.taja tomara baupa kajjina, Jerusalén yajava. ¹⁰ Pütsa Gat javata jumaitsimü; pütsa jema panuame. Bet Le Afrá javata ira tsüjjüta namata torenebianajü. ¹¹ Bajara jjoyo java panajetarubenaename, Safir tomara pijivi, auraya tabusa paponame. Pütsa Zaanán tomara pijivi pitsapa. Bet Esel beje bitso büjai, pe evetsi jamatabükuene java vekua ajibi ejjanatsi. ¹² Tsipaji Marot tomara pijivi eveta baruyaya pejjania livaisi, tsipaji PETUJJANENÜ javavetsika runae ejjana pabisia jamatabükuene java Jerusalén tomara baupata. ¹³ Carruanü pakübare caballo juma bitsaütota, Laquis tomara pijivi. Laquis javata pejinonopaevi. Jjamü, Laquismü, itsimü kopiaya pabisiakuene ne ejjanaejava Sion pejjunatoyota, Israél pijivi kajjina pabisia kuene pe ejjanaejava jjamüta ¹⁴ Bajara pakuenia jjamü itsakuene java rajutsianame amoneya Moréset Gat nenapüjiabi java yabara;Aczib pija tomara pijivi jamatabükuene najjuabi ejjanaena Israel pija ira evetsinünü. ¹⁵ Jjanü ikatsia kanaviatsiarenajû papeka jamatabü kaituatsinünejja,Moresa tomara pijinü;Adulam jababeria naviatsiana Israel pejipejjania jamatabükuenenü. ¹⁶ Tsikiri jivijji siva namatajjunare nesiva jamatabü barüya nakuetojji.Be kotsala kuenia namata libore,tsipajji nejji tajü kavekua ponaena.